❄️نفس واحدة تكفي❄️

74

🌍نفس واحدة تكفي🌍
-74-
خرج علي تيضحك ركب فطوموبيلتو وتبعهاا..هي غير بانليها وهي توقف جنب الطريق وقف قدامها وهبطو بجوج..
علي: فين غادااا؟؟
نازلي: كنت غنمشي جهة تاع البحر بيدما يضلام الحال وتخوا الدار..
علي : يلاه معايا نديك لواحد البلاصة..
نازلي : تمام..
ركبو كلا فطوموبيلتو كل واحد فطوموبيلتو ..علي حيد الكرافاط وحل القاميجة من ليدين والصدر..

دازو الأيام والأيام بوراك كل نهار خارج مع زينب..شراو عرام تاع الحوايج..وحتا دارهوم بداو تيأثثوا فيها ..بعدما تشاوروا مع نازلي وعطاتهوم آراءها..اما هاد الاخيرة عاجباها دار علي ..كانو مشغولين غير الخدمة ..اما راه كل الوقت مع بعضهوم..خالد وآيشا دار خطبة وعقد..حيت بجوج مبغاوش يديرو العرس..وطبعا حضرو نازلي وزينب..وطبعا ضروري من الزبايل..

# فلاش_باك_ليوم_خطبة_آيشا_وخالد:
صالون كبييير فبيت واليدين خالد..فيه فوتويات..فالوسط غالسة آيشا وخالد والعدول حدا خالد..ومو وباه غالسين حدا العدول..حدا آيشا غالس عمر لي حداه ايدا..وعاد نازلي حداها علي ..وبوراك وزينب..ومحمد ونور..والقائد مع مراتو..وعاد شي صحاب خرين فالمقر..
علي: نازلييي الله يرضي عليك تبتي..راه والله الا ضريتيني فراس..
نازلي: ونتا لي غالس بيني وبين صاحبتي..
علي: عارف الا غلستك حداها غديرو شي فضيحة..وانا مقا على شوهة..
نازلي:مغندير والو ..وعد..
علي: يلاه زيدي..راه والله وديري شي فضيحة حتا نقلبك..
دارت غلسات تتعانق مع صاحبتها حيت طلق سراحها..
خالد: لاش طلقتيها..
نازلي:🖕🏿
علي: غير خليها ..دير شي حاجة نجمع معاها..
نازلي بقات تتخنزر حتا نغزاتها زينب..
زينب : من غبيييل وانا حاضيا داك العدول تيشبه ليا فشي واحد..الا عرفتي نعرفك واعرة..
نازلي: دورات وجها وهي تبقى مصغرة عينيها تتدقق..وتعاود تحلهوم وتزومي زعما باش تعرف شكون..كان العدول ناوي يبدا الزابور تاعو وهي تضحك نازلي بجهد حتا دار كولشي تيشوف وهي تضحك ممسوقاش..دارت عند زينب لي مصدومة من الضحكة لي خلات كولشي يدور وخلات العدول يحبس..
نازلي(بالتركية): نااري تيشبه لداك الأستاذ ديال الفلسفة القصيير لي كان كيدير الخشبة باش يوصل للصبورة😂😂 لي كانو غاع دراري طوال عليه ومكيبغيش يتخالط مع التلاميذ..مسكين كيخاف ما يشوفوهش ويعفسو عليه😂..واخا هكاك كان كيبقى فيا..
زينب: 😂😂😂😂واييه هوااا..
نازلي: غير هاداك فايت هادا بديك (غالو دقة وحدة بجوجات) الزيتونة لي حدا نيفو😂😂😂..
بداو تيتخابطو بالضحك ويدورو يشوفو فالعدول لي مسكين تنوااا..
نازلي بشوية: عنداك يكون هو لي غلب الحرفة..
زينب: ولكن مشفتهومش غبيلة واش جابوليه الكرسي باش يطلع ولالا🤣🤣🤣
علي ضرب جبهتو بالفقصة..دارت نازلي وبحرا شافوهوم كيشوفو فيهوم وناضت قبل مايدوي رجعات لبلاصتها لولة..
نازلي: غير كمل ا سي العدول..
علي خنزر فيها وصقلات..
العدول بدا تيقرا داكشي : ........واش قابلة ب خالد زوج ليك؟؟
آيشا: اه..
العدول عاوتاني: ..........واش قابل بآيشا زوجة ليك؟؟
خالد: اه..
العدول: الشهود قابلين؟؟
علي وعمر: اه..
سناو فالكتاب وعطاهوم العقد..وكولشي تيصفق..
كلاو وشربو و نتاشرو..خالد وآيشا مشاو لدار خالد لي قريبة لدار علي..
#نهاية_الفلاش_باك
عمر عرض الزواج على ايدا..وتاهيا قبلات بعدما اخيرا لقى لي خلات قلبو يدق..وخلات فحياتو هدف يعيش على قبلو..وحتا آيشا وافقات باش يمشيو يخطبوها..حيت جاتها على غانتها..
كانت الأيام كلها فرحة وسعادة عندهوم..عايشين الحياة بييخير..
نور ومحمد وجدو وراقيهوم باش يرجعو مور العرس تاع خواتاتو..
#يتبع