❄️نفس واحدة تكفي❄️

41

🌍نفس واحدة تكفي🌍
-41-
وصل بوراك مع نازلي حطو لوطو بعيدة لبس بوراك جيلي ولبس لنازلي تاهي ومشاو وهما هازين السلاح فيديهوم حتا بانتليهوم آيشا كتمشي وتجي غير بوحدها تتفرك فيديها..
نازلي:آيشااا..مالكييي
آيشا:مخلوعة..البلاصة كولها مفخخة..
بوراك:كنت عارف غيديرو هاكا..ولكن ميمكنش يفجرو راسهوم..
نازلي:ولكن دير فبالك بلي الا شافو راسهوم حاصلين مغيبغيش يموتو بوحدهوم..
بوراك: اه بصح..المهم انا تايق فيهوم غيقدرو يعتقو الموقف .
نازلي:نشاء الله

🔫 عند الدراري فديبو لتحت لي كانو مضغوطين..خصوصا من ورا مالقاو بلي كولشي مفخخ..وبلي حركة وحدة غالطة..غيتفجرو هما ودوك لي الفوق..
علي همس لعمر:البوس تاعك(دار لكمة جهة فوق القلب..عمر فهم البلان)
اما حكيم ..مكواني فواحد القنت مخبي..تبديتسنى غير الاشهار وغيبدا يشتت فبنادم..خرج البوص من طوموبيلتو
❌❌❌
البوس ..اوسخ واقذر حيوان على الكرة الأرضية..هادي حاضش مرة يشدوه..وفعشر مرات لي قبل..تيشدوه ويختافي بحالا معمرو كان..نشر الفساد فالبلاد..خرج على الشباب بالمخدرات..وقضى علي لي بيبي بالاختطاف والاغتصاب..البلاد ولات تتعاني منو..وهو البوص مكون عصابة وكل عضو فعصابتو داير عصابة تاعو..وهكذا..هاد المرة حلف عليه علي ميفلتوو..هو رجل خمسيني راسو شايب ولكن ماشي بحال رئاس العصابات دايرين كيالبرامل..توتوتوتو هادا الفورمة..الكتاف عراض..طويل ولابس تيشورت تيبين عضلات درعانو و عضلات صدرو وكرشو..وسروال دجين مبين عضلات فخادو وسيقانو..وسبرديلا سبور..ودايرين بيه لي غارد..وخرج واحد شارف وزعر وداير كيلبرميل وملوي فكومبلي..وجوج تاع لي غارد فجنابو..هازين جوج تاع لي فاليز كبار وقفو حداه..حلو لي فاليز لي كانو عامرين بالدولار..
البوس بالانجليزية: داكشي هو هاذاك..
الشارف: اه..
البوس:وفين الخنيشات..
الشارف: جبتليك خنشة وحدة كبييرة..(دار بصبعو اشارة باش تخرج من السيارة)
خرجات واحد القحبة من لوطو..بمؤخرة كبيييرة وصدر كبيير ولابسة كسوة حمرة لاااصقة قصييييرة..وفيها فتحة كبيرة فالصدر ..خلات صدرها يتكفح ..خاشية وسطو كيس متوسط..مسدود بسير رقييق..ولابسة طالون عااالي..و صابغة شعرها بلكحل ووجها عامر بالماكياج وخرجات تتعوج..
علي غمز حكيم باش يوجدو راسهوم..حيت علي فقنت و حكيم فقنت ...
وصلات القحبة عند البوس لي ابتاسم وتقلبو عينيه وقربات له..حط يدو على مؤخرتها...ويد على الكيس تيحل فيه وتيشوفيها..وهي تتهز سدرها وتهبطو والكيس تيطلع ويهبط..حلو قلبو رقاه فيه الألماسات لي بغا..جر الكيس..وعطاه لواحد من الغارد..ودفع القحبة على الشارف..
البوس: عندي منها بزاف غير خليها عندك..انا بغيت الامانة لخرا..والكاميو هاهوا فيه داكشي لي بغيتي
حل واحد من لي غارد..كاينين بزاااف تاع الدراري والبنات ولي بب كيبكيو..شافهوم الشارف وضحك..وسد الغارد الكاميو ويلاه بغا الشارف يعطي الامانة للبوص..دار الاشارة للغارد.. وهو يدير علي الاشارة ضرب عمر البوس لي كان كيشوف جيهتو وقريب ليه فوق قلبو وكي ضربو ناض علي وحكيم هازين جوج كوابس كبار...وبداو...دودودودودودودو..وهما يخرجو البوليس تاهما تيضربو حتا طاح كولشي..ناض عمر هاز كا بوسو ولي داز من هداه كيبعد عليه برجليه كابوسو ويقلب النبض..حتا طاح كولشييي..وبقا البوص تيتركل..البوليس لي هبطو من النفق..طلعو وخلاو النفق محلول خبرو لي الفوق بلي الخطة مشات كيماهياااا..
علي : يلاه يلاه بزربة نخويو الكاميو..
عمر حلو وخرج الدراري ..وعمر تيصوني على الفرق لي جاي من الطريق لخرة باش يخرجو..
علي:حكيييم نتا لي غتخرج هاد الكاميو..أنا وعمر غنطلعو هاد الزبل(البوس)
حكيم:تماااام..
جا الكامبو مع البوليس وطلعو الدراري وسيفطوهوم..حتا ما بقاوش تيبانو ..
علي: قلب نتا ديك لوطو انا نقلب هادييي..
بداو تيقلبو ويبقشو ..لايلقاو شي حاجة عندها علاقة بالعصابة الكبيرة..ولي لقاوها كيشدوها..
عمر :صافي هادشي لي كاين..
غلي:هز نتا هاد البالز تاع الفلوس و الألماس وتحرك قدامي انا غنهز هادا..
وفعلا داكشي لي كان..
هز علي البوس مركبو..وبقاو غادين حتا وصلو للطوالة..وهي تسمع "تااك"..دارو بجوج لقاو البوس تيشوف فيهوم تيضحكة ضحكة شريرة ..وشافو فالبوتون لي برك عليه..لقاو العد العكسي تاع 1:30 ..وبدا ضو كيشع ويطفا مع كل ثانية...
علي: جرييييي..غينفاجر..
عمر جرا ووراه علي وصلو لسلم وآيشا تتبكي تتطل مد ليها عمر البالز و طلع وعلي دفع ليه البوس..وجا طاالع وهو يسمع صوت أنثوي مجهد...
.......:Heeelp..heeeelp..heelp mee..help mee
علي شاف فعمر وشاف فالطوالة..وهو تيتأكد من الصوت..نازلي وآيشا غالسين فالأرض ..تيشوفو فيه ..وهو ينقز ورجع تيجريييييي...جات فودنوو:علييييي بصوت نازلي ..وكمل
#يتبع