❄️نفس واحدة تكفي❄️

58

🌍نفس واحدة تكفي🌍
-58-
دخلها لنفس البيت لي دخلات ليه الصباح باش تخيط..علي..حطها وخرج غلس..قبل ما يطيح تاهوا..قلبو تيضرب..الاكشن لي عاش اليوم ..الخلعة لي تخلع الصباح تاع نازلي وفالليل تاع عمر..خلاتو يتمالك راسو بصعوبة باش ميسخفش..غلس حداه باها..وهي بقات الداخل مع الطبيبة..لي حيدات ليها الكابيشون..وبدات تتفحص وداوي الجرح..ولات غير نظفاتو حيت البومادة لي دارت ليها ولات بسبابها تيتجمع الجرح شوية..داوات ليها يديهاودغاتليها برا مهدئة..حيت طاحت بسباب الأعصاب..وغلسات حداها..بعدما رجعات لبسات ليها التريكو..بقات هاكاك مدة..حتا تحركات نازلي وحلات عينيها تتبان ليها الضبابة بقات شحال حتا بدات تتقاد الصور دورات وجهها لقات الطبيبة غالسة وناعسة وغير تتبغي تفقد التوازن كتقفز وتعاود تقاد..نازلي شافت فيها..وهي تتحاول تغلس..باش تشوف شكون..لقات بلي ديك الطبيبة..وهي تهز نازلي رجليها ودفعاتها..جات الطبيبة مفرشة فلأرض..بدات تضحك عليها نازلي بتعب..
نازلي: انووضي راه وقت الخدمة ماشي وقت النعاس ههههههه
الطبيبة: خلعتيني ههه..ناااريي انا راه ساليت خدمتي غبييييلة..
نازلي:وأش باقا تديري هنا..سيري رتاحي باينة فيك عيانة..
الطبيبة غلسات حداها تتطلق فشعرها..: انا حتا بدلت حوايجي بقات 5دقايق ونخرج..وعيطو ليا غالوليا ..دبا جي للبلوك..وحيت كنت باقا محسوبة بلي فالدوام..مشيت وصدقت حصلت تماك..دبا دازت ساعة ونص مبقا عندي فين نمشي..غنبات هنا غالبا..
نازلي: شكرا بزاااف حيت عتقتييه..
الطبيبة: واجبنا هاداك..تانا تخلعت نضيعو من يدي..حيت حتا وقف نبضو..وحبسنا كولشي وخبطو واحد من الممريضين لقلبو وهو يشهق..عاد رتاحينا..حالتو خطييييرة..ولكن غدوز نشاءالله..الضربات لي كلا كانو فمناطق خايبة..وخسر الدم بزااف..واش نتوما بوليس..
نازلي: ااه..نتمناو يرجع كيكان..
الطبيبة : نشاءالله مايكون غير الخير..
نازلي مدات يديها :انا نازلي ونتي..
الطبيبة: انا ايدا (éda)
نازلي: متشرفين..
ايدا ابتاسمات ليهااا
نازلي ناضت بصعوبة..
ايدا: يديك راه خاصك تردي ليها البال..مخصهاش تنزف بزاف..
نازلي:واخااا
حلات آيدا الباب وخرجات نازلي وهي وراها..لقات باها غالس وعلي مربع يديه وغالس وراد راسو لور ومغمض عينيه ومسرح رجل ورجل طاويها..شافها باها ووقف شدها..
ايدا: يلاه انا غنمشي ..الا حتاجيتوني..غوليها لوحدة من الممرضات ..
نازلي:فيناهوا عمر دبا؟؟
ايدا:فالطابق لي الفوق..غيبقا تماك تدوز 24 ساعة عاد غنهبطوه لغرفة عادية..
نازلي: ايدا شكراااا بزاااف..
ايدا ابتاسمات ليها ومشات وهي دايرا يديها فالجيب تاع الطابلية..
نازلي: بابا غير سير..راك عياان..انا اه بيخير..وغنبقا هنا ..
الاب:واخا..ردي البال لراسك..علي راه نعس..انا فيا الموت تاع النعاس..وراسي ضرني..ردي عليا الا فاق عمر..
نازلي عنقات باها..: واخا بابا ..يلاه تصبح على خير..
مشا باباها..وهي غلسات حدا علي..تتشوف فيه..وهي تقرب لودنيه
نازلي: علييي..علييي
علي:مممم
نازلي:نوض نوض..
علي حل عينيه حمرين ودور وجهو عندها..: بغيتي شي حاجة..
نازلي:هبط للكافيتيريا جيب ليا ما ناكل..
علي: واخا ..فينهوا باباك..
نازلي:مشا للدار..راه عيان بغا ينعس..
علي ناض مسكين وهو مبوق دار القب ودار يديه فجيبو..ومشا..ونازلي تتشوف ..كيفاش ناض من النعاس واخا مبوق غير باش يجيب ليها ماتاكل..اذن هادا كيدل على أنها تتهموا كتر من راسو..
وقفات وتبعاتو وخشات يديها فدراعو وشافت فيه مبتاسم وابتاسم ليها بتعب تاهوا وتيحاول يكابر باش ميسدش عينيه..
نازلي:مافياش لي ياكل..يلاه نشوفو آيشا ونطلعو عند عمر ونهبطو للوطو نتكاو شوية بيدما يصبح الصباح..
علي: مممم
مشاو جهة تاع الغرفة تاع آيشا..حيت طاح ليها الضغط..ودقوا ودخلوا لقاوها وجهها صفر وحالا عينيها لي منفوخييين بالبكا..وحداها ..خالد لي غالس فكرسي..وحاط راسو فوق فخاضها وناعس ..وجهو حمر باين فيه العيا واالحزن..
آيشا: اش طرااا؟؟ من غبيلة تنتسنا شي واحد يدخل..وخالد ناعس فوق رجلي مقديتش نفيقو..
نازلي:عمر بيخير حمد الله..راه طلعوه للعنايةالمركزة..تال غدا عاد غيخرجوه لغرفة عادية..
آيشا:حمد الله ..حمد الله..حمد الله..اوووف بقا بالي معاااه...
علي: هو بييخيييير..نتي لي كيدايرة..
آيشا : طاح ليا الطونسيون وصاف..انا بييخيير..واصلا خالد معايا..
علي: اوا صافي ..حنا غنمشيو نهبطو للوطو..نتكاو تماك بيدما يوصل الصباح..بعطغيتي شي حاجة..شي ماكلة ولا اي حاجة؟؟
آيشا: لااا غير سيروو..الا حتاجيت ..غنصونيليك..
علي: تمام..
نازلي:تصبحي على خير..
#يتبع