🌍نفس واحدة تكفي🌍
-65-
عمر:واش كلاو شي حاجة هاد الجوجات..
علي:وشكون عرف..
زينب دارت عند محمد مغبنة:واش مشات نازلي..
زهرة:وباقي تتسولي فيها..نتوما غتشللوني بجوج..
زينب:لا حيت مجابتش لوطو تاعها..ومغتلقاش طاكسي هنا..داكشي لاش سولت..
زهرة:محمد نوض وصلها..الا لقيتيها باقي مركبات..
عمر وعلي كانوا تيسمعوهوم..ناض محمد تيلبس جاكيطو..
عمر بهمس:نووض تغعد نتا.الا لقيتيها هادي هي الفرصة باش تصالحو..
علي:وشكون غاليك حنا غنتصالحو ..حنا صافي ..سي فييييينيي..
عمر:غتنوض ولا نزف برجلي نجيبك مفرش حدا رجلين خالد..نزيدو نكملو لي خاص..
علي: فففففففففف..قائد..انا غيخصني نمشي..عندي شي حاجة طارئة...
القائد: تمام..
علي توادع معاهوم وغمز محمد لي فهمو ورجع غلس بلاصتو ..
خرج ركب فلوطو ومشا مع الطريق..تيشوف واش تبان ليه..حتا بانت ليه كانت تتمشى عادي حتا بدات تضحك بالجهد..وتضرب يديها بجوج وميتة بالضحك..وقف فالجنب ومشا عندها..
علي: نازلي وااش شاربة..زيدي نوصلك لداركوم..
نازلي غير شافتو كحلات بلعما وهي تجمع الضحكة وهي تخنزر : يديك حيدهااا..وركب فطوموبيلتك وسير فحالك..انا عارفة الطريق ..ممحتاجاش مساعدتك..
سدات مونطوها وهي تزيد وخلاتو وراها ..هو بقا تيشوف وتيخمم اش غيدير..وهو يمشي تيجري هزها ورجع تيجري وهي تتركل وتتسب وتضرب وهو مبعد وجهو وغادي..حل لوطو خشاها وسد.لوطو وركب حيت بابو محلول ورجع سدو..وكسيراااا وهي تتسب وتتغوت..وخلاهااا على راحتهااا..حتا وصل لواحد لبلاصة تطل على البحر هبط وهبطات تاهيا جرها من يديها وغلسوا على كرسي خشبي تيطل على البحر..وغلسوا بجوج تيخنزروا قدامهوم..تواحد فيهوم مراضي يهدر مع لاخور..
علي :احم ..باش ماتت ماماك..
نازلي:ماتت فالولادة هي والبيبي..
علي:ماماك تركية..
نازلي: اه..
علي: ماتت ملي كنتي نتي صغيرة؟
نازلي: اه..
علي: وشكون رباك..زعما البنت تتحتاج مرا فالتربية ..مايمكنش غير باباك ..حيت ..زعما ..انا شخصيا منقدرش نربي بنتي بوحدي..
نازلي: رباني بابا..وكانت مرا فتربيبتي ..هي ماما زهرة..كانت صاحبة ماما..وهي رباتني من ورا ممات ..حيت كنا انا وزينب بحال بحال..
علي: مكتحسيش ..ببلاصة تاع ماماك ناقصة؟؟
نازلي:لاا..كاينة ماما زهرة...دايراني بحال زينب تماما..العصا كناكلوها بجوج..والحنان كناخدوه بجوج..وهي لي ديما تتسول وتحس بيا..
علي: مزياان..
نازلي سكتات..
علي: ممممم..كيدايرا..
نازلي:بففف..كنت بيخير ..قبل ماتجيبني بزز..
علي:اصلا كنتي بيخير حتا ملي كنتي لداخل..
نازلي بدلت تتفكر وهي تبدا تضحك..ودارت بغات تعاودليه..شافت فعينيه لي تيشوفوفيها..وتفكرات داك النهار..وهي تضور وجهها مخنزرة..
علي بقا تيشوفيها شحال..ومد يديه ليديها لي جامعاهوم قدامها..وحط يديه وشدها وهي لا حركة تتسنا اش غيدير..
علي: مغنطلبش السماحة..حيت انا وياك عارفين بلي الهدرة لي غلت هي لي كاينة..ولكن لي غنغول هو منقدرش على فراقك ..مقديتش..صعيييب بزااف..شهر لي داز ومقديتش نسا..حيت انا مباغيش..باغيك نتي..
نازلي ابتاسمات بسخرية..وجرات يديها: مشاااا الحال على هاد الهدرة..ومشا بزااف..داز شهر الا نتا داز عندك متغير فيه والو..انا راه تبدل عندي بزااف..جان خطبني..وهدر مع بابا..وبابا مشا يجيب الوراق من المغرب باش نديرو الخطوبة لكبيرة مع العقد..والعرس غنديروه فالصيف..دبا الا ممكن تردني فحالي للدار حيت باغا نعس
علي بقا غالس مصدوم تيشوف فيها مصدوم..بقا شحال تيشوف فيها وهي متبتة راسها باش مايبانوش الكدوب فعينيها وهو عينيه ولوو حمرين مغرغرين..
علي بصوت مبحوح:مممم مزيان ..مزيان..الله يكمل بالخير..
نازلي: شكرا..
علي:يلاه..
مشات ركبات هو رجع غلس مسح عينيه..باعي يغوت ومقادرش..وجهو ولا حمر..جبهتو خرجو من العروق..واغي بديتفرغع ولكن مصبر راسو..وندم ندم ندم حتا ندم الشيب لي باقي مناض فراسو..ناض ومشا ركب بلا ميشوف فيها..وتاهيا دورات وجها للزاج ..وصلها هبطات وكسيراااا نيشان للدارو
#توقعاتكن...
ياك ضحكتو اوا دبا هجرتوووه😎😂😂
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
