❄️نفس واحدة تكفي❄️

6

🌍نفس واحدة تكفي🌍
-6-
بيدما تفيق نهدر ليكوم شوية على هاد الاخوان ..
●علي 25 عام من واليدين مغاربة تزاد فتركيا وكبر فيها..باه كان ضابط و كانت أمنيتو أن علي يولي تهو ضابط ويخدم بلادو و داكشي لي كان ملي سالا قرايتو دفع للخدمة العسكرية و من بعد تختار باش يكون استخباراتي نظرا لدقة ملاحظتو و ذكاؤو و طريقتو فالخدمة لي خلاتو يكون مميز بين غاع لي دفعو..شخصيتو هادئة ضحوكي و حمق فأغلب المرات و لكن ملي تتبدا الخدمة و الجد تيتسيف كيولي واحد آخر..أفكارو و خططو ديما تيصدقو.. معروف بلي كيعطي دقة وحدة مكايعاودهاش..علي طويل و ماعامرش بزاف..سمر وشعرو كحل و عندو لحية كتيرة شوية.
●عمر 24 عام ابن الميتم..عمر صاحب الوجه الطفولي..من الناس لي كيكبرو و كايبقى وجهوم تاع البراهش..مي كبير فعقلو و واعي..من ليكانت عندو 7سنين و هو فتركيا..سيفطاتو خالتو مع شي ناس باش يحرغوه ليونان عند عمو من طريق تركيا ..وفعلا حرغ ولكن خرج على المجموعة معاش جا ..وشدوه البوليس معرفوه منين جاي وتاهوا ماعارف والو كيهدر مكايفهمو والو و هما يلوحوه فالميتم..كبر تماك وقرا حتا سالا الثانوية و خرج حيت دار 18 عام وكانت الوجهة هي الخدمة العسكرية المكان الوحيد لي غيجمعو من الزنقة لي ماشافهاش 13 عام قبل ..تخرج ودوز واحد الامتحان وحتا لي سطاج لي أهلوه أنه يولي استخبراتي..وحيت حتا وجهو معاونو..ميمكنش تشك فيه..حياتو طولها غير ضحك..مسامح..و حنيين..وعندو كولشي بالضحك..و عزيز على كولشي خصوصا..آيشا صديقة طفولتو..عمر طويل و ضعيف واخا كتافو عراض وعامرين..بيض و شعرو مارون متوسط و عندو لحية خفيفة.
●آيشا 23 عام تاهية بنت الميتم..كبرات فيه ملي حلات عينيها لقات راسها تماك ..صديقها وخوها وباها وكولشي هو عمر..كبرو بجوج وكان هو انيسها فداك الميتم..ونهار خرج بقات تتسنا داك العام يدوز خلاص باش دير 18 عام وتبعو ..وفعلا ملي عرفاتو دفع تاهيا دفعات ولكن هي تهزات من لول استخباراتية..حيت فالتداريب لقاوها خفيفة و تتفهم دغيا وطبق دغيا..تعلمات دارجة من عمر لي كان كيدوي معاها ديما بها و تعلماتها شخصيتها شوية منعازلة..ولكن ضريفة واخا قاصحة و صارمة ..آيشا متوسطة الطول ..طبعا قصيرة عليهوم وفورمتها متوسطة بيضة فيها نميشات خفاف شعرها قصير كاري قصيرة .
●اخييرا خالد26عام..قائد الفريق و أكبرهوم و أصححهوم😂🐸هادا عالم بوحدو..عندو مواصفات خاصة بيه..هبيل وصغير فعقلو..وعليه غالو طويل و هبيل..و عليه غالو أجسام البغال و عقول العصافير..تعداو عليه ملي حطوه قائد ولكن كيسلك..قلبو هشيش اقدر ابكي قدام شي واحد تاهوا يغلس ويبدا يخنخن..هو انسان فارغ دماغيا..بمعنى كيخدم غير بدراعو ..عينيه ميزغلوش الفريسة..نيفو كيضل يشمشم الخبار حتا تايجيبها..ودنيها ديما مقلشين تيسمعو كولشييي..يديه ولا نغول البالات الا صرفق شي واحد فليمن كتطراسا ايديه حتا تتوصل ليسر..المهم كيخدم غير فالتطبيقي و هادو كانو ميزات خلاوه يتختار استخباراتي..هو تركي مغربي من أم مغربية و اب تركي..و كانو باغينو يكمل قرايتو باش يولي مهندس ساعا ختار اش غاليه دماغو لي مايكسابش خالد بحال الحيط عامر و طويل عهههههههه قمحي و لحيتو مرة خفيفة مرة كتيرة حروفو كوحل بحال شعرو المتوسط..
علي:غنبقاو تنتسناو تاتفيق؟؟
القائد:شوفو حنا ممتأكدينش بلي منهوم وحتا تيليفونها باقي ماجاوبوناش واش فيه شي حاجة ولالا..وزايدون خاصنا نتسناو بوراك يجي باش يهدر معاها..
آيشا: وعلاش ماشي أنا لي غنحقق معاها؟
القائد:حيت هي بنت ونتي بنت..ماخاصكومش تلاقاو و إلى غتغلبوها صباط..
(طبعا الحوااار بالتركية حيت هادو كاملين تواركا ولي خدامين تواركا وداكشي)
آيشا:أمرك قائدي
خالد:ويلا مكانت عندها حتا دخل و حنا ظلمناها
القائد:غتخرجوها كي دخلات هي معارفاش الطريق..غنوموها ونخرجوها ..
خالد:تمام..
بقاو قرابة شي نصف ساعة..حتا سمعو صوت رجلين..هزو راسهوم لقاو شاب زعر بشعر طويل بين المارون و الصفر و العينين خضرين متوسط الطول وحتا الفورمة متوسط..لابس تيشورت غري و غاميجا كارو محلولة فوقها تجاكيت وسروال دجين و بروتكان.
بوراك:شفتكوم مجموعين هنا ..(طلعهوم بعينيه)و اش هاد اللباس باش جايين😂😂
علي لي كان لابس سروال دجين مشرغ كاملو و كابيشون كحل وبروتكان .. عمر بحالو فالتحت ولابس تيشورت حمر و دجاكين من الفوق .. اما خالد لابس دجين و صبادري وكابيشون بلا قوب خزي و داير شي تلاتة تاع السناسل طوال و الحلقة فالودن..اما انسة آيشا لابسا سليم كحل مقطع من الركبة و ميني فونتخ بيض و تجاكيت ..
شافو فبعضياتهوم وشافو فالقائد لي كان كيخنزر حيت كان مرفوع بسبابهوم ومردش البال وهما داخلين وتيضورو ليه فالمقر بدوك الحوايج .. سدات آيشا تجاكيت مع عمر و علي هبط القب اما خالد راس الطنغ جا بايحيد السناسل وهما يحولوليه فراسو..وبدا تيتجار وداير الحرب غير مع راسو..و تقج و الخرين تيشوفو فيه مصدومين..بقا شحال تينقز عاد تحيدو مور ما جرح عنقو كااامل..و ضار تيضحك ضحكة إحراج..
بوراك:😂😂كيكاديرو تفاهمو مع هادا هههههه
هزو كتافهوم مصدومين ودورو وجهوم
#يتبع