🌍نفس واحدة تكفي🌍
-79-
#المقر..
القائد: نازلي ناقصة واش مغتجيش..
علي:لاا صبحات مريضة..
القائد: ااه مالها..
علي: ماعرت..ملي خرجات من هنا وهي ناعسة فاقت بليل تتبكي ورجعات نعسات..والصباح بدات تتبكي تاني..وليت خليتها..
القائد: تمام دبا ندوي معاها..
آيشا ابتاسمات ابتسامة عريييضة وشافت فعمر..
آيشا بشوية: نتحاطو حتا حاملة..
عمر خل عينيه ودار عندها: نتي راه هبيلة..غير اجي وغول حاملة ..صافي غير تتبكي راه حاملة..
آيشا : واش خاسر نتا..نتحاطو على 2000 ليرة..
عمر: مشات ..ومتأكد بلي محاملاش.
آيشا :تماام😁😁
القائد: ادن نتوما عارفين اش غديرو..راه خدمتكوم عارفينها..مانبغيش تفرشووو ومنبغيش شي حاجة خارجة على القانون..راكوم عارفين الربيع هادا البلاصة عااااامرة فالمدنيين..يلاه سيرو ..علي بشوية فالطريق..وطريق السلامة ليكوم..
مشاو بعدما توادعو..وتعانق علي مع آيشا
علي بهمس:ها سوارت الدار لحتهوم فجيبك ..ردي ليها البال ..عافاك سيري باتي معااها الى ممكن..
آيشا: ويلي تتوصيني..سير وكون هاااانيي..
علي هز يديه شير لعلي وغمزو ار بيديه 2 ..عمر فهمو تيوصي باش يرد البال على آيشا ونازلي..عمر بتاسم ليه..
علي: بوراك ..ملي تكونو غاديين للادارة وراجعين..ديها وردهاا..تمام..
بوراك : تمام..
مشاو ..ورجعو لخرين تيكملو خدمتهوم حتا وصلات لعشية...نازلي صونات للقائد اعتادرات حيت مجاتش..وتفهم الوضع وخلاها..
آيشا وعمر فطوموبيل غاديين لعند نازلي..
آيشا: غتبات معانا..
عمر: لا خارج نتعشى هاد ليلة برا مع ايدا..
آيشا: امتا غتمشي تخطبها..
عمر: يسالي هادشي..وهاد روينة ونمشي نخطبها..تيبانليا نديرو بحالك..خطبة وعقد..العرس لا انا لا هي باغاه..انا العرس خاص تكون فيه العائلة وحنا عندنا غير بعضياتنا دونك بلاش..
آيشا: لي عجبك نتا..انا منقدرش ندخل فقرارتكوم..شوفها هي اش باغا الى كانت مباغاهش دير بناقص..
عمر: يكون خير..يلاه زيدي نشوف نازلي ونمشي..
هبطو وطلعو معانقين حتا وصلو للدار حلات آيشا الباب..ودخلات وتابتها عمر..لقاو نازلي غالسة فلارض وجهها صفر وشعرها مجموع الفوق..وفازغ وجها ويديها..ولابسة بيجامة سروال وتيشورت.. وباينة فاشلة..
آيشا(بخوف) : اويلييي ماااالك..
نازلي: بيخير بيخير..جيتو طلو عليا..
عمر: هههههه اه ..اجي نوضي من لارض..
نازلي مدات يديها باش يهزها..
عمر تيضحك هبط هزها..وداها لبيتها وغلسو دايرين بيها..
آيشا: مالكي اش دارك شوفي وجهك صفر..
نازلي: من البارح..ولا ول بارح وانا غير رضان..مكنسالي ..حتا تنفشل..
آيشا: اويلي ومناش ..كليتي شي حاجة؟؟
نازلي:لاااا كون غير كليت شي حاجة..راه كنرد غير الما ولاسيد..
آيشا: اهياتا ياكما حاملة..
نازلي شكيت فيها ولكن مقدرتش نخرج نجيب ديك لعيبة..
آيشا ضربات فخاضها:اوييييليي واش يلاه شهر باش تزوجتو..وحملتي ..
عمر: بلاتي بلاتي ..هي انا ضعت عاوتاني ف2000 ليرة..اهياتا نتي راه عيقتي داك النهار 1000 و دبا 2000 ..
آيشا: سكت حسن ليك ..سكت..دوي نتي..
نازلي : مكنتش تنشرب الكينة..وزايدون انا مضربتش حساب لهادشي..
آيشا: وعلي فخبارو..
نازلي : علي مافخبارو والو..غالبينو انا وياه..مكندويوش..وحالتي جات علييه..😢😢😢 ..(هزات وسادتها..) هادا بارفانو من غبيلة وانا تنرش فيه ...والبارح ..ضرباتني الفيقة بليل..وتخشيت فيه ..تنضل نشم فشراوطو..(هزات تتوريهوم حوايجو خاشياهوم حداها) واش نكون تنتوحم؟؟😢😢😢
عمر وآيشا مصدومين وحالين عينيهوم غير فالبارفان..
آيشا:دبا نتي (هزات البارفان) هادا تترشيه فحوايجك باش يجيك النعاس..
نازلي:اه..
آيشا غوتات تقفزوا: واش شافك تترشيه..واش عرفتي هادا بشحال تيتقام ..واش عرفتي بلي تيدير ليه الدوموند من الامارات..باش يرشو هو..شحال تيسوا هادا نتااا
عمر: شي300 دولار..ويلي عليك يا نازلي تيبغي يعواج فاش تيتقادا ونتي تدوشي بيه..
نازلي صقلات..
نازلي: نغوليكوم واحد الحاجة تبقى بيناتنا
عمر:اشنو
نقزات نازلي وهبطات تحت ناموسية وجبدات 3 تاع القراعي من نفس البارفان..هنا غوت عمر وآيشا ووقفوا..
آيشا: ناري غيخلطك..عندك هنا 1200 دولار..متنعرفكش..غيلتلك والله..
نازلي بدات تتبكي وتهرنن..وبانليها غير عمر وتخشات فيه تتبكي وتهرنن..وعمر تاهوا عنقها بقات فيه..
آيشا: عمر سير جيب كاشف الحمل
عمر: تمام..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
