❄️نفس واحدة تكفي❄️

63

🌍نفس واحدة تكفي🌍
-63-
خرجات نازلي راسها بغا يتفرغع ...هو حذرها..وهي كل مرة زايدا فيه ..ركبات وديريكت لدارو..طلعات ودقات حتا حل ليها الباب لابس كيطما وداير القب وشعرو فازغ خارج من القب..غير شافها دخل وخلاها وراه..هي دخلات بلا متهدر وسدات الباب..وتبعاتو لقاتو غالس فالكوزينة كان تيفطر..غلس بلا ميشوف ولا يهدر معاها..
نازلي: عليي..
علي مدواش تيفطر ومتيهدرش..
نازلي:عااارفة درت حاجة لي معجباكش..ولكن واش ندفعو..ونتوليه بعد..
علي تياكل:لااا..كان خاصك ديري نتي وياه..مشهد ساخن شاهد قبل الحذف..
نازلي بغضب وبالغوات:عليييي اشش هااااد الهدراااا تتغوول 😠😠
علي خبط فالطبلة وغوت كتر منها: واش كتسناي مني نفهم..السيد يديه خاشييها فجنبك ..وداير يدو ورا ظهرك ومعنقاااك..اش تتسنايني ندييير..ملي مدفنتوش فلارض راه عندك نتي وياه الزهر..واش انا..انا..عمري مسيتك..عمري قستك..عمري قربت منك..ياك يدي بوحدها لي تنحط فظهرك..ومكنبغيش نتعدا حدودي معاك حين ماشي من حقي..ولكن ملي نشوف واحد خاشيك فجنبو..وقدامي لاااا..سمحيليا مغنتقبلهاش..عرفتي علاااش ..حيت انا راااجل..وحاجتي متنبغيش لي يقيسهاا..ياك لمحتيليا نبعد من نور..هاهياك سيري شوفينا فاش تنكونو بجوج ..كل واحد فينا فقنت..علاااش؟؟ ..حيت محتارمك..والراجل لي يخلي مراتو تغير ..مراااااااااجلش..مفهمتش..علاش غير نتي بوحدك لي تتباني ليهوم..نازلي غنغول آخر معنديي..الا نتي مقاداش تحبسي من تعناق تاع الرجال..ومقاداش تحبسي الراجل لي قرب ليك..نتفارقو حسن حيت انا منقدرش نصبر نوقف كل واحد بوحدو..ولا نبقى تنشوفك كدور من يد ليد ونبقى ساكت..نتفارقووو ..حيت باليا لا انا لا نتي نقدرو نكملو..
نازلي بقات تتشوف فيه مصدومة..وهو تتيتسنى تهدر..
نازلي: هااا..هادي هي هدرتك هادي هي واخا تبغي نتفاىدرقو انا منتفارقش..انا تحرجت باش نغوليه بعد..وانا راه ماشي انا لي قربت..هو لي جرني ..انا مديت يدي وهو جرني..وديك ساعة ملي ضرك الحااال..وبغيتيني بصح نبعد كان ممكن تعيط ليا حبيبة اجي نغوليك..وكان غيفهم راسو ويبعد..ولكن ماعليش ..الغلط فلول ولاخار تاعي انا ..سمحليا بزاف..وسمحليا حتا دبا حيت جيت..وبغيتي نتفارقو..واخا نتفارقو..والطريق لي تجيبك ما تديني..الله يعاون..خرجات وهي مفقوصة وحابسة الدموع لي مبغاتش تهبط..خبطات الباب وخرجات وخلاتو..
الغلط حسات بلي منها هي..هي ولفات تكون مع الدراري هاكاك..دونك عادي..وعرفاتو تيغير..ولكن داكشي لي دار جان..هي معندها داخل فيه..هو السباب وهي براسها ديرونجات ولكن مقداتش تغوليه بعد..
وصلات للدار..ودخلات سلمات على باباها وعاوداتليه على الوضع تاع عمر.. وطلعات لبيتها بدلات وتلاحت نعسات مفاقت حتال الغد مع 7 تاع الصباح..فاقت شابعة نعاس..بدلات وغير تتفكر علي وهدرتو يعمرو عينيها بالدموع وتمسحهوم وترجع ..تلبس..لبسات حوايجها وهبطات فطرات ومشات للمقر وبدات خدمتهاااا...
وهاكا دازو 15يوم..غير المقر..الصبيطار مكتمشيش...غير كل صباح وعشية تتصوني لعمر وتسول على حالتو..اما فالمقر مكتهدر مع حد..غير لي سولها تتجاوب..ولات جدية وقليل فاش تضحك..واغلب أوقات الفراغ فلاصال تاع المقر..تتبدا تريني..كتفها برا..وملي تتلقى مع علي كيبداو يتفاداو يشوفو فبعضهوم..كولشي الفريق عرفوم تفارقو..وكولهوم عاتبو علي على القرار..ولكن تيبرر بلي تاهيا موافقة على القرار..وتاواحد متيتجرأ يجبد معاها الهدرة..دازو الايام نازلي..تدوز ليل فالتفكير وشي مرات البكا..وشي مرات تتعيط لزينب تيبداو يتباكاو..وزينب تتعاود لبوراك بلي نازلي حالتها تتسوء ..وهو ملي كيبغي يواجهها كيلقى نازلي وحدة خراوتيولي يسكت ...
دازت 15 يوم لي كانو فيها التحضيرات للخطبة تاع زينب..
ليلة السبت نازلي جات عند زينب..مها كتلوح الاوامر وملي تتعصب تتبدا تغولي اختفي ايتها الطاقة السلبية وضحك..
20:00 مساءا..نازلي مرة فالكوزينة مع ماما زينب..مرة تتخابط هي ومحمد حيت تيحل ليها شعرها..ومرة طلع عند زينب تشوفها فين وصلات حتا سمعو الدقان..وهو يمشي محمد حل..دخل اب وام بوراك لي كانو ام واب توركيين عاديين ماماه بشعر رمادي وكسيوة فوقها مونطو..والاب بكوستيم بلا كرافاط ..وبوراك لي ب كوستيم ب بابيون وحشمان وتيترعد..دخل القائد بكوستيم سامبل و وراه عمر وعلي لي كانو لابسين سراول دجين وتيشورتات وعمر داير فيست من الفوق بحال خالد..و علي داير مونطو..ودخلات آيشا بكسوة حد الركبة كحلة منقطة بالبيض وجامعة شعرها ولابسة طالون كحل..ونور بكسوة غري سامبل حد الركبة وطالقة شعرها الصفر..دخلو غلسو ورحبو بيهوم ورجعات زهرة عند البنات..
زهرة:يالاه ديو القهوة .
نازلي هزات البوةطة تاع الملحة ودارتها فواحد الكاس..:هاد تاع بوراك.سمعتي اراس الطنغ..اوا سيري عطيه لعغوزتك..
زينب:ويلي لا غير سيري..
نازلي جات خارجة وهي ترجع دارت فواحد من الكيسان لي غتفرق على الدراري الكلحة وغالت لي جافيه هو هاداك..
هزات وتبعات زينب لي ولات حمرة..وتتفرق القهوة..نازلي تاهيا عطات لعمر وعلي بلا ماتشوف فيه وخالد وآيشا لي بدات تتمدح فكسوة تاع نازلي لي كانت كحلة سامبل معسبط بلا..وعطات لنور وبقات تتسنى شكون جات فيه الملحة..رجعات غلسات ..ويلاه بغايبدا اب بوراك الهدرة..وهو ينطق خالد بصوت مرتافع خلا كولشي يشوف فيه..
خاالد: ااااااع..ااااااع..
آيشا دارت مصدومة لقاتو تيفيبري تيهز فكتافو ويردهوم ووجهو صفر وباغي يرض ..دارت لكاسو لقاتو جغمو كاملو دقة وحدة والتخت فيه الملحة..وهي تفهم..
عمر بالدارجة: مال الزمر واش تيشطح احيدوس ولا غير جابليا راسي..
علي: سكت اصتحبي راه ضرب القهوة مالحة..
دارو كاملين عند نازلي لقاوها حمرة بالضحك ..شوي وتفرغع..نوضوه لطواليط حتا رد..ورجع تيتحلف على نازلي
#توقعاتكن