🌍نفس واحدة تكفي🌍
-32-
دازو اليامات كاملين هاكاك...رجعات نازلي القديمة..الصباح التداريب تاع السلاح..وعشية تداريب عاوتاني فالمعسكر..علاقتها مع الدراري كلها ضحك..الا علي لي قلب وجهو عليها وتاهيا ثلبات وجهها..لا هي دايراه كاين ولا هو دايرها كاينة..مبقاش تيعمر معاهوم..ولا كيتدرب بوحدو باش يتفادا نازلي لي كيشوفها طاحت من عينو..او بالاحرى غاع البنات طاحو من عينو..ولكن الهدرة لي غالتليه نازلي مقدرش ينساها متوقعهاش تسبو..اصلا هو معمر شي بنت هزات صوتها علييه ولا سباتو..ولكن نهار سباتو هي مرضاااش..وداكشي لي مدارش لسيلين دارو ليها هي..المهم العلاقة مكهربة بالكااااامل..
وصل نهار لاربعاء كلشي موجد راسو المقر مغلوب..البوليس والدرك والقوات الخاصة موجدين راسهوم باش ميفقدوش الطعم ..
19:00🌅🌅
هبطات نازلي من طوموبيلتها لابسة سروال كحل سليم وكابيشون وفوقو جيلي تاع الحماية وتجاكيط مسدودة ..كان الحال تيضلام زالميناء خااااوييي وكولسي مفرق ..
نازلي لي شدها عمر حداه وتيعطيها التعليمات..كولشي لابس الكحل ولا دجين وجيلييي والسلاح لور ومشتتين
عمر: نازلي راك عرفتي اش خاصك ديري..هما غيجيو نتي تخباي ولي باليك ضربيه..ومن الأحسن متقتليهش..وأهم حاجة حمي راسك..هادا راه سلاح ماشي اللعب..
نازلي: هادي عاشر مرة تعاودليا هاد الهدرة صافي راه فهمت..
عمر : راه عمري توترت تال هاد المرة تنحس براسي مسؤول عليك..
نازلي:هههههه احفظك ليا..فيناهوا خالد ؟؟
عمر: غتلقاي معلق فشي بلاصة..هو أصلا قناص..
نازلي: ااااه..تمام..المهم سير نتا لبلاصتك ومتشغلش راسك بيا..
بقاو تيتحركو حتا سمعو الهدرة فالسماعات لي فودنيهوم بلي جايين وكلشي تخبا هبطو رجال صحاح جاو هما لولين دورو البلاصة..عاد هبطو شي وحدين من أفراد العصابة وتقدمو جهة تاع واحد الباطو ..ودخل كاميو كبيير مع الطريق تاع الميناء ويلاه بغاو يحلووه وهو يبدى الرصاص..كولشي خرج وكولشي تيضرب تخلطات الدعوة..والهدرة كدوز غير بين السماعات.العصابة خافو على راسهوم وهما يتخباو وسط الباخرة وجبدو سلاحهوم ..ولكن معامن طاحو معرفو نازلي منين هبطات عليهوم..
نازلي : هزو يديكوم..
الرجل1: اه اه كنتو تعلمونا نستقبلوكوم..ولا صاف داك الخائن تاع سليم دغيا حط ضواسانا..
نازلي ضرباتو لرجليه حتا تسمع غواتو..
الرجل2: وقويسحة ..ديري فبالك را متقدريش لانتي لا هما تخرجو سالمين..
نازلي تيرات فراسو طاح لارض وتيرات حتا فلاخر..
نازلي كنت ناوية نعطيكوم فرصة فالحياة ولكن نتوما ختاريتو الموت..خرجات لقات الطايح كتر من النايض لي هرب راه شدوه ولي حصل راه مات..
عمر: الباخرة خاوية..
نازلي: وي
عمر: علي سير من ليهيه شوف..نازلي بقاي هنا..آيشا يلاه معايا ندورو من ديك الجهة..
كان الضلام وغير ضواو قليييلة لي كاينة..نازلي واقفة تتشوف البوليس تيهزو دوك الجتت..وعلي قدامها هاز سلاحو قدامو وتيتمشى حاضي جنابو..حتا تيباليها ليزر رقيق تحوم على علي..بدات تدقق..وتضور عينيها تيبان ليها خالد تاهوا الفوق تيجمع باغاجو..بعدما تأكد بلي شدو كولشي..
نازلي فالسماعة: خالد..جهة الساعة التاسعة..
ومشات تتجري جهة تاع علي لي وقف وشد فيه لايزر جهة تاع صدرو بلا ميشوفو..
كانت ناوية تعيطليه وتبعدو ولكن هو ماغيستوعب حتا تكون جات فيه الدقة بالأخص هما مخاصمين ..لهذا قررات تدفعوا حسن ..وتبعدواا..
فعلا نازلي جات فالوقت المناسب دفعاتو بجهد حتا جا على ركابيه وتسمعات بييييو🔫 ..خالد ضرب داك القناص ..ولكن تعطل حيت كان تاهوا ضرب ..استقرااات الرصاصة فكتف نازلي..تفاوتات مع جيلي وبهادا دخلات للحمها..طاحت لأرض تتغوت وتوجع وهي شادة كتفها
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
