❄️نفس واحدة تكفي❄️

27

🌍نفس واحدة تكفي🌍
-27-
دورات وجهها وهي عامرة كولها دموع ولاطراس تاع التصرفيق فوجهها..جر ليها عمر يديها ..غير شافتهوم وهي تزيد فوتيرة تاع البكا.وهي تبدا تتجدب..عمر عيا يهبط ليها فيديها واالو واش بغات تزغا..جا علي جمعليها يديها بزز ودوريديه عليها وخلاها تتجذب بيدما يجيب خالد برا مهدئة ..تتهز رجليها وتضرب يراسها باش يطلقها والو..وتتبغي دوي وتتبدا تتنخصص متتخرج حتا كلمة..لخرين واقفين مع داك الضخم لي تاهوا مسلكش من ضرباتها..محمل يشوفها مزال غاع ناض بزز حالتو حالة ..تيعرج وتيكح..اما نازلي ..غير ضربليها خالد برا فعنقها وهي تهدااااان وترخات فاليدين تاع علي..
نازلي: اهئ بغيت بابا..اهئ اهئ..
علي :باباك حي..راه تنتسناوه يجي
نازلي:بغيت بابا
علي: تمام تمام
القائد:علي ..خرجها من تماك..غنخرجو برا ..العميد منصور بغا يشوفها..
علي هزها بين يديه وهي داايخة..تتحس براسها فشلاااانة..وخرجها للبرا
آيشا: هاك لبسها تجاكيتي..غيجيها البرد..
علي: غير لبسي تجاكيتك ..غنلبسها تاعي..
آيشا:🤷🏻‍♀️🤷🏻‍♀️ لي عجبك
علي حيد تجاكيتو ولبسها ليها بمساعدة تاع آيشا..غلسها فلأرض وغلسات آيشا معنغاها..وهي تتشوف غير قدامها..البرا دوخاتها..حتا غلس قدامها نفس الراجل لي تلاقات فالكافيتيريا تاع الصبيطار..
العميد خربق ليها شعرها:نتي انسان خاص باباك يفتاخر بييك وحتا ماماك كون بقات كون راها مفتاخرة بيك..
نازلي بداو عينيها كيبكيو..
العميد: نجحتي مغانا فالاختبار..ومرحبا بييك رسميا معااانا..انا فخور بيك وباش يكون عندييي بحالك فالمقر راه فخر كبييير..
نازلي غير تتشوف وصاف
حتا قاطع هدرتهوم خطوات سريييعة..كان بابات نازلي ..ناضت بالجرا عنقاتووو تتبكي..وكيبقى الأب حاجة خاصة بزاف فحياة أي بنت..أي بنت ميمكنش تكره باها واخا يكون خاااايب..ولكن كتبقى تتشوفو واحد الدرع قوي كيحميها من غاع الأخطار..هي ديما تتشوف باها بطلها..واخا تفرجات فيه بلي فضحها ولكن متيقاتش ..حيت باها هو لي يموت وميخرجش سر..ولكن باش يحميها..غال كولشي..واخا هو هادشي كان داخل فالخطة..تخشات فحضنو تتبكي وكولهوم تيشوفو فيها هي لي ولات مبهدلة..شعرها وقف وجها هكل حمر وحوايج مووسخييين بقات مدة حتا تقطع تنخصيصها..بعدها عليه ..وكانت غطيح وهو يشدها..
آيشا:واش نعسات..
الأب :اقدر..
خالد بدا كيشوف عينيها :لا سخفاات..خاصنا نهزوها للسبيطار اقدر جاها انهيار عصبي..
هزها خالد من يدين باها ودخلها لطوموبيل وركبات آيشا..
وتبعاتهوم اوطو فيها علي وعمر....
أما العميد وقف الاب:سمح لينا اسيدي على لي طرا فبنتك..حنا كان ضروري نختابروها..هاكا..نتا عارفها مدخلاتش بطريقة قانونية..حنا كنا محتاجين بحالها وملي لقيناها دخلناها..وكان ضروري نجربوها باش نشوفو واش من أهل التقة ولالا..وفعلا نعم التربية ما خانتش بلادها واخا ضحات بحياتك وحياتها..
الأب: عاأرف عااارف..هي من ديما انا لي عندها وكنعليها بزف ..كتر من أب شي حاجة كتر بزاااف..هاباش عاديي يطرا ليها هاكا..انا كنت متوقع هادشي..
القائد:السيارة واجدة باش نلحقوا عليهوم..

كولشي قدام غرفة فالمستشفى..لي ناعسة فيها نازلي بعدما بدلات حوايجها ببيجامة سخونة..فيديها برا تاع السيروم..وفصبعها(داك المقبط لي كايديرو ..معرفت لا سميتو لا لاش تيصلاح...المهم دايراه وصاف) وهي نااااعسة..
القائد والعميد ملي طمنو على حالتها مشاو رجعو لخدمتهوم فالمقر..
أما باباها والكليكة ..بقاو تماك..الدراري مرا مرا كيضربو ضويرة ويراقبو الكاميرات ويطلو على نازلي..
#يتبع