❄️نفس واحدة تكفي❄️

50

🌍نفس واحدة تكفي🌍
-48-

☄بعد أربع أيام☄
فهاد أربع ايام علاقة تاع نازلي وعلي باقا هي هي ..لا هو قدر يهدر ولا هي قدرات تهدر..فهاد اربع ايام..نور دارت بلاصتها بطبعها الفكاهي..بداو الدراري كيزعمو عليها..من غير نازلي لي دايرة حدود معاها..حيت قارئة عيون ومايخفاش عليه المنافق من الصريح..فهاد أربع ايام..البوس بقا ميت ومتحرك ما والو هزوه لاحوه فصندوق كولشي تحت أنظار نازلي وعمر لي مشاو ..شافت الصندوق حتا تدفن والبوص داخلو وتردات عليه الرملة ومشاو..وخبرات القائد باش يسيفط شي جوج يحضيو القبر ولكن تصدمات برفضو ..رفض انه يطول الموضوع..وعاودليها الهدرة تاع البروفيسور وغاليها تنسا..ولكن واش هي تنسا طبعا لااااا..مشات عيطات لحكيم وفوزي لي كيتناوبو معاها فالدوام تاع الخدمة..وخبراتهوم بالخطة..وتاهما لقاتهوم ملوواااا من روتين وبغاو شوي تاع الاتارة..وبدات تتناوب معاهوم وديما جايين مكمشين فواحد القنت مخبي وتيطل على القبر..موجدين سلاحاتهوم وغالسين..
واليوم هو اليوم الرابع تاع البوس فالقبر..صونات نازلي لحكيم..
حكيم:الوو..
نازلي: حكيم..امدرا باقي مكاين والو
حكيم: الهدوء..
نازلي:انا فصبيطار غنداوي كتفي ونحيد الباندة ونجي عندكوم..
حكيم:تمام
قطعات ودخلات عند الطبيب..لي داوا جرحتها وعقمو ودارليها فاصمة كبيرة ورجعات لبسات حوايجها وخرجات..اليوم لابسة لسبرديلة ..حيت رجليها عواجو بطالون..ومشات لباركينغ لي حدا المقبرة وهبطات..يديها تتعطيها الصداع الا حركاتها ولكن تتكابر وتصبر..دارت نضاضرها وتحركات باش دخل..
مقبرة كبييييرة كيتدفنو فيها الناس العاديين كان ضاير عليها الصور لي لاصق فيه الربيع وشجيرات صغار وكاين ممرات كتااااار ولحسن الحظ القبر تاع البوص جا قريب للشجر لي كان وراهوم مخبي حكيم وفوزي..نازلي دخلات حتا ختافات..وتخشات حدا الدراري..
حكيم: على السلامة..اش غاليك الطبيب..
نازلي:والو..االيا متفورصيش عليخا وصاف..امدرا باقي الهدوء ..
فوزي: غير حنا لي تنتشمشو فهاد الحرنة...ناس كل واحد فين مخشي حتا الزناقي مصفرين وحنا غالسين حاضيين قبر..الله يهديك انازلي وصافي..
نازلي:كون مكانش حدسي تيغوليا بلي حي مكنتش نصبر...اصلا سولت وقلبت ..السائل تاع الموت المؤقت ..ممكن يمتد حتال اسبوع..بمعنى الا تعطى بجرعة زايدة غيقدر يبقى حتال أسبوع و...
سكتات نازلي بعدما حط حكيم يديه على فمها وعلى فم فوزي..
حكيم: كاين شي حس..
ضارو لقاو جوج قراب ليهوم بزااف لابسين الكحل نقزوا الصور وخرجو من الشجر ومشاو ديريكت لقبر البوص..هنا نازلي خدمات فيديو فتيلي..وبدات تتصور..
دوك جوج ضورو عينيهوم وكانت الدنيا خاوياااا..وبداو تيحفرو كل واحد من جهة..
فوزي:واضافااااك..واش من نيتهوم..فيناهوا العساس..
نازلي: العساس متيكونش اليوم ..عندو روبو..
فوزي : باش عرفتي..
نازلي:سولت..
حكيم: ادن فعلا عندك الحق..
نازلي:كنت عارفا هادشي لي غيطرا..ومتخافوش على ختكوم دايرا احتياط فكولشيييي..
بقاو تيشوفو فيهوم حتا حفرو وهزوا الصندوق وبعدوه ورجعو الرملة ولاحو البالا والفاس..وهزو الصندوق بجوج ورجعوا منين جاو..هنا نازلي هي وحكيم وفوزي جبدو سلاحهوم وتكمشوااا..حتا طلع واحد فيهوم فوق الصور وطل وتأكد بلي مكاين حد..وصفر ورجع هبط..شوية جاو جوج خرين وطلعو فوق صور وخداالصندوق..ولي كانو فالمقبرة نقزو خرجو وشدو الصندوق من عند دوك لي الفوق ونقز كولشي وركبو (اووووووف باش نشرح..تخنقت ماساليت هاد طلع وهبط غير بالكشايف ..نتمنى تفهمو🐸🐸)
ركبو وبقاو لخرين لابدين..تحسبا لأي خطر...طلع حكيم لي داير كي شي قرد فوق الحيط وطل ..وتأكد بلي المكان آمن..
حكيم:زيدو نقزو راه مكاين حد..
نازلي : منقدرش نقز..حيت كتفي..
فوزي: انا غنهزك وحكيم غيشدك وديك ساعا نقزي..
طلعات فوق كتاف فوزي وطلعها حكيم ونقز هو وشدها عاوتاني وطارو لطموبيل...
فوزي: باش غنعرفوهوم منيين دازو..
نازلي:انا غلتليك ضربا لحساب لكولشي..
#فلاش_باك
نازلي: بروفيسور..انا متأكدة مليون فالمية بلي راه حي..
ايمره:ابنتي انا غلتليك لي كاين تانا متأكد بلي ميمكنش يموت هاكا..ولكن نبضو واقف بمعنى ميت..
نازلي: تمام ممكن دير ليا واحد الخدمة..
ايمره:تفضلي ابنتي..
نازلي جبدات جهاز تتبع صغير قد حبة تاع ضوليبران (تخااايلوه) ..: ممكن تزرع فيه هادا..غنحيد الشك..وغنقدرو نعرفو بلاصتو الا تحرك..
ايمره: فين غنديرو..وايقدر يلقاه شي واحد وغنوليو فالمشاكل..
نازلي: نتا بروفيسور كبير تواحد ميقدر يقرب للجثة من وراك...وانا عارفة بلاصتو..غديرو ف الضربة لي عندو فوق قلبو..
ايمره: اوووف غنعرض راسي للخطر..ولكن غندير هاد الخدمة باش تحيدي الشك حيت حاس بلي عند احساس قوي بزاف بلي حي..
نازلي:شكرا بزاف بزاف..

#يتبع.... ان شاء الله يلاه عطيوني رأي ديالكم في قصة حتال دبا واس نكملها ولا لا و بارطاجيوها مع صحاباتكم و ديررو جيم باش قصة طلع يلاه حبوباتي💗