🌍نفس واحدة تكفي🌍
-60-
علي : باباك مكاينش..
نازلي: غيكون فالقهوة ..ملي مكنكونش ..كيولي يعمر الزنقة كتر من الدار ..
علي:تماام..نمشيو لسبيطار ولا نفطرو؟؟
نازلي : لي عجبك احبيبي..
علي وقف تيشوف فيها وهي مشات هازا سوارت تلوطو..:كترتي عليا من حبيبي ولا غير جاب ليا راسي..
نازلي دارت عندو: بغيتي نبقا نعيط ليك ازمر وازبل..معندييش مشكيل..تانا معنديش مع رومانسية راه غير تنبزز على راسي وصاف..زيد ركب وسكتنا..
علي: صافي صافي ..عافاك رجهي للرومانسية تاعك وهنينا..
نازلي: لااا صاف مشات ديك الحالة..ملي معجباتكش نغوليك حبيبي..صااف..
علي بدا تيضحك..ركبو وديمارا لسبيطار..باركا لوطو فالباركينغ..وهبطو نازلي لاوية يديها على دراعو وهو عاجبو الحال..ودخلو..
.....: نازلييييي
دارت نازلي ..لقات الطبيبة ايدا..لابسة سروال وتريكو صوفي مخشي فالسروال..وسبرديلة ومونطو محلول..
نازلي: ايدااا..صباح الخيير..
ايدا: صباح النور..
تسالمو وسلمات على علي باليد..
ايدا:واقلة تانتوما مبتوش فالسبيطار..
نازلي:لا البارح بتنا فالباركينغ..ومشيت انا بدلت ورجعنا نطلو على عمر تاني..
ايدا:تانا جيت على قبلو..اما مخدامة حتال 2تلعشية
علي لي كان شاد يد نازلي زير عليها وعاود رخف..نازلي جاها الضحك..
نازلي:اه اه واخا يلاه نطلعو..
ركبو فسانسور وايدا مهبطة راسها مكتشوفش نظرات نازلي وعلي..لي جاهوم الضحك..
خرجو ومشاو جيهة الغرفة..لقاو كولشي واقف تماك..آيشا واقفة حدا الجاج ..عينيها حمرين ومغرغرين..
نازلي:آيشا..بركة عليييك..اطرتي وكليتي شي حاجة.
آيشا: لا باقي..خفت عليه بزاف وباقا خايفة عليه..الا مشتفتوش واقف قدامي مغنتهناش..
تلاحت على نازلي تتبكي..وعلي واقف مع القائد تيهدرو..وايدا واقفة تاهيا تتشوف من زاج ..وسمعات هدرة تاع آيشا..
خالد غالس حدا نور..وتيشوف غير قدامو..كولهوم عينيهوم مبوقين بالنعاس وتحت عينيهوم زرق..نازلي بدات تدمع حتا هي..
ايدا غمزات نازلي..ونازلي غلسات آيشا حدا خالد لي عنقها
نازلي: قائد بغيتي قهوة نجيبها ليك معايا؟؟؟
القائد: واخا ابنتي..
شافت فنور وخالد..هزو راسهوم تاهوما..وتحركات مع ايدا باش تهبط للكافيتيريا..
ايدا:نازلي ..نسولك وماديريهاش مني قلة الصواب..
نازلي:لا عادي غير هضري..
ايدا: البنت لي كنتي معنقة..واش صاحبت عمر؟؟؟؟
نازلي: اه خطيبتوو..مسكينة تيبغيو بعضهوم بزاااف..كانت غتموت البارح كون طرات ليه شي حاجة..
ايدا بصدمة: مم اه..مس..مسكينة..
نازلي طمرات ومبقاتش دوات وتتشوف بنص عين فايدا
هبطو للكا فيتيريا..خدات نازلي صينيا فيها القهوات كاملين...وتمات طالعة هي وايدا لي مابقاتش دوات..
فرقات نازلي القهوات على كل واحد ورجعات وقفات حدا علي..
القائد:انا غنمشي للمقر..راه خليت الفرق تالفين ومشتتين..نتوما بقاو هنا ..نسالي ونرجع..الا طرات شي حاجة علموني..
علي: امرك قائدي..
نور: قائد ..غنمشي معاك نعاون بوراك فالتحقيق..
القائد: تمام
مشاو بقا علي ونازلي..لي شادة كتفها حيت عطاها الصداع..وخالد لي خاشيه فيه أيشا لي بقات غير تتنخصص..وايدا شادة قهوتها وتطل من زاج وساهية..
آيشا:دكتورة..
ايدا دارت بابتسامة: نعام ا حبيبة..
آيشا:امتا يقدر يفيق..
ايدا: يقدر يفسق اليوم بليل..ويقدر حتال غدا..بما أن الدقة مجاتوش فالنخاع الشوكي..اذن راه مغيتعرضش لغيبوبة والا حتا خسائر..خاصو غير الراحة وصافي..ومتخافيش احبيبة ..غيرجع حسن من لول..وتجوجو وديرو دراري وكولشي غيتنسى مع الوقت..
كولشي حز راسو بصدمة..الا آيشا لي كانت تتبتاسم بحزن ..حتا سمعات هضرتها وهي تجمعها وحلات عينيها بزاااف..اما نازلي هبطات راسها كضحك بزز..
آيشا:..كييف..كيفاش..نت..نت..نتزوجو؟؟؟
ايدا شافت فيهوم مصدومة :علاه نتي ماشي خطيبتو..
آيشا: ويليييي..عمر راه خويا..ماشي خطيبي..هاهوا خطيبي..
ايدا ولات حمرة وهزات عينيها فنازلي لي مهبطة راسها كتسمع غيير خخخخ..جات بغات تلاح عليها وشدها عاي تيضحك..
عليهي مولات الفعلة يااك..ههههههههههه ماتديش عليها راه هبييلة😂😂
كولشي بدا تيضحك الا ايدا لي حسات بلي نازلي عاقت بيها داكشي باش تفلات عليها ..ولات سكتات باش متعيقش..
نازلي غمزاتها تضحك وسكتات..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
