❄️نفس واحدة تكفي❄️

101

⚠️قريبا النهاية⚠️
🌍نفس واحدة تكفي🌍
-101-
فإزمير..مدينة البحر..على شاطئ البحر ..كان بيت متوسط من طابقين ..السفلي والطابق 1..خشبي وداير بيه الزاج..ودايرة بيه جريدة صغيرة تطل على البحر..وعلى رمالو الذهبية..كانت فوق الرملة طبلة كبيرة عامرة بأنواع من كعكات صغيرة ملونة..وأنواع تاع المورانغ..وأنواع تاع المثلجات..وبزاف تاع لي بون بون وشكلاط وبزاف تاع القراعي تاع الموناضة والشراب وكيسان دايرين بالطبلة..الطبلة لي مزوقة بنفاخات وردية وسوداء من جناب وحتا المحيط تاع الطبلة مزوق بالورد والزينة وعامرة الدنيا بالنفاخات..والموسيقى شبابية مجهدة..
خرجات لابسة كسوة طويلة بصماطي رقاق..مفتوحة من جناب تال الركبة..تتبين صدرها ودرعانها ..دايرة طربوش كبير من الشمس الحارة .على شعرها الكحل لي تيضربو البرد فكتافها..ورجليها حفيانين وهازا الكسوة من القدام باش متعكلش مع الرملة..وغدا جهة تاع الكليكة لي مجموعين كاملين..والبعالك صغار تيلعبو وتيتجاراو لابسين غير المايوات تاع البحر..
...... : مجموعين تاني بلا بيااا..
زينب: بحالك بحال بنتك..بحالا عيد ميلاد ماشي تاعها..
نازلي: بحرا هضرت مع علوش هاهما جايين..كانو مرونينها فشي قنت تاني..
خالد: غير تنشوف نفس وعلي..كنتفكرك غير نتي وزينب..نفس الفعايل نفس الزبايل..
علي: يااك بعدا ديما تنغولها ليها..
آيشا : دوماج خرجو تيشبهو ليك اخالد🤦🏻‍♀️ضعنا فيهوم والله..مطيرين البلايك كاملين..
علي: أمنيتي العوجة هاديك..
عمر: عايشين حياتهوم..خليوهووم راه إلى مداروش الزبايل فهاد السن راه مغيدوزو والو..
نازلي عنقات زينب: وايييه..ناري انا وزينب راه فينما حطينا انا وياها رجلينا تنزبلوها..
تسمع الغوات من الفوق..
.....: هييييييهوووو
علي: هالي غلنا هاهما جااو..حتا يغمور yağmur وكاان kaan معاهوم!!
نقزات نفس هي وعلي من فوق الصور لي حابس بين البحر و الطريق.. جاو مخبوطين مع الرملة وتيضحكوو..وهما يشوفو فبعضياتهوم..وهما يديرو داك البلان تاع العدو وراءنا والبحر أمامنا..بداو تيجريو باتجاههوم وجبدو تيلي والوراقي لي عندهوم ولاحوهوم فلارض ومشاو تيجريو..وكولشي حاضيهوم تيضحك...حتا تلاحو فالبحر..وغطسو وعاودو خرجو فازغين تيقطرووو..
نازلي:😂😂 ويلي ويلي..انا تنغول واقلة يلاه درتو عامين ولا تلات سنين..ونتي درتي 20 عام وباقي داك شوي تاع العقل عندك مبغى يدار..انا لي ضعت تاع بصح..
❌❌❌❌❌
حنا دبا فعيد ميلاد20 تاع نفس ..دازت 20عام..تبدلو فيها بزاف تاع الحوايج..
✔ نازلي وعلي: بعد نفس تزادت عندهوم يغمور لي عندها دبا 19 عام..مزادتش نازلي وراهوم..تفرغات لخدمتها هي وعلي..وفنفس الوقت عاطيين وقت لبناتهوم..لي كبروهوم ورباوهوم بجوج واخا كل وحدة طلعات شخصيتها فشكل..نفس طلعات نسخة لباباها..بيضة وشعرها كحل..طويلة وفورمتها مقادة مع طولتها..طلعات هبيلة وحمقة وتيهمها غير تضحك وتنشط وصافي..كل مرة مخشية فشي بلاد..تيعجبها التصوير وتيعجبها المونطاج تيعجبها تسافر تكتاشف بلايص جديد..قادات بزااف تاع الفيديوات وثائقية على كل بلاصة زارتها..داكشي باش مشات تتقرى الصحافة باش تولي صحافية وثائقية..اما يغمور..تاهيا هبيلة وحميقة و تضل تضحك..ولكن جدية ..وملي تتولي جدية تتسيف..تاهيا طويلة وفورمتها بحال نفس تيبانو توام ملي تيوقفو مع بعضهوم..غير هي شعرها قهوي فاتحو طويل ودييما القصيصة..حروفها سمرين..ولونها برونزي وعينيها عسليين بحال جدها..ختارت تكمل الطريق لي ختار باها ومها..ودفعات واختاروها فالاستخبارات بعدما تدخل خالد لي ولا قائد تاع المقر بعد اتيش..وخدمتها ديما متقونة..وتاهيا تتحماق على روايات بعدما بلاتها نازلي..يغمور متبتة على نفس ..وشخصيتها حرشة بحال باها..عكس نفس لي تتنقز بزاف بحال نازلي..وبجوجهوم من صغرهوم تيترينيو..باش يدافعو على راسهوم..نفس أعز صديق عندها هو علي..من صغرها وهي ويااه..كبرو بجوج ..وفينما تكون شي زبلة تيكونو هما ماليها..وفينما يكون علي تيعرفو بلي كاينة نفس..وفينما تكون نفس تيعرفو بلي كاين علي..دايرين بحال التقاشر..لدرجة ولات هادي سميتهوم..اما يغمور من نوع لي تيضرب من لتحت..كانت تتحضر فأغلب الزبايل..وتتحط بصمتها لي تتخلي الزبلة تزيد تغرق دوك جوج ولكن تتخرج منها كيالزغبة من العجينة..بسبب الدكاء تاعها..وكانت تتسيطر على دوك التقاشر واخا هي صغر منهوم..وكان عندها كاان لي صغير عليها بالشهورة ولكن تيعجبها تغلس معاه..حيت عقلو كبير وحنين وقلبو بيض..✔آيشا وخالد: بعدما تزاد عندهوم علي..دار عام وهما يديروليه مربية وهما رجعو لخدمتهوم..كيحاولو يدوزو معاه الوقت لي عندهوم..ويكبروه كيف بغاو..ولكن الشخصيات شي مرات تيتورتو..علي خرج شخصية طبق الأصل تاع خالد..واخا فالوجه متيشبهومش بزاف..عينيه قهوي فاتح..وشعرو قهوي..وحروفو حرشين..ملي تيكون ساكت تيبان ليك خليط ومزيج بين الرجولة والوسامة والذكاء والغموض..ولكن غير تيحل فمو..كيولي خالد..خالد بغاع سماتو الخايبين ..الغباء والهبال و السذاجة..ولكن تتبقى وسامتو وجذابيتو طاغية..واخا تيبقى غير تيضحك ملي تيعصب تيولي واحد آخور..تيتسيف..علي مشاعروقاصحة ماشي بحال باه هشيشة..علي خدا من علي الكبير الشكل..الفورمة والطول..تيبان كبر من العمر تاعو..واخا فورمتو متوسطة..ماشي ديك الضخامة الكبيرة.. علي بعدما سالا ثانوية أصر عليه باه باش يكمل الطريق لي بنا هو ومو..بعدما ترقى خالد وخدا بلاصة تاع أتيش فالمقر ولا هو القائد الكبير..ودخلوا خالد بعدما كتاشف فيه شحال من حاجة من سمات الاستخبااريين..آيشا وخالد..زادو ميسا maysa..بنتهوم الصغيرة لي فعمرها 14 سنة ..شخصيتها بحال آيشا..جدية ومعندهاش مع البسالة والحموضة بحال تاع باها..قريبة بزااف لعلي..تاهيا طويلة واخا صغيرة ..كبيرة فعقلها تتفكر بعيد..وتتوجد تكمل قرايتها باش دفع للطب..علي أعز صديقة عندو هي نفس..هي تقشيرتو..متيتفارقوش واخا تتفارقهوم الخدمة ولكن ديما معاها..وكل عطلة شادين شي قنت..وعلاقتو مع يغمور قريبة..حيت تيضلو مع بعضهوم ولكن ديما مزبلينها فالمقر..وتيحصل فيها هو بعدما تتغدر بيه يغمور..وتتخليه بوحدو حاصل..واخا هاكاك ديما لاصق فيها ...باش تزيد تعاونو فالزبايل .لي أغلبهوم كيديروهوم غير باش يشبعو ضحك وصافي ..قاطعينها فغاع لي فالمقر..كولهوم تيديرو اطونسيو منهوم..ومن مقالبهوم لي متيساليوش..لي ديما تيتصبن فيهوم غير علي..ولكن تاهوا تيتسيف فاش تيوصلو للصح..بحالو بحال باااه تيتقن السلاح بأنواعو..ومتيزغلش الهدف..
#يتبع