🌍نفس واحدة تكفي🌍
-82-
وصلو دخلو..لاح علي السوارت..ودار عندها..
علي: نازلي غتسمعيني تال لاخار..انا ماشي ضد الدراري ..انا باغي الدراري منك وغنكون فرحان بزاف..ولكن شهر انازلي باش تزوجنا ودبا نتي حاملة..غيوقفوك من الخدمة..وغتغلسي..غنولي انا تنخرج وبالي معاك..ديما بالي معاك..ودبا وبالي بقا معاك ..فما بالك ملي عرفت راكي حاملة..ونزيدك باقين صغار..علاش مدرتيش احتياط..بفففف ..نازلي يا نااازليي
نازلي: تانا تصدمت ملي عرفت راسي حاملة ولكن مكاين منديرو..بما انه جا فهاد الوقيتة..الا انه حنا قادين عليه..وزايدون انا لي معدبة ماشي نتا..انا لي روحي تتخرج كل مرة..الوحم غيدوز صعيب باينة..لي كليتو نردو..وجايني الوحم عليييك...
علي غلس تيشوف فيها: انا كنهدر فشكل ونتي فشكل..انا كنهدر عليك..تمام دبا راه حملتي معندنا منديروو..امتا عرفتي..
نازلي: نهار مشيتي..جات عندي آيشا وعمر..وشراليا عمر داك الكاشف تالحمل ودرتو وطلع بوزيتيف..ولغد ليه مشينا عند الطبيبة انا وآيشا..
طلعات نازلي جابتليه الوراقي..وحطاتهومليه وهو شاد راسو..تيشوف منين يبدا..بدا تيشوف دوك التصاور وكيقرا الوراقي..وهز عينو فيها..
علي:دبا المقر كاملو فخبارو ..وانا لي راجلك مفخباريش..
نازلي: كنت تنتسناك تجي..
علي غوت :ياك تلاقينا فالدار ومغلتي والو..نازلي واش باغا تحمقيني..مدايراش احتياط وحملتي واخا ماشي وقيتة تاع الحمل بتااااتااا..لقيتي راسك حاملة وغلتي لكولشي وانا لا..ادن انا غير ديكور عندك..
نازلي: علي.. دبا صافي طرا لي طرا انا كنت معولة غدا ندير شي عشا بيني وبينك ونغولها ليك ..ساعا نتا جيتي اليوم..داكشي باش..وراك شفتيني ملي جيت كيف كنت..
علي: نازلي صاف فوتيني ..هاد النقاش عقيم بيناتنا..مغنخرجو فين اللهم نسكتو..
علي شد راسو مقادرش يفرح بأول مولود عندو..
اما نازلي غلسات تتشوف فيه..وهو مخنزر مكيهدرش..
نازلي:دبا ملي تقلقتي..غادي نحطليك كولشي ..باش تكون مقلق على شي حاجة..
علي هز عينو فيها تيتسناها تهدر..
نازلي: ولكن حلف مضربنيش..
علي: عمري ضربتك..
نازلي: اه..نفكرك..
علي: صافي صافي تنسحب هدرتيي..مغنضربكش غير غولي
نازلي: انا غلتليك تنتوحم عليك ياك..وتنهز حوايج..وتنهز حتا .. حتاا..
علي وقف مخرج عينو..وكلمة وحدة على فمو هي hayır..
علي: hayır ..hayır..hayır ..hayıııır..
نازلي هبطات راسها ..عرفات راسها قوداااتها..
علي طرع تيجري ..حل البلاكار جر حوايجو كاملين ..لقا البواطة لي تيكونو فيها 6 تاع القراعي ..خاااااااوية 1800 دولار مشات..
علي : نازليييي لااااا لاااااا والله الا بزاف..
نازلي طلعات عندو تطل من الباب..عرفاتو ميضربهاش خصوصا ملي عرفها حاملة..
نازلي: راه تتعجبني..
علي: نازلي بواطا كدوز عندي 4 أشهر..نتي سيمانة مشاو كاملين ياكما تتشربيها😠😠😠 حرام عليييك بفففففف
نازلي : هبطات للتحت قادات ما تاكل وغلسات تتفرج ..خلاتو تيغوت..حتا سكت..
هي بقات لتحت تتفرج حتا وصلات العشرة وهي تنوض طفات تلفازة وطلعات..لقات البيت مرون بحوايجو وهو ناعس على كرشو ..حسات براح حيت خواتليه المزيويد ومدار ليها والو..طوات الحوايج تاعو رداتهوم..لبسات بيجامتها..وتخشات حداه ..طفات الضواو وهزات يدو عنقاتها ونعسات...
3 تاع الصباح..حلات عينيها..وباليها حداها مغلوب على ظهرو..بقات تتشوف ..فيه..كانت غير تشم ريحتو وترجع تنعس ..خشات راسها..هو فاق..لقاها مخشية تاني ..بحرا بغا يغوت وهو يسكت ..مافيه لي يسكتها من البكا...
هي تخشت لاحت رجليها علي وعنقاتو..ورجعات نعسات..وهو تيضحك عليها
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
