🌍نفس واحدة تكفي🌍
-8-
خرج بوراك لقاهوم تيطلو عليه من النافذة الزجاجية ومعاهوم القائد..
القائد: أمدرا ..اش بانليك..
بوراك:اش هاد الكارثة جبتو..
القائد:ماعندها حتا علاقة.؟؟
بوراك:ذكية وكتدوي بثقالة و ثايقة فراسها وعارفة راسها فين كاينة
القائد:التقرير تاع تيلي تاعها خرج ومافيه والو..
بوراك:معندها حتا علاقة ..هدرتها كولها حقيقة ..ماكتكدبش
آيشا: و علاش كانت حاضيانا؟
بوراك:حيت شافتكوم كتقلبو فعينيكوم..حاضيين جنابكوم..المهم هاكو هادا سمعو هدرتها و غاتفهموا كولشي(مد لخالد مسجلة) ..خليوها هنا ..حتا نشوف تقرير تاع تيلي تاعها..ونشوف تقرير تاعها واش منطابق مع هدرتها ونقرروا..اش باليك ا قائد..
القائد:عندك الصح ..يلاه غنمشي معاك..نتوما سيرو تسنطو لهاداك..وماتشوفكومش..
مشا بوراك مع القائد و بقاو دوك ربعة كيشوفو فالمسجلة وتحركو لغرفة بعيدة على غرفتها..وغلسات آيشا مع خالد و عمر وعلي متكي على الحيط..
علي:شعلي
آيشا شعلات المسجلة و بقاو تيتصنطو حتا سالا..وهما هزو راسهوم..
خالد:السيدة مغربية
عمر:بوراك عندو الحق..كون صراحة معرفتهاش بهاد الطريقة كنت غنغول شي محققة ولا استخباراتية..
آيشا:صراااحة..
علي:إذن شكينا على والو بفففف
خالد:ماعليش هههههه ربحنا شخص جديد معانا..
كولهوم ضاروا كيخنزروا..
خالد:مالكوم..
عمر:كيفاش عضو جديد..
خالد:دبا نتوما عند بالكوم وحدة بحال هادي دخلات للمقر وتستجوبات و فيها غاع هاد الأوصاف..و ماغايبغيوش يدخلوها؟..ماشي بعيد يخرجوها يديرو ليها شي حاجة باش يجربوها..والا صدقات راه غتلغاوها مخشية معانا...
سالا هدرتو و هبط عينيه كيلعب المسجلة ..أما تلاتة لخرين مصدومين ..هما كتر من 3 سنين و هما مجموعين ..شدو بزاف تالعصابات مجموعين..تضربوا ومشاو تال موت و رجعوا مجموعين..فرحوا وضحكوا و بكاوا مجموعين..من ديما هما ب ربعة...كيفاش بلان يتزاد معاهوم شي حد..لي جابوه بيديهوم..وبنت من لفوق وهما من ديما رجال واخا معاهوم آيشا مي راجل ونص..واخا ديما خاشيينها وسطهوم وهي عينيهوم ويتضربوا هما ومتضرب هي ..واخا هي مكتحملش هاكاك مي كيعجبها حنانهوم معاها..
ناض علي خارج جيهة تاع مكتب بوراك..ساعة تلاقا مع القائد فالطريق..
علي:قائدي..واش داكشي لي فبالك بصح..
القائد عرفوا علاش تيهدر:اشمن حاجة بالضبط ..بالي فيه بزاف..
علي:البنت لي جبنا..
القائد:مالها..
علي:غتدخلها معانا؟؟..
القائد:ماعرت ممكن اه وممكن لا..
علي: علاه مالنا حنا ياك ديما تتغولينا حنا كاملين ومكملين بعضياتنا..
القائد:اه ولكن بنت دكية بحالها مايمكنش نفلتها..ونتا عارف هادشي..بلادنا محتاجة بزاف بحالكووم يخدموها..وهي إلا كانت مناسبة للخدمة تاع بلادها راه حنا محتاجينها..(ربت على كتفو)يلاه رجع عند صحابك..نمشي نشوف واش القائد تاعنا عطاه رئيس الخدمة العسكرية الامر باش نجربوها ولالا..
علي بقا مصدوم حيت هادشي جدي وماشي غير هدرة...
القائد:نتا سير علم لخرين غير سيروا فحالكوم..راه معندكوم مديروا دبا..وغدا مع 8 نلقاكوم هنا..كاين اجتماع ضروري..
علي دار التحية و هو مرفوع:أمرك قائدي..
علي رجع عند الدراري..لقانوم ناشطين..
علي:نوضوا تهزوا..هدرة تاع خالد بصح..غاليكوم القائد غير نمشيو
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
