🌍نفس واحدة تكفي🌍
-83-
الصباح فاقت نازلي حلات عيني زبدات تدورهوم تتستوعب فين هي..ومن بعد ملي تفكرات راسها وتاكرات علي وتفكرات بلي هي مزوجة بيه..ابتاسمات وناضت وخلاتو هو ناعس على ظهرو ..دخلات دوشات خرجات لبسات بيجامة خرا وهبطات تقاد الفطور..
فطرات وبقات تدور فالدار..مالقات مايدار والصقييل فالدار ..ورجعات طلعات عند علي وحلات الماريو وهزات تيشورتو وبقات تتشم فيه..تيشورت داير بحالا خشيتيه فسطل تاع الريحة..وهي عاجبها ..وبقات شحال وهي مجمعة غير مع تريكو ..وعلي نااااااعس مكاينش فهاد العالم..حتا كلات وهي دور لين..
نازلي: علييييي..عليييي
علي:😴😴😴😴
نازلي: عليي نووض..
علي تيسمت صوتها بعيييد ومغلوووب بالنعاس..
نازلي جاها الرضان وديك فاش غيغوليها مخها تنوض..طلقاتها فوق الناموسية وهي تشد شعرها بيد ويد فكرشها..وكترد عينيها غاديين بالدموع..علي قفز وتلاح فلارض..
علي: ففففففف..فوق ناموسية انازلي..نااااري والله الا بزاااف..
نازلي تترد حتا خرجوا عينيها وهي طيح غالسة فالارض..وناموسية عاااامرة ..
نازلي: لمااااا...
علي جبد ليها الما عطاها تشرب وهزها للحمام..حيدليها حوايجها لي عمرو بالرضان..ووقفها بزز تحت الرشاشة حتا دوشات ولواها فالبينوار وهزها تاني وهي فاشلة..ووجها رجع صفار ..غلسها فوق فوتوي فالبيت..جبد ليها حوايج...ولبسها..دارليها القب..وخلاها هو ناض هز الكوفرلي هبطو دارو فبلاستيكة كبيرة وحطو باش يهبطو يلوحو..وطلع بدل الفراش كاملو وهزها حطها تاني..وهي فاشلة..ناض غسل حالتو ورجع حداها ...
علي: تتحسي براسك مزيانة..ملي فقتي ديك الساعة فيقيني معاااك..ماشي مشيتي كليتي وبقيتي تتدووري عاد جايا عندي..
نازلي:اجي اجي..
تخشات فيه وخشات وجها فعنقها تاني..
نازلي : كنبغيييك..
علي: ههههههههه تانا..غير هو اش جاك عليا..مرة تغوتي مرة تجي تخشاي فيا..
نازلي مجوباتوش وبقات ساكتة وهو شاد ليها فظهرها..ومخلييها حتا بدات تتنخصص تاني وهي تبدا تتبكي..
علي بعدها: مالكييي..
نازلي: والو..
علي: والو هي ما تبكيش..ولكن ملي تتبكي ادن كاينة شي حاجة..
نازلي: اووووف مماااااليييش😠😠
علي: ومالكييي تتغاوتي دبا..
نازلي: حيد لهيه..بعااااد منييي..خرج برا ما باقيش دخل عندييي
علي: واش حيت دويت معاك..صافي غير بكي ولا ديري لي عجبك ..انا مندويش معاك..
نازلي بدات تتبكي: اه مغدويش معايا حيت متتبغينيش..😭😭😭😭كون كنتي تتبغي انا كون غاعما تغول هاد الهضرة..😭😭 نتا كتبغيها يااك..كتبغي سيلين يااك..نوض تغعد عندهاا..نووووض😭😭ولا عرفتي انا غنمشي ل داري حسن..نمشي عند بابا حسن ليا..
علي شد راسو ما باغيش يغوت ولا يتعصب معاها..
علي: نازلي سكتي عافاك..(جرها عنقها وهي تتغوت) انا كنبغيك نتي..واش كون كنت تنبغيها هي كون تزوجتها هي لاش غنتزوجك نتي ولكن انا مزوجك نتي..
نازلي: واااا طلق منييي..انا مكنبغييكش..يلاه بعد منيييي..طلقني بغيت نمشي عند بابا..
علي بعد وناض معصب..مشا هز حوايجو وخرج بدل ورجع عندها لقاها شادا وسادتو وتتشم فيها..وتتنخصص..
علي: انا غنخرج..
نازلي: غاديي عندها..مباغيش تبقى معايا يااااك..نتا اصلا متتبغينيش..😭😭😭😭
علي: 🤦🏻♂️🤦🏻♂️🤦🏻♂️🤦🏻♂️ ياااااربي صبرني..نازلي انا غادي للمقر ..بغيتي تمشي..
نازلي: اه😒😒
علي:لبسي هانا كنتسناك..
نازلي هزات يديها وبقات تتشوف فيه..
علي: شنو..
نازلي: هزني..وبدل ليا ما فياش لي يبدل..
علي:وهيا كون غلستي تنعسي..
نازلي: لاا تنمشيو بجوج ولا نغلسو بجوج..
علي: نازلي مافياش لي يتعصب معاك والصباح هادا..
نازلي:تتغاوااااات علياااا..راه متتبغينيش..صافي بغيتيها هياا..سير عندها وانا غنمشي لداارنااا😭😭😭
علي خرج وسد عليها الباب وهبط لتحت..هز تيلي صونا لعمر..
عمر: علي ..اش واقع..
علي : عيط ل خالد و بوراك و جيبو لبنات واجيو عندي..حيت انا بقا ليا شويا وبغيت نفاجر..
عمر:صافي صافي برد ..هاحنا جايين..(وقطع)
علي غلس فصالون شاد راسو تيفكر وتيحاول يبرد حيت عارف غير الهرمونات لي دايرين ليها هادشي..
بقا شوية حتا سمع الحس فالدروج..عرفها هي..وخلاها..
نازلي سمعات صقيل غالت راه خرج..
نازلي :😭😭😭 مشا عندهااا..غيتزوج بيها وانا غيخليني هاكا..😭😭😭انا متندير والو ...راه هو لي تيعصبني..صراحة انا لي تنتعصب..غالتها ليا زينب وانا متنسمعش ..مخاصنيش نبقا نعصبو..مخاصنيش نبقا نبكي..😭😭😭 ولكن راه تتجيني بوحدها..(هبطات تتجري للحمام)
بقات تترض حتا شافتو وراها شاد ليها شعرها ومخنزر متيشوفش فيها..
غسلات وجها ورجعات تتبكي وتتهضر معا راسها..وعلي رجع غلس حاضيها..تتجي تال حداه وترجع للكوزينة..علي كترو عليه العرارم ولا تتباليه الدار مكتااائبة..ومحملش هاد الجو..هو مموالفش هاكا..عزيز عليه النشاط ولومبيونص تكون فالدار..دبا ولا غيير البكا..
حبس تفكيرو صوت الباب ..ناض حل وخلاها فالكوزينة تتخشي فوجها هههههههه..
تحل الباب ودخل الجيش ..هما فرحانين وعلي راسو تيطبخ..
زينب :فيناهيا فيناهيا..
علي: دخلوا هاهيا غنعيط ليها..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
