❄️نفس واحدة تكفي❄️

55

🌍نفس واحدة تكفي🌍
-55-
السكون..كيتسمع غير صوت البوليس ..فالحديقة الخلفية..كانوا دوك الجماعة واقفين تيتسناو الفرصة باش يتحركو..علي ونازلي مكمشي فواحد القنت..وتيتسناو تاهما الوقيتة المناسبة..
علي : شوفي..غتبقاي هنا انا غندوز من لهيها ..مع الضلام مغنبانش ..ملي تشوفي ضو تاع تيلي ..عرفي بلي خاصنا نبداو..
نازلي:واقلة كون عيطنا على لخرين حسن..
علي: بغيتي تمشي سيري..انا غنلقا الفرصة غنبدا ..
نازلي:اووووف من راسك القاصح ..اوووووف..هنا سبعة وحنا جوج..ويدي انا مضروبة..كيفاش غنديرو..
علي:انا عارفك ملي تتبغي ديري شي حاجة كديريها..انا غنمشي ..سكتييي ومنتحركيش باش ميعيقوش..
بقا علي كيزحف فالظلام غاعما كيبان ..حتا وصل لجهة لخرا..ولخرين غالسين تيتناقشو بهمس..بقاو شوية شافهوم علي غيتحركو..شعل تيلي وطفاه ..غلسات نازلي ودارتليه اشارة بيديها..تدرغات وبداو دقة وحدة..لخرين معرفو باش تبلاو ولا دقا منين تتجيهوم...بيو بيو بيو حتا طاحو كاملييين خرج علي دار اشارة لنازلي باش تبقا فبلاصتها وتحميه..طلع فوق سور وطل ملقا واالو ورجع هبط ..تحركو لجهة تاع الفيلا..
نور:كاين صوت الرصاص..
علي:كيفاش ..مسمعنا والو..
عمر: نتوما..سباب ..الخرا راه ملابسينش جيلي ردوووو الباااال..
نازلي :قضينا الغراض..دبا سربيو ..راه سمعت بلي جايين شي وحدين خرين..هزيتو القطارات تاع الدم..
البوليسي:اه هزيناه..وهزينا حتا البصمات..
نازلي:تمام..مزيان ..غنشوفو حنا الجردة ..ونشوفو حتا الغرف لخرين ونتوما تكلفو بهاد الطابق..
طلعات نور مع علي.. عمر ونازلي خرجو لجردة تيضورو..ويقلبو تحت الشجر والقنات ولابيسين وتيحاولو يسربيو..
عمر: اش طرا فالجردة لور..
نازلي: مشينا ولقينا واحد الرباعة تماك تيتافقو باش يدخلو..ولكن قتلناهوم..جاب لله طلعت وشفت الفوق..اما كون حنا فعداد الأموات..
عمر: اوا حمد الله...فخبارك كنبغي نخدم البلاد ونقضي على المجرمين ونحمي الناس الضعاف ولكن فنفس الوقت تنلقا حياتي خاوية ما فيها حتا هدف..مافيهاش لي يخاف عليا ...ما فيهاش لي ملي نرجع للدار نلقاه تيسول عليا..ويغوليا كيدوزتي نهارك ( وقف قدامها دار يديه فجيابو ) ملي كنتي كدوي مع باباك ...غرت منك..كاين شي واحد فحياتك ..لي تيسول عليك ..تيتسناك..كيبغيك ..خايف عليك..عندك علي..لي واخا كدابزو تيبغيك كيخاف عليك من راسو..كيغير عليك..باغيك ليه..انا لااا..بففف على كل حال..هضرة ضراتني فراسي و..
نازلي: لاااا..عادييي..خود راحتك..غيجيبليك الله لي يبغيييك..وبناليكش حنااا.انا وآيشا وعلي وخالد وبوراك..وبزاف خريين..آيشا تتشوفك كولشي فحياتها..مبانتلييكش..هي لي كضل معاك واخا هي مع خالد ولاكن ديما مخشية فيك ..
عمر:نتوما لي عندي..ولاكن الحب انواع ..كاين تاع الصحاب..وكاين تاع الخوت..وكاين تاع الواليدين..وكل واحد عندو بلاصة..ولي بقا خاوي..كيدير فراغ فحياتييييي..شي مرات بيني وبينك كنطلب الموت..أستغفر الله ولكن عيييت بهاد الفراغ...بفففف فيها خيير وصافي.
نازلي شافت فيه بعيون حزيين ..وحطات راسها على صدرو وعنقاتو من كرشو وتاهوا ابتاسم وعنقهااا..
تسمعو طلقات الرصاص..بيييو بييو بيييو..خلاو عمر يفقد توازن ويترخا ويتقل على نازلي..لي غوتاااات..وطلعات يديها لي فضهرو لفوق وهزاتها لقات الدم..طلات لقات بزاااف تاع الرجال..وعلي ونور تيضربو لفوق..والبوليس خرجو تيضربو..هي جرات عمر لي فقد الوعي بعدما ختارقو جسدو بزاف تاع الرصاصات..نازلي تلفات ..تتشوف واش دعوتو تستاجبات بهاد السرعة😢..نازلي جراتو وتكاتو تتحاول تفيقو وهي تتبكي..حتا تحط فوق راسها السلاح..
.......:هاديك ماتقتلهاش..غنحتاجوها..
نازلي بلا ماضور..شدات يديه بالزربة وغلباتو وقفاتو قدامها..ضارو شي وحدين بغاو يتيريو جاو فيه هو..وهي جبدات سلاحو وبدات تتيتيري تطاحو لي قدامها لاحت هاداك وبان ليها ضل يلاه بات ضور وهي تحط فوق وجها منديل..سخفات ..ولاحت السلاح هزها فوق ضهرو وخرج ..علي تاهوا خرج بدا تيتيري ساعا لاخور خرج..جرااا ولقاه ركب فلوطو وديمارا بقا تيتيري..وتيسب..
السيارة تحبس فيها الفران بجهد بعدما تسمع صوت تلاتة تاع الرصاصات ووقفات..علي وقف شوية وهو يبدا تيجري تاني ووراه نوور..وواحد البوليسي..تحل الباب وشي رجل لاحت واحد من الرجال..وهبطات نازلي تتشتف هازا سلاحها فيديها..
نازلي: ولد القحبة تسحابليه انا عاد تزاديت البارح يديرها بياا..خرااا..
علي واقف مصدوم ..
كانو معاها جوج رجالة ..هي ملي باليها الظل دارت جوج توقعات ياغايحط السلاح وياخدها رهينة ولا غيخنقها..ساعودة ملي حط المنديل حبسات النفس وترخات..وهو المكلخ تسحابليه السلاح لي هازا هو تاعها..وهي راه تاعها باقي فسروالها..غير طلعو حلات عينيها لقات واحد حداها وواحد تيصوغ..والسلاح وراها..حسبات من واحد لتلاتة جبدات فرديها ضربات الشيفور ولي حداها وهزات فران تاليد وهبطات...
نازلي هبطات تتجري موقفاتش حداهوم كملات تتغوت:عليييييي..زيد هز عمر..راه مضروب بخمسة ولا ستة تاع الرصاصات..يقدر يموت..خاصو دبا نهزوه للمستعجلات..رجعو تيجريو ..قلبات نازلي النبض لقاتو تيضعااف..هزو علي فوق كتفو..ومشات هي حلات الباب ولاحت لنور السوارت..دخلات نازلي مع عمر لور وعلي لقدام..نور عفطااات عفطة وحدااا...
#يتبع