⚠️قرييبا النهاية⚠️
🌍نفس واحدة تكفي🌍
-88-
صباح جديد عال غالس فوق سرير لابس شورط والفوق عريان وشعرو فازغ وشاد راسو تيفكر..وراه ناعسة نازلي على جنبها ورجل فالشرق ورجل فالغرب وشعرها مليوح على وجها وشي وراها ..وليزار مغطي غير صدرها ولور ظهرها تيبان نصو..
دار علي حاضيها تيتسناها تفيق ..حتا تحركات بغات تنعس على كرشها وهو يدفعها ..
نازلي: ممممم
علي: واش مريضة..كنتي غتنعسي على كرشك واش الى مابقيتش حاضيك انا متحضيش راسك..
نازلي: صباح الله..
لوات عليها ليزار وناضت للحمام لاحتو ودخلات..وهو تيخنزر صابح خاسر..
دوشات وخرجات لبسات دوني وسروال واسع وصباط وهبطات ..لقاتو باقي مسفح..
نازلي: صباح الخير..مالك انا لي خاصني نصبح هاكا..ولكن صبحت كيف كتشوف ناااااشطة..
علي: اش منشطك..
نازلي هزات كتافها وضحكات..
علي ضحك وبداو تيفطرو..
علي :فخبارك خالد دفع لكونجي للفريق..
نازلي : مفخباريش مغاليا تاواحد والو..
علي: اوا انا غلتها ليك..
نازلي: مغنسافروش..انا مغنتحركش من الدار..
علي حط الماكلة وهز تيشوف فيها مخنزر..وهي هزات كتافها وهزات تتاكل..
علي: علااش بسلامة..
نازلي: هاكاك..الى نتا بغيتي تسافر سير انا غنبقى مع بابا حتا ترجع..
#المقر
دخل علي طالع ليه الدم..ونازلي هازا ساكها وحاطة يديها على كرشها..ومبتاسمة..دخلو للبيت لي فيه الكليكة كولها..
عمر: صباح الخير..
نازلي: صباح نوور..صباحووو كاملين..توحشتكوم..
مشات تتعنقهوم علي غلس حدا عمر..حتا وصلات نازلي لعمر عنقاتو.وتلاحت على علي باستو وغلسات حداه ناااشطة..
خالد: مالكوم..شي ناشط شي زاعف..
علي: ساعة لله اخالد
نازلي: انا بعدا من هنا لهادشي لي بقا ..غنبقى ديما فرحانة..ديما غتبداو تشوفو هاد الوجه..
هزات تيلي تاعها..ودارت فيديو وسورات راسها..:انا نازلي من اليوم لهادشي لي بقا فحياتنا..غيكون غيير الفرح والسعااادة مدى الحياة..(دارت علي لي تيشوف فيها مخنزر) طلق البشرة اصاحبي..حتى عليلو غيبقى يضحك من غدا حتال هادشي لي بقا فحياتو..هو مغيبداش اليوم تال غدا..(دورات لعمر لي تيضحك عليها) وحتا عمر غيبقى تيضحك..اصلا هوا ديما ضاحك..خصوصا ملي لقا لي تقبل علييه هههههههه..وهادي آيشا ..تهيا بزز منها غتبقى تضحك حيت رزقها الله بأكبر حمق فالعالم..الله يخليكوم ديما فرحانين..
آيشا:اميين كامليين نشاءالله..
قطعات الفيديو
نازلي: هاد الفيديو نوريوه لولادنا..
عمر: نشاء الله..
علي: مبغاتش تسافر..
خالد: ههههههههه هادشي باش طالع ليك دم.😂😂 اوا خليها على خاطرها..بقا معاها..
علي: لااا..انا باغي نسافر ..اول مرة يجينا الكونجي مع الصيف وهي معكسة..
نازلي:ويلي يا راجلي العزيز ..بغيت نغلس معاك شهر راس فراس ..ونتا مباغيش..
عمر: ههههههخخخ اوا هانتا بغات تهلا فيك ونا باغي تسافر..
علي: على أساس متنضلوش انا وياك الراس فراس..
نازلي: وهاد الريوس مبانوليكش..بغيت نبقا غييير انا وياك..
علي ضحك على ملاميحها..وجرها عندو..وبدا كولشي تيضحك..
سالاو نهارهوم ..وسالاو سيمانة خرا وتقبل ليهوم الكونجي..
خالد وآيشا خرجو برا تركيا..عمر بقا حيت ايدا معندهاش الكونجي..وهاكاك حتا زينب و بوراك..وخلاص نازلي بحرا رجعات مع علي منعند باها..عيا معاها يسافروا ورفضات..
اليوم بليل غيتجمعو بستة..فدار علي..
نازلي: صافي راه الماكلة واجدة..
علي: صافي راه شوية ويجيو..
نازلي: تمام..
جلسوا نازلي شعرها طالع للسماء..ولابسة بيجامة صيفية ..حتا تدق الباب..ناض علي يحل..دخل لجيش..
بقاو تيتعانقو ويتباوسو ..بحكم اسبوع متشاوفوا..
نازلي: دخلووو..
عمر: مالك كاملة مشعكة..
نازلي: من الصباح وانا فالكوزينة نقاد ليكوم ما تاكلو..
دخلو غلسو وضحكهوم تيتسمع منيين ومنين..
تعشاو وبقاو تيضحكو ويهدرو ..نازلي وزينب تيصورو لي فيديو والتصاور وتيسيفطو لآيشا وخالد..كولشي فرحان وسعيييد..علاش لا والحياة عطاتهوم كولشي..الحب ..الصداقة..الشريك المناسب..الفلوس..وأهم حاجة السعااادة..وراحة تاع البال..
#يتبع
توقعاتكوم للنهاية
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
