❄️نفس واحدة تكفي❄️

17

🌍نفس واحدة تكفي🌍
-17-
🌞🌞7:00
تاع الصباح صونات الساعة ناضت داايخة تتجبد..ديريكت للدوش..خرجات ملوية فبينوارها
نازلي: الله عظامي ضااااريني..ميمتي غنموت..
دهنات كريم ونشفات شعرها وجبداتو بالبلاك..وحلات البلاكار تتخير تاني..لبسات ليبا مشبكة..ودارت معاها سروال واسع دجين وقصير كيبين ليبا..تيشورت ودجاكيط ..طلقات شعرها..ولبسات كونفيرس هابطة وهزات صاكادو دجين..دارت فيه وراقي تالخدمة والاستقالة..وتيلي وشارجور الكيت و سروال كيطمة وتيشورت ..حيت تقدر دوز نهار كاملو فالمقر..وتبدا التداريب..
هبطات فطرات مع باباها لي مبخلش عليها من الدعاوي..وتيطلب الله يحفظها من كل شر..
خرجات ركبات فسيارتها..ومشات نيشان للشركة..دخلات مبتسمة فوجه كولشي..
نازلي:فوزية(السكريتيرة ) كاين المدير؟؟
فوزية:باقي ماجا..بغيتي دخلي عندو..
نازلي:ملي يجي أنا فبيرويا ..علميني باش نجي عندو..
فوزية:تماام..
نازلي مشات لبيروها لقات زينب مغوبشة تتسناها..
نازلي لاحت ساكها ومشات تتجري عند زينب عنقاتها
نازلي: توحشتك اراس الطبل..
زينب: بااااينة..حيت تضلي تسولي فيا وتجاوبي على ميساجاتي😑😑😑
نازلي :عندي بزاف منعاودليييك..مي خاصنا نكونو غير أنا وياك..خلي حتا لوقيتة تاع الغدا..
زينب:اوكي تانا بيت نسمع أش بدلك عليا..
نازلي:ماكااااين وااالو..غير تهناي ماشي داكشي لي فبالك..
كل وحدة مشات لبيروها..نازلي خدمة على واحد البروجي باش متخليش ليهوم الخدمة فالنص..سلات خرجات جابت صندوقة من طوموبيلتها..دارت فيها تخربيق لي كان عندها فالبيرو..وخرجات عند فوزية لي صونات ليها بلي راه جا..
دقات نازلي الباب وخلات ملي سمعات دخل..
كان شاب شعر شهب ولحية شهبة..هز عينيه الزرقين فنازلي لي بتاسمات..ووقف باش يستقبلها ..وأشمنك يا وقفة اشمنك يا تغديرة اشمنك يا زين..كتاف عراض و يديه مطراسيين فالقميجة ..نازلي ذااايبة بحال كل مرة كدخل عندو..
نازلي:ااا..اا..سس..لام..
.....(بابتسامة ساحرة):سلام نازلي..لباس عليك
نازلي:لا..ااه..زعما..لباس..ونتا..
......: ملي شفتك مع الصباح تانا لباس
نازلي(دورات وجهها كضحك بشوية بعدما طلعات معاها السخانة وحمار وجهها..وضارت بالزربة عندو هو لي عارف بلي بنات الشركة د.كاملين طايحين فيه ومنهوم نازلي..ولي دخلات كيخليها على خاطرها"😂😂تيتيز متواضع" حطات ليه الورقة قدامو)سيد جان أنا كنطلب استقالة ديالي..
جان تجمعات ضححز..
نازلي:عارفة ولكن أنا مبقيتش بغيت نخدم..
جان غلس شاد راسو تيشوف الاستقالة..شاف فنازلي..لي تتشوف فيه ..سنا الاستقالة: اوكي الا بدلتي رأيك رجعي..
نازلي: واخا..ليا الشرف نخدم معاكوم ..ونكون عضو مهم فشركتك..ولكن كيكونو ظروف شي مرات..
جان ناض من بلاصتو ووقف قدام نازلي لي بدات كتفيبري..حط يديه على كتافها..كانت كافية تولي حمراااا..هزات عينيها فيه: مكاينش مشكل..هانيا انا غلتليك دبا الا تنادم معاك الحال مرحبا بيك..(وشد يديها) راك عارفة علاقتنا فالشركة ..كاملين صحاب..الا حتاجيتي شي حاجة أنا فالخدمة
نازلي : شكراا..😶😶
خرجات نازلي تتجري وقلبها كيضرب ف 90 خرجات فزينب ..هازا ساكهاا تتسنا فيها باش يتغظاو..
زينب: اوقفييي فييين اوا غادا..
نازلي: ااااو ااااااو 😀😀😀😀
زينب:اويلي ياكما تشيرتي ..تاتآويي عليا هنا..
نازلي: سبقيني لوطوو..
مشات نازلي مزنغة بغات تطير ..من ديما جان تيعجبها وتيجسها راجل كامل مكمول..ولكن هي فيييين وهو فييين😂..مشات جابت صندوقتها ..وجابت ساكها وخرجات عند زينب لي غير تتشوف..حطات صندوقة لور..وساك وطلعات ..
زينب: ديالاش هاد الصندوقة!!
نازلي:سكتي..
#يتبع😶