❄️نفس واحدة تكفي❄️

69

🌍نفس واحدة تكفي🌍
-69-
كولشي فالغرفة تاع الاجتماع بجيلي والسلاح..وكلا فين مشتت..واش كيدير..الاتصالات السماعات فودنين كولشي..نازلي شادة البيسي قدامها وتتشوف الكاميرة تاع الطائرة بدون طيار لي شادة البار من الفوق وشادة حتا الداخل تاعو..تتشوف بجدية وعينيها شادين غاع الأطراف ووراها واقف محمد ..تينعت ليها الأشخاص لي بغاو هماا..
القائد تيهدر بالميكرو: المكان متاح باش دخلوا..
دخلو بزاف تاع الدراري بشكل متفرق .. والدراري حاضيين الشاشة لكبيرة..ونازلي تتشوف عن قرب فالبيسي..وراها محمد عينو مرة فالبيسي مرة فالشاشة..
القائد: الوضع زاغي..الى مكان تيبان ليكوم والو..بداو..
بداو تيضورو عينيهوم بالفن باش ميعيقوش..
القائد:تمام..3..2..1..
محمد ونازلي:وقاااااااااااف..
القائد:وقااف..
كولشي داار عندهووم ..القائد حط الميكرو الوسط باش هدرتهوم يسمعوها هوما فالسماعة..
نازلي:السرباي لي حدا الكونطوار..هاز سلاح وكان غيجبدو..ودبا ولا جمعوو..
محمد:الدراري بقاو زاغيين حضيو جنابكوم..اقدر فأي وقيتة يطرا عكس لي خططنا ليه..
القائد: خرجو نتومااا وبقاو بعاااد..نازلي عينيك يبقاو فالبيسي واكتيفيو سماعاتكوم...
خرج كولشي وتوخر خالد لي هدر مع القائد وجا تيجري..
نازلي ومحمد ركبو لور ..وعلي ونور القدام ...
ولوطو لخرا بوراك وعمر وخالد وآيشا ..
كسيرااااو حتا وصلو بعاد وبقاو فطوموبيلات
نازلي:2 غالسين تاهوما هازين السلاح..القاضية حااامضة..خاصنا ندخلو
علي:نتي غتبقاي عنا..خاص لي يبقى حاضي..
نازلي: تمام..
القائد بقا على اتصال بنازلي..ولخرين دخلو من الباب لوراني..خرجو نيشان الفوق فالمنصة تاع الديدجي..هبطو بلا ميعيقو..دخلو وسط بنادم..عمر محيح فالشطيح هو وآيشا وخالد..وعلي غير تيضحك..نور تاهيا تتجدب..باش ميدخلوش الشك..
ونازلي ميتة بالضحك عليهوم ..وهما كيهدرو بحالا ميهدرو مع بعضياتهوم وتيدوزو ميساجات للنازلي..وهي تتندر معاهوم وتوريهوم فين كاين كل واحد..علي وخالد طلعو للفوق..باش تبان ليهوم الرؤية ويقتلو على خاطرهوم..
القائد فالسماعة:نازلي ملي يبان ليك كولشي آمن ..عطي الامر باش يبداو..
ناولي:تمام..
بقاو قرابة 10 د ..حددوا فيها بلاصا تاع كل واحد..
نازلي: بداااو
ثواني..وبدات تتسمع الرصاص تيتشاير..هي حاضيا من البيسي..
نازلي:قائد ..خاصني ندخل..لي غارد لي فالباب دخلو بمعنى الباب خاوي..
القائد: دخلي..وردي البال..
نازلي حلات كويرتها..بان جيلي وتجبد سلاحها..وهي تخرج تتجريدخلات وهبطات الدروج ..بان ليها شي طايح..والناس العاديين هاربين..ولي بغاوهوم يتشدو شي ميت شي مخبي وناوي يهرب ..تيتسلت..حتا تيتلاقا مع نازلي..غلباتووعطاتو لظهرو فقد الوعي وجا طااايح قلبات جيابو لقات سلاح متوسط وعامر بالرصاص..نازلي اكتاشفات بلي الدروج مكان استراتيجي هزات سلاحو وغلسات فالدروج..وهي تبدا تتشيرالبوليس وصحابها باليهوم الرصاص وتخشاووهي بقات غير تضرب..حتا طيحات لي طاح صحابها عرفوها هي..وبداو تيتيريو ....
بعدما سالات المجزرة وتأكدو بلي كولشي بيخير ..وحسبو هادوك لي بغاو لقاوهوم هوما هادوك.. جوج ماتو ..وجوج اصابات خطيرة ..والبقية اصابات طفيفة
خالد:تربية يدي هاد سيدة..
نازلي:طبعا طبعا..فخباركوم مضربتش بسلاحي (هزات سلاح هاداك لي ضربات.) ضربتهوم بسلاح واحد الاخ..صدق زوين صراحة..
محمد: يا ربي معامن حنااا..
البوليسي: حنا سالات خدمتنا هنا..هادو غدا غنسيفطوهوم لادارة التحقيق..
بوراك: تمام..شكرا..
مشاو البوليس ...وبقاو الكليكة ..كيرتاحو..
نازلي: يلاه نوضو تجمعو..خاصنا نرجعوا للمقر
كولشي بقا ساااكت..نازلي تتشوف فيهوم وهما تيشوفو فبعضياتهوم..علي داير يديه فجيابو تيشوف فيهوم..
بدوووون سابق انذار هبط خالد على رجليه وجبد بواطة وحلها فيها خاتم سامبل في حجيرة كبيرة شوية الوسط..
خالد هز عينو فآيشا بنظرة جدية..نظرة خلاتو لأول مرة يبان كرجل..ماشي داك الهبيل لي ديما موالفينو يضحك ويبكي ويتأتر دغيا ويكون حنيين مع كولشي..
خالد: آيشا..حبي ..حبيبتي..روحي..اي حاجة زوينة طرات فحياتي..الانسانة لي معايا فالحاجة زوينة والخايبة ( ضربو بوراك لراسو وغاليه: ياك الحيماري..هي لي معاك ديما فالزوينة والخايبة بوحدهااا..جاوبو خالد)الانساااااانة..نتا انسانة؟؟..زمر تلفتينيي..احم احم..المهم نتي عارفة كولشي..نتي راه كولشييي..وانا باغيك تبقاي معايا ديما ..نعيشو بجوج..ونموتوا بجوج..آيشا تقبلي تزوجي بيا..؟؟
آيشا حلات عينيها..دورات عينيها تتشوف فيهوم..كولهوم كيصفقو ويصفرو ..عمر تيضحك وحرك ليها راسها..بحالا عطاها الاشارة باش توافق..
آيشا :😢😢😢 افيييييت افييييييييت افيييت..
خالد عنقها وهزها تيضور بيها..وقفها وركب ليها الخاتم وعاود هزها ..
كولشي تيصفق ويضحك..
جو زويين خلاهوم يوصلو للطوب تاع الفرح..نازلي مبتاسمة تضحك هبطات دمعة من عينيها وتلاحت على كتف علي..
علي دار شافيها تضحك وتصفق..عنقها وخشاها تحت كتفو.
علي: شهر وهو كيخطط كيفاش يطلبها..
نازلي:وايلي..صراحة فكرة زويينة..
# يتبع..