❄️نفس واحدة تكفي❄️

37

🌍نفس واحدة تكفي🌍
-37-
بوراك:ناا..
بقا حال فمو كيشوفيها معنقة زينب فحضنها ومبعدة يديها لي مضروبة..وتيتسمع فالبيت غير صوت التنخصيص تاع زينب لي وجها ولا حمر..وفازغ بالدموع..
بوراك: سمحوليا ..كان تيتسحابليا غير نازلي بوحدها..
نازلي:مكاين موشكيل..
بوراك: بغيت غير نغوليك راه الطبيب غالينا غتبقاي سيمانا هنا..ونيت باش ترتاحي..ومن بعد..غترجعي تخدمي معايا.. ومتخرجي مع الدراري حتا تبراي..
نازلي:بففففف بانت شي حاجة جديدة..
بوراك: اه داكشي باش غيوجدو باش يخرجو ..
نازلي عرفاتو مبغاش يدوي فديطاي..حيت معاهوم زينب.. هادي لي كانت تتشوف..عرفات بوراك بلي تركي..حيت تيهدر بالزربة ومتمكن..
دخلات الممرضة قاطعات هدرتهوم..
الممرضة: ممكن تخرجو ..حيت خاصني ندير للمريضة واحد المهدأ
حل بوراك الباب وخرجات زينب وخرج هو وراها..هي غير خرجات شافت فالدراري لي شافوفيها..وهي تحل عينيها مصدومة حيت عرفاتهوم وعرفاتهوم غيعرفوها..وهي مدارتش قلييل قدامهوم😂😂😂
خالد: زينب ياااك..
زينب خنزرات فيه: اه..
بوراك: بعدو من البنت..تفضلي ا آنسة رتاحي هنا..
الدراري شافو فبعضياتهوم وتفرغعو بالضحك
عمر:😂😂😂😂😂😂(ضار عند آيشا)تفضلي ا آنسة رتاحي هنا..
آيشا طاحت فالكرسي خاااااريا بالضحك على بوراك لي ولا حمر من الموقف..
علي: تانتا تتعنب ا بوراك😂😂😂😂مصدقتييش..
بوراك: غتندموووو غييير بلاتي..
زينب: سكتووووو راه صبيطار هادا ونتوما حالين فمكوم بالضحك😡😡😡😡
دراري سكتو تايشوفو فبعضياتهوم..وسكتو..وغلسو تيشوفو فبعضياتهوم ومرا مرا تخرج لشي واحد فيهوم ديك خخخخخ..ويبداو يضحكو ويرجعو يجمعوها..حتا بدات زينب تتبكي..كان كل واحد ساهي فتيلي ..حتا سمعوا التنخصيص..شافو فيها ولكن مقدروش يسولوها..
زينب:غولوليا..كي..ميفااش طرا ليها حتا تضربات..
علي: شكون.. نازلي؟؟
زينب : اه نازلي..
عمر : والو بانليها لايزر ضارب فعلي ..وبغات تعتقو..وفعلا عتقاتو ولكن رصاصة جات فيها..ودار عند خالد..باش مايزيدش يشرح حيت هادشي من أسرار خدمتهوم..وخالد حساس ..يقدر يخرج غاع اسرار الدولة ..
زينب شافتو شاف فخالد..تصحابليها هو علي..وهي تنوض تلاحت عليه لاحتو الارض وهي تلاح فوقو كضرب وتسلخ وتسب:نتا هو الشماتة تاع علي..نتا هو الجلاخة لي ما تيسواش بكا ليا صاحبتي يا الموسخ يا الشماتة يا عيفة الرجال(تصرفق وتخبط بيديها) اش دارت ليك سيمانة وهي غير تتبكي وتعصب بسبابك..وفلاخر عتقاتك كون كنت بلاصتها كون انا تيريت فيييك..يا الحمار يا الشماتة 😭😭😭ماتستاهلكش ماتستاهلش تبغيك وحدة بحال نازلي..
آيشا وعمر وبوراك كانو كيجرو وهي تتشير بيديها حتا سمعوها اش غالت وهما يوقفو ضاروا عند علي لقاوه تيشوف فالجهة لخرا ولسانو تيضور ففمو ورجلو تتحرك بزربة ..خالد وجهو كولو مصرفق ومقموش ..ناضت زينب كتنهج وتسب وتركل فيه هو ناض حمر...
خالد: انا ماشي علي..
زينب: هااا😲😲😲😲..وشكون علي..؟؟ شكون فيكوم هز الشماتة تاع علي..
علي وقف قدامها وجر يديها وجرها قدامو
علي:اجي معايا
شد يديها وجرها معاه وهي تتسب وتتضور تشوف فخالد لي ردات ليه وجهو كي شرويطة..
#يتبع