🌍نفس واحدة تكفي🌍
-2-
صباح جديد🌞..اليوم هو السبت كتخدم غير فالصباح..لبسات حوايجها لي كانو سروال دجين سليم و تريكو طماطي مخشي فالسروال و كويرة كحلة صبادري و هزات ساكادو فيه مستلزماتها مشطات شعرها الاسود القصير واصل فوق كتافها و دارت اكخون خلات بشرتها القمحية تتبري و خرجات من بيتها ..هبطات لقات باها قاد الفطور بحال كل صباح..من ديما هو كان مزيج بين الام والاب..ملي ماتت مرتو كان باقي صغير و حتا بنتو صغيرة كان ممكن يتزوج و يكمل حياتو ولكن على قبل نازلي كان رافض كان باغي يكبرها راسو بغاها تكبر عادي بحال غاع بنات سنها بدون عقد..
أحمد :صباح الخير
نازلي: صباح النور
باستو وغلسو كيفطرو و يهدرو
نازلي:يلاه حمدالله انا غنمشي..
أحمد:واخا بسلامة ردي البال فالطريق بلا داك الطيران تاع الطريق
نازلي:واخا واخا..اه نسيت راه غنخرج غنبقى مع زينب واليديها هبطو للمغرب و بغاتني نبات معاها..نتلاقاو غدا هههه
أحمد:واخا ولكن بيناتنا تيليفون
نازلي:واخا
خرجات قدام الدار كانت سيارتها (حرت اشمن ماركا نغوليكوم 😂😂 المهم سيارة صغيرة ورياضية و زوينة😂🚗)ركبات والوجهة الشركة..دخلات وسلمات على الموظفين وديريكت لمكتبها لي كان حدا مكتب تاع زينب..جبدات ساكادو تاعها وجبدات وراقيها و ادواتها وبدات خدمتها حتا هزات فراسها فالباب
زينب:(التركية)نونو ياكما ناوية تباتي فالخدمة
مها:(كتجبد)زينو..غاعما شفتك انا اليوم..لالا هاني نايضا نجمع هادشي ونمشيو..
زينب كانت بنت متوسطة طول بحالها بحال نازلي..وكانت طبيبزة شوية..وجهها ضاير عينيها قهويين بحال شعرها لي كان طويل مغطي ظهرها قهوي ورطب و بيضاء البشرة..مشاو بجوجات والوجهة كانت ريسطو يتغداو فيه
زينب:(بالدارجة)بففف مكرهتش نسافر حتا انا
نازلي:راه كاملين مكرهناش..ولكن الغالب الله
زينب:اش بان ليك نسهرو هاد ليلة..نمشيو لكلوب نبدلو روتين..
نازلي:باش نرجعو راسنا تيطبخ تاني..
زينب:علاالله نلقى فارس احلامي تماك..
نازلي:هههههههه الله ياربي الله بغات تقلب على فارس احلامها فالبيران هههههههه
زينب :سميتو كلوب ماشي بار..بحالك بحال ماما بففف
نازلي:ههههههههه بحال بحال المهم واخا مي غيخصني نرجع لدار نبدل عاد نمشيو..
زينب:لي سمعك نمشي نبدل يغول السيدة غتضرب شي كسوة ولا شي لبسة تسهير..ونتي راه غتمشي تخشاي غير فشي سروال و كابيشو تاني..
نازلي:غالتها لي كتضل معريا سيغانها..
زينب:راه مكنحكمش نتمشى فيهوم ..كنتعنكش هاباش لاهوما السروال..
نازلي:نفس السبب..
زينب:ههههههههههه يلاه الا كليتي تهزي
نازلي:8 فكلوب*******
زينب:تمام..
كول وحدا تلاحت لدارها
#يتبع❤
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
