🌍نفس واحدة تكفي🌍
-84-
نازلي سمعات الحس..وهي تغبن بغات تبدا تبكي..وهي دخل عليهوم لصالون..وجها حمر وعينيها منفوخين ..ومحاملة دوي مع حد..ومشات غلسات حدا علي تتخنزر فيهوم ..هوما سقلوا تيشوفوا فيها..وفحالتها..
علي :كنقدم ليكوم نازلي..نازلي هادو صحابي..الا بغيتي يمكن ليك تسلمي عليهوم..
نازلي خنزرات فيه وهي تنوض تتسلم غير من لبعيد بيديها..وكولهوم مستغربين..الا خالد لي فرحااان..وصلات ليه وهو يجرها بغا يعنقها..وهي غير تخشات فيه وهي تجيها الرضة عاوتاني وهي تمشي تتجري للطواليط..تبعها علي..وآيشا..
عمر:اش تتعنق..راه البارح شمات ريحتك وجاها الرضان اوا فوتها وسلم بحال الناس..
خالد: وانا باش غنعرف..
رجععلي شادها غلسها..وبقاو تيهدرو وزينب غير تتشوف فيها..ونازلي لي جاها محملش زينب..وزينب مسكينة ناضت من نيتها عندها تعنقها..وهي دفعها نازلي..
نازلي: عافاك بعديي..بعدو كاملين
زينب: ويلي على بعدو.حنا جينا نباركو لمك ونتي تتجري علينا..ياكما خفتينا نزبلوها تاني..
نازلي: 😭😭😭😭 وبعدي منيييي..😭😭😭
نازلي مشات طالعة لبيتها وتبعوها لبنات وزينب بقا فيها الحال ولكن عرفات غير الوحم..وتبعاتها خايفة عليها..دخلو للبيت وسدو الباب وبقاو مجمعين معاها علا الله وعسى يفوتها الحال..
عمر: سايس معاها..راه غييير الوحم..الا نتا تعصبتي وهي حساسة فهاد الفترة تقدر تغول حاجة عادية وتفهمها هي عوجة..اللهم دير ليها خاطرها..
علي: راه انا تقادا ليا الخاطر..مخليت مدرت معاها واالو..تخايل 6 تاع القراعي قداتهوم ف سيمانة واخا تكون تتشربها..ومدوييييتش معاها غير باش متقلقش..الصباح جات تال حدايا انا ناعس وهي ترض غااااع داكشي لي كلات..عاد نضت جمعت داكشي وغلست تنهدر معاها..انا كنغول كلمة فالشرق هي تتفهمها فالغرب..حتا تعصبت..غلت نمشي نبدل ساعة بخرا ساعة معامن انا..غالتليا بغيتي تمشي عند سيلين وتخليني.. غلت ليها يلاه معايا..غالتليك بدل ليا..غلتليها صافي بلاش غير خليك..هبطت انا لهنا...وهي تبدا تتهرنن تاني..اخويا انا عيييت..تادشي بزاف نزيد نهار اخور بحال هاكا غنزيد نترون..
بوراك: مخاصهاش تبقى فالدار..خاصها تبقى برااا..باش تبدل الجو ..هي واخا تعصب نتا بقا ضحك ..الا تعصبات راضيها..راه هييير 9 شهور وتهزوه بين يديكوم ..ونزيدك اي حاجة كتبكيها ولا ملي كتعصب هي راه تيتأتر البيبي..دونك عاونها تبقى ناشطة..باش تولدولينا شي بنيتة زويينة..
علي: يكون خير..دبا غولوليا..اش طرا..
خالد:داك خينا عتارف بلي البوس لي ديجا شدينا هو لي كان كيمولو..وبلي هو لي عرفو على شي واحد فاليونان..ادن عندو علاقة بيه..وغال حوايج جدااد..
علي: اشتاني..داك حلمي غال شي حاجة..
عمر:اه ..غال بلي من دبا للصيف غيبداو يوجدو ويقلبو على رجال وعيالات ..يديروهوم قنابل حية..ولي داعمهوم هو البوس لي فالحبس..انا مفهمت تا لعبا..
علي :ادن سي البوس ما بغاش يتوب..كيتواصل مع شي واحد برا الحبس هو لي مكلف بهادشي..اييه والقائد اش غاليكوم.
بوراك:القائد حط للبوليس المعلومات وديك ساعة غيقلبوا على الحل..نهار التنين غيغولينا القائد المستجدات..
عند البناات..
آيشا: راه والله حتا يطلقك الا بقيتي هاكا..راه هو عندو قد هاكا تصبر ..والله ويتعصب عليك حتا يديرها..هاني علمتك..
نازلي: راه معرفتش انا راسي ..راه دغيا تنبدا نبكي ودغيا تنتعصب ..راه عارفة تنعصبو وهو ماكايدير والو ولكن انا وليت هاكا..حتا الكينات مكايديرو والو .
ايدا: سمعيني اناا نغوليك اش ديري..شوفي بقاي غير تضحكي..متعصبيش الا تعصب هو حزريه باش ملي تعصبي يحزرك..هو راه غيدير ليك خاطرك..تفششي عليه طلبي يجيبليك الشكلاط..يجيبليك الحلاوي..ومتكتريش..طلبيه يجيبليك لافوكا ..لالاناناس..خرجو كولو الشوا ..كولو الحوت..كولي كولي كولي تتولي بحال البقرة ..راه هو غيعجبو الحال الا تفششتي عليه..بقاو البنات والدراري كيهدرو ..طلبو الغدا من برا..كان غيطلب لنازلي غير سوب ساعا خاف يطلبها وتبدا تبكي..وهي بحرا سكتات..دراري تغداو بوحدهوم والبنات بوحدهوم..وبقاو تياكلو ..نازلي مرة تبكي مرة تسكت..حتا طاح الظلام وهدرتهوم مبغاتش تسالي..
آيشا: تشهيت المحار..
زينب: تشهيت البربوش..ولكن مغيكونش هنا..كنا كناكلوه انا ونازلي فالمغرب..
ايدا:؟؟
زينب:هو الحلزون مسلوق..
ايدا:يااااااه.
زينب:زاخا تغول حتا يووووع..غدوقيه غتحماقي عليه
نازلي: 😁😁😁😁 تانا بغيتو..
البنات:اشناهوااااا
نازلي: بربووووش..
البنات شافو فبعضياتهوم وحلو عينيهوم..حيت معرفوش فين كاين..
ناضت نازلي هزات تجاكيت سهونة لاحتها فوقها وهزاتبوط قصير لبساتو ومشات لكوافوز..هزات شعرها لفوق ..ودارت فوندوتان..وماسكارا وغلوس فيه غير لبرييون..
نازلي:يلاااهوو..نهبطو ..باش نخرجو نشريوه..
آيشا:وافين غتلقااايه
نازلي هزات كتافها وحلات الباب باش تهبط ..تبعوها البنات..
هبطات لقات الدراري مضلمين البيت وشاعلين لبلي كيلعبو كرة..وكل واحد مليوح فقنت..
نازلي : نووضو نخرجو..
الدراري مغيبيين متيسمعووش غااع..
مشات حيدات البريز تاع رالونج وطفات ليهوم تلفازة وهما يهزو عينيهوم ..فيها معصبين..ولكن ملي شافوها هي مولات الفعلة..سكتو..
نازلي: نوضو غنخرجو..
علي: فيين..
نازلي: نمشيو ناكلو البربوش..
علي حل عينيه فعمر وخالد لي مصدومين..اما بوراك معرلها اش غالت غاع..
البنات دارو يديهوم على وجوهوم وسكتوا..
عمر: علاه كاين البربوش فاسطنبول؟؟
علي: ماعرت..نازلي كدوي من نيتك..
نازلي جمعات التغبيعة..
علي شافها غتبدا..: صافي صافي ..كاين كاين غيكون..يلاه نقلبوا عليه..
مشاعنقها وخرجوا..
كل واحد فطوموبيل وشادين الطريق جهة تاع البحر باش يشوفو تماك..
نازلي تتشوف فعلي مكونصونطري مع الطريق..
نازلي : علي ..سمحليا ابب..
علي شد فيديها باسها وبتاسم ليها وكمل مع الطريق..
نازلي زغااات عاوتاني وهي ضور شافت فيه ورجعات شافت قدامها..بقات تدور تشوف وترجع تاني..حتا تلاحت عليه..بجغات ليه وجهو وهي تبوسوو:نتا زوييين والله..
بقات تتبوس فوجهو وتمدح فيه وهو تيضحك مركز مع الطريق..خايف يغوليها زغاي وتصدق تتبكي..
علي :نازلي ..حبيبتي..بلاتي غير نهبطو وارا ما تبوسي ديك الساعة..دبا تنصوغ غنصدقوا مخشيين فشي واحد..
رجعات لبلاصتها وهي معنقة يديه..وهو معجب من الميزاجية تاعها..ولكن لي عارف هو خاصو يدير ليها خاطرها
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
