🌍نفس واحدة تكفي🌍
-75-
وتوالت الأيام ..حتا وصل يوم الأحلام..
جردة كبييييرة فيها بزاف تاع الكراسة كولشي غالس بلباس ربيعي..الرجال بكوستيمات ..والعيالات بكساوي موالمين الفصل..العائلة والصحاب مجموعين..الوسط تاع الجردة كاين طريق صغير عامر بالورد..جايا معاه نازلي شادة فبوراك وتيضحكو وكولشي تيصفق وأغنية هادئة مطلوقة..نازلي لابسة غوب بيضة لاصقة عليهاا وفيها سميطات رقاق وبوراك بكوستيم كحل وقميجة بيضة وصباط كحل تيلمع..وصندالة طالون..وشادا فدراع بوراك..وتيضحكو فرحانين وشي تيصفر.. حتا وصلو للطبلة لي فيها العدول وغلسو ..وهنا كولشي سكت تيتسنى نازلي وعلي..لي كانو الفوق تيتغاوتو ..
نازلي: راه صندالة طالونها رقيق..ميمكنش نلبسوو..
علي:ففف وراه غتشدي فياا
نازلي: لا انا نويت فبالي نلبس سبرديلة..وتانتا لابس سبرديلة مع الكوستيم..
علي: عاودي..والله حتا تعاودي..علاش احبيبة ملبستش الصباط غولي..غولي..ياا دوييييي..
نازلي:نتا عارف انا مقصدتش نكب الما فوقو..
علي:شوفي زينب وبوراك هبطو..دونك لبسي صندالتك..
نازلي شافت حتا عيات وهي تجرو من عنقو لعندها..ودورات يديها على عنقو..وتقاربو وجاههوم..
علي مخنزر تيشوف فعينيها ..وهي تطلبو بعينيها..
نازلي: عافااك..علي ديما تنطلبك ونتا متتبغيش..اصلا الكسوة طويلة ومغتبانش..عافاك..
علي: انااا كطلبيني ومتنقبلش..
نازلي: ااااه
علي:رفضت مرة وحدة..نهار طلبتيني نقز معاك من بالكون تاع بيتك للجردة..اختي نتي موالفة بفعايل لقرودة وأنا ماااليي
نازلي: تتسبني دبا..
علي: اوووووووف اشمن غلط درت فحياتي..عندي احساس غندم على هاد الزواج..
نازلي: عليييييي
علي: لبسيها وسكتيني..تعطلنااا تفووو..
نازلي لبسات سبرديلا وقادات شعرها وهي تهبط تدردغ للجردة وهو وراها شاد جبهتو..شدات فدراعو وهي تمشاطى هي وياه..لقاو كولشي تيتسنى وزينب مفرشة هي وبوراك فوق الطبلة تيتسناوهوم..بدا كولشي تيصفق وهما ينوضو..بقاو غاديين ونازلي تضحك وتبتاسم لكولشي ..حتا وقفات وغوبشات..
علي : مالك..
نازلي: اويلي مالنا غاديين بسكتي..فينو هاد ديدجي..(دارت عند الديدجي لي فالقنت) ااااااا ديدجي طلق لينا شي حاجة ندوزو بيها الطريق..شي حاجة تكون نشيطة..
بدا كولشي تيضحك..
طلق الموسيقى لي كانت حماسية وسعييدة
نازلي: يلاه رجع نعاودو الدخلة ..
علي: لاا غير سيري بوحدك انا غنتسناك هنا..
نازلي رجعات كتجري للبدية تاع الطريق..وكولشي بغا يموت بالضحك..والمصور كيصور وتيضحك..وهي تمات داخلا ودايرا راسها بحالا شادا فدراع شي خيال وتتشير وتضحك ..والحاضرون بغاو يسخفو بالضحك على هبالها..حتا وصلات لعلي..وشدات يدووطلعو لبلاصتهوم فالطبلة..وغلسو..والمصور قدامهوم..كيصور هاد الحدث المهم فحياتهوم كاملين..
العدول علن عنهوم بجوج أزواج..وهبطو للتحت بعدما ودعو العدول ..طلق ليهوم الديدجي الموسيقى وهما يتشتتو كيشطحو نازلي هازا تيلي فالعصا تاع سيلفي..وبدات تتصور ريوسهوم ..وعلي معنقها خاشي راسو فعنقها ويديه فخصرها ..شبعات تصاور..وفيدوات..وقطعو لي غاتو وكلاو ..وكل واحد جر مراتو بعدما ضلام الحال لدارو..
نازلي داخلة تتجر فرجليها لاحت السبرديلة وطارت طالعا لبيت علي لي ولا بيتها بعدما بدلات فيه شحال من حاجة..
بيت باج والسقف فالقهوي مغلوق..وثريا تاع بيت النعاس..كوافوز قهوي فوقو كريمات وبارفانات وشي ماكياج قليل قدامو كرسي خشبي بلا داك لور فيه بونجة تاع الموبرة قهوية..والبلاكار دارت واحد كبييير جاي فالحيط كاملو وطالع من الارض تال السقف..فيه القهوي والباج..عندو 6 تاع البيبا وجوج الوسطانين فيهوم جاجات كبار..والناموسية كبيرة الوسط فجنابها كوافوزات فوقهوم فايوزات..
دخلات للحمام..لي فيه بينوار تاعها حدا بينوار علي..والفوطات تاعها مع برودياتها تاع الحمام ..
حلات الكسوة وحيداتها ومشات تحت الرشاشةو دوشات دغيا تلوات فالبينوار..وخرجات تتمشى على طراف صباعها لقات علي تهوا دوش فالبيت لاخور لابس سروال تاع الكيطمة وتيشورت ..وتينشف شعرو..
نازلي : سد داك الشرجم ..راه غيضربنا البرد..
سد علي الشرجم وبقا حاضيها حتا بدلات قدامو لبسات بيجامة وهبطات شعرها تتنشفو..
علي: ساليتي..
نازلي: اش ساليتي..
علي: كولشي..
قرب ليها وجرها غلسها فوق الناموسية وغلس هو قفازي فالأرض..دور يديه على ضهرها وهي حطاتي يديها على درعانو..
علي: هادا اول نهار ليا انا وياك ..غتبدل حياتنا كليا دبا..وليتي مراتي وليت مسؤول عليك..وليتي امانة عندي..ونتي طبعا عاارفة اش متنبغيش..كيما تانا عارفك اش متتبغيش..وباش نبقاو ديما بجوج وميفارقنا والو خاصنا نلتازمو..
نازلي:انا راه تنبغيك نتا..ادن طبيعي ندييير اي حاجة على قبلك..سمعتيي..مكاينش لاش توصيني..اصلا غنبقاو بجوج..وغنبقى فجانبك ديما..(دارت يديها على حنوكو) وغنبقا تنبغيك ديما..حيت نتا اول وحد نبغي وآخر واحد غنبغي..
علي: نتي راه حبي وحياتي..تنبغييك بزااف بزاااف كتر متصوري..وغنبقا معاك حياتي كاملة حتا نشيبو على وسادة وحدة..
المهم انا خرجت من البيت خليتهوم كيتحيباناو تمااك🤣🤣
#يتبع.
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
