❄️نفس واحدة تكفي❄️

11

🌍نفس واحدة تكفي🌍
-11-
بعد أسبوع:⏪⏪
🌸.أسبوع داز عند نازلي عادي فالخدمة..غالت لزينو نفس الهدرة لي غالت لباباها..ورجعات لخدمتها ولقراية تاع رواياتها.. وبدات كتناسا نوعا ما لي وقع فديك ليلة..وفكل ليلة كتلقاها مخشية فشي قنت..مرة حدا البحر..ومرة فشي جردة..ومرة فشي سناك..وتترجع لدار وهي جاهزة باش تسمع لمخاصمة تاع باباها..حتا وصل اليوم..يوم السبت..ولكن هي مدوزاه فدار بيدما يطيح الظلام وتخرج تدرب دويرة..

🍁.أسبوع داز عند لكليكة فالخدمة.. نهار كاملو فسبيطار..سيمانا وملقاو حتا تحرك وهدشي دخل ليهوم شك ياكما تفرشو..بدا العيا تيبان فيهوم ..حيت ساعات نعاسهوم قلال..واخا تيتقاسموا ولكن الى منعستيش فالوقت المخصص للنعاس ..راه واخا تنعس 12 ساعة بنهار راه عمرك تعوض نعاس تليل..ولكن لي مخليهوم يقاوموا هوما دوك الوليدات الصغار لي تيمشيوا ويضيعوا بسباب كبت ومرض تاع العصابات..وغالبا كيسيفطو آيشا تنعس بليل ويبقاو هوما يتناوبوا..ولكنهي كانت كترفض..حيت هي خدمات وختارت هاد الضومين باش تعيشوا بمشاكلو وتعبواد وفرحو وبكاه وكولشيي..ماشي تعيش الفرح وتخلي الدراري يعيشوا الحزن والتعب..وأخيرا وصل عندهوم السبت ..اليوم لي غيجربوا فيه نازلي..مشا كل واحد فيهوم لدارو يرتاح حيت غتكون ليلة طويلة عندهوم مع نازلي..
20:00🌚🌫
كانت عشية مضببة ..نازلي لبسات سروال كيطما..سبرديلا..كابيشون وكويرة..دارت القب وهزات تلي وليكيت وخرجات وهي تتفكر فين تمشي..خرجات من حيها والكيت فودنيها..وهي تتستمتع بالجو البارد..ووراها ماشي بعيد بزاف وراها أوطو راكبين فيها جوج دراري القدام وبنت لور لابسا تيشورت مشرغ وهازا فيدها مونيكة مضوراها فملاية مكتبان غاع ويلا شتيها من بعيد غتعرف بلي تريبية صغيرة (مومو زعما😂😂) وشعرها مهزوز لسما و ماسكارا دايعة من عينيها..وحداها راجل حوايجو مبهدلين وهاز موس صغير تيحل ويسد فيه وصناطة فودنيهوم ..مربوطين مع القائد باش يتواصلوا معاه..
و وراهوم أوطو خرا فيها الفرقة الأخرى..
الرجل1:المهم حنا ملي نهبطو خليكوم موجودين باش تصورو للقائد كولشي..
الرجل2:تمام
البنت:أنا صراحة جاتني غتهرب تهيا...موحال تدير شي حاجة..
الرجل3:داكشي لي بالسا تانا..
الرجل1:فينها الفرقة تاع خالد باقي ماجاو..
الرجل3:بلاتي نسول (برك على السماعة) قائد...بغيت غير نسولك على الفرقة 1 امتا غيجيو..
القائد:هاهما فالطريق وراكوم غير توصلو لشي بلاصة خاوية و وقفوا..وعنداك تعيق بشي حاجة..راه واخا تبان ليكوم ميكات راه ودنيها مطلوقين..
الرجل 3: أمرك قائدي..(دار عند صحابو) صافي غير وقفوا..(صونا على واحد من صحابو لي وراهوم)ألبير صافي غير ضوبلونا نتوما ..وكسيري نيشان لقدام بلا متعيق وتشوفو فيها..حتا منبقاوش نبانو ووقفوا وحبسوا الطريق..
ألبير:تمام (قطع)
الرجل 3:(دار عند جوج لي لور) موجودين!!
الرجل 1 مع البنت: اه..
الرجل 4: الفرقة تاع خالد هاهما ورانا ...صافي فهرية نتي هبطي دبا وراك عارفة اش ديري..
فهرية: تمام (حيدات تجاكيت و بقات غير بتيشورت مقطع و هازا المونيكة فيديها)1 2 3 بدينا..(وهي تبدا تتجري حتا بعدات على اوطو ومبقاتش تتبان وهي تبدا تتغوت وتطلب النجدة

نازلي لي كانت تتمشا ومتتشوف غاع الطريق..والموسيقى فودنيها..حتا بدات تتسمع الغوات حيدات لكيت من ودنيها ودارت بزربة تتبان ليها بنت كولها موسخة حوايجها مشرغين وهازا bebe فيديها..
نازلي: مالكي ..وقفيي ماالكيي.
فهرية:غاي..غايقتلني..أنا و..و .ولدي..غايقتلنييي(تتنخصص وتنهج)
نازلي: شكون هادا..
فهرية:اهئ اهئ اهئ واحد اهئ اهئ (فهرية تتسنا فيه وهو واش بغا يبان )غيخطفوا ليا ولدييييي..
نازلي:شكون هادا..
نازلي شكات واش تكون شي قطاع الطرق..وبقات رادة البال لجنابها ....
# يتبع
اححححح بدييينااا🔫🔫