❄️نفس واحدة تكفي❄️

33

🌍نفس واحدة تكفي🌍
-33-
علي لي حضر للفلم لي داز بالزربة ومقدر يدير والو..شافها حتا طاحت ناض عندهااا مخلوووع..حيدليها الفيست والجيلي ولقا الرصاصة دخلات والأرض عمرات دم وتاهوا عمر دم..كولشي جا تيجرييي..يشوف ..هزها علي وهي تتغوت ليه وتتجدب..طبيعي حيت لحمها تتقب ..
علي: نازلييي صبري ومتبقايش تتحركي غتزيدي تخسري الدم...
وصلها لسيارة الاسعاف لي تما بالجرا وطلع ومشاو تيجريو..
علي شد ليها يديها تيحاول يهدأها: غير صبري قربنا نوصلو..مغيطرا والو راه غير غيحيدوها ويداويو الجرحة..
نازلي:😭😭😭غنموووت ياك😭😭 وااااااا مبغييييتش نمووووووت..
حماااات لومبيلونص بالغوات..أو الأصح الشارع لي حما بغواتهاا..
علي:نازلي عاااافاك لاما سكتي كتزيدي تجهدي راسك..
الممرضة لي فلومبيلونص دوخاتها بلغوات والتبربيص..
نازلي: راه لحمي هادا لي مضروب ابنادم..غنموت اعباد الله...(بقات تتغوت حتا ولا وجهها صفر بدات تتفقد الوعي تاعها)
الممرضة: لالالالا فييقي فيفي(تضرب فوجهها)
علي: نازلي بقاي معايا..
وقفات لومبيلونص قدام صبيطار فاش تيبقاو يحضيو..هزوها فالباياص دايخة..ودخلوها للداخل للبلوك..
علي وقف فبلاصتو يتسنى الدراري حيت هو كولشي داز هليه بالزربة وداخ وزيد عليها مخلوع..
وقفوا دراري قدام صبيطار وطلعو كيجريو لقاو علي غالس شاد راسو قدام لبلوك..
آيشا:اش طرا خليتكوم صحة سلام..
علي:تانا والله مفهمت..
خالد: انا غالتليا شوف جيهة الساعة 9 ضرت لقيت واحد ضارب لايزر جهة علي شوية دفعاتو..ويلاه غات تحرج وهو يضربها كنت انا ضربتو مي هو طلق قبل مني..بففففف تصدمت ومبقيت فاهم والو..
علي:متكونش بحالييي..
عمر:دبا لي فهم ..نازلي قشعات القناص كان بغا يضربك وهي بغات تعتقك وهي تجي فيها الدقة..
علي: اه..
عمر:وااااااو😲😲 هي دبا نازلي عتقاتك نتا واخا داكشي لي درتي ليها كامل..
علي:عمر ماشي وقيتة تاع هاد الهدرة دبا..
دخل بوراك تيجري..
بوراك: مالها..اش وقع..
عاودو ليه تاهوا وبقاو كيهدرو حتا خرج الطبيب وقفو تيجريو جيهتو
آيشا:امدرا..
الطبيب: الرصاصة كانت غارقة وباش نحيدوها فتحنا ليها كتفها..وخسرات بزاف تاع الدم ولحسن الحظ الرصاصة مقاستش العظم ولكن راه خسرات الدم بزاف..نتوما من عائلتها..
علي: لا حنا صحابها..
الطبيب: شكون فيكوم عندو -O ؟؟
شافو دراري فبعضياتهوم..
بوراك: انا عندي -O..
الطبيب :تفضل مع الممرضة..
الدراري رجعو غلسو تيتسناو شي خبر..دازت ساعة..كان بوراك عطا الدم ورجع وبقاو تيتسناو شي خبار..تحل الباب خرج الطبيب تاني..
علي: ؟؟؟
الطبيب:الحمدالله على سلامتها..الآنسة راه بيخير دبا..غنحولوها للعناية المركزة..من هنا للصباح نشوفو حالتها ونحولوها للعرفة تاعها وديك ساعة شوفوها...
آيشا: اووووف حمد اللله.
خرجوها من غرفة تاع العمليات بلبسة تاع الصبيطار..دايرين ليها الأكسجين وسيروم..وكتفها ملوي فالبانضة..ومغيبة..خارج التغطية..
#يتبع