❄️نفس واحدة تكفي❄️

24

🌍نفس واحدة تكفي🌍
-24-
1 2 3 كان سليم سخفان فبلاصتو ونازلي غادا مع صوغان مشافت فيه غاع..كان عمر مول الفعلة..
نازلي: علاااش ديما نتا لي خاصهوم يخليوك تخنق عباد الله..
عمر: هههههههههه هاكاك..حيت انا حنيين وفنفس الوقت خفيف..
نازلي: شناهوااااا..
عمر: خالد الا كلفناه..ماشي بغيد يدوخ هو وداك لي بؤناه يدوخ ميدوخش..وعلي يديه خاسها ..يجي يخنقو حتا يصدق قاتلو..اوا آيشا ميمكنش نخاطرو بيها ..اوا أنا هو الحل..
عمر كيدوي..حتا هزات نازلي مرفقها عطااتو لسليم فنيفو..وهو مغيب زاد كمل لي خصو..
عمر: اش درتييي.
نازلي:يستحق...دبا فين غنمشي..
عمر:غير سيري مع الطريق الرئيسي غنتلاقاومع الكليكة ..وتبعيهوم.. قبل جبدي تيلي تاعو..نهرسوه لوحوه هنااا..
وفعلا داكشي لي كان هز تيلي مسحو من البصمات وفرتكوا ولاحو من سرجم..هي تبعات الطريق حتا هبطات مع الباركينغ لي دازو منو المرة لولة ..تابعة علي لي كان سابقها هاز بوراك..ووراها آيشا لي معاها خالد..سطاسيوناو..
نازلي: عمر..دير يديك تحت الكوسان تاعي غتلقى سروال وصبادري اراهوم ليا..نتا دور هبط هاد الزبل..نبدل انا ونهبط عندكوم..
عمر:اوكي..
عمر هبط تيجر فسليم ..حتا جا خالد هزو فوق كتفو و وقفو كيتسناو نازلي لي حيدات شورط ولسات دجين واسع و صبادري لبسات تجاكيت وسداتها وهزات غير تيلي وهبطات..
بوراك: ويلي شكون هادي..اختي عافاك بغينا ديك تيتيزة لي دخلات..
نازلي:ياكما حتا نتا بغيتي نديرليك الامارة بحالو..
بوراك : لاالاا.
علي دار يديه بحال المرة الفايتة..حتا دخلو ودخلوه للقاعة التحقيق داروليه المينوط ..بقا بوراك معاه وهما خرجو حيت عندهوم اجتماع مع القائد..
القائد:الوقت معطل بزاف..ولكن ضروري نتلاقاو..سليم غانبدلو ليه البلاصة..غنديوه للمقر القديم لحدا المعسكر..ودار تاع نازلي غنديرو حراسة عليها..غيولي يديك واحد من دراري ويردك حيت ابتداءا من غدا غيبداو التقلاب..وغنزيدو الحراسة فغاع المناطق لي حددنا..حيت غيوليو باغين يدخلو صحا..المهم دبا سيرو ..غدا كولشي يصبح فالصبيطار..غنكملو عادي ..وفنفس الوقت غادي نكملو التحقيق معاه..
ناضو الدراري بعدما دارو تحية..وخرجو للباركينغ..كولهوم كيتفوهو ميتين بالنعاس ..هزات نازلي بوشيطتها والصندالة من لوطو..حيت غيجيوو لي غيمسحو منها البصمات ...ووقفات معاهوم ..هما لي كانوا كيهدرو..
خالد: يلاه فرقو الجوقة..ميعادنا غدا فالسبيطار..انا راه بوقت..
عمر ركب فلوطو تخالد..حيت مقادش يصوغ عكس آيشا لي ركبات ونعسااات..أما علي ركب معاه نازلي..لي غير ركبات تاهيا حطات راسها فوق جاح ومشاااات.. علي كيصوغ بشوية حيت تهوا عينيه كيغمضو ...وصل قدام دارها وبدا كيعيط ليها ..وهي غيبااات مبقاتش قادة تنوض..سيمانة وهما عاطيينها للطحين وزيد عليها اليوم من8 تصباح تال 1 تصباح وباقي محطو راسعوم..بسييف ميعياو..
بعد محاولات ..دار جيهتها بان ليه الظلام فالدار ..حل بوسدشيطتها وهز السوارت تالدار وهزها ومشا جيهت الباب..ومع الظلام والتبويقة تاع النعاس..حلف الباب لا بقا يتحل لييه غيير بزز..دخل وسط الظلام بانليه شي بيت دخل تيقلب على ضو..حتا لقاه وشعلو وهو يبانليه صالون مغربي بالسدادر والطلقان والطلامط والحالة..مشا حطها فوق واحد الطليب ..غادليخا الوسادة..حيدليها السبرديلة..وغطاها بملاية ..وحط السورت وخرج ومشا للدارو باش تاهوا يرتااااح....
#يتبع