❄️نفس واحدة تكفي❄️

52

🌍نفس واحدة تكفي🌍
-52-
علي مسح ليها كتفها ..وجمع داكشي مشا لاحو ورجع عندها لقاها متكية على جنبها
علي: نازلي ..خرجي محاد باقي الحال..
نازلي هزات عينيها فيه: اجي اجييي..بغيت نهدر معاك ومغنمشي حتا ندويو..
علي : نازلي دارني راسي مفياش لي يهدر..
نازلي:وعافاك احبييبييي..
علي هز عينيه على كلمة حبيبي لي صدماتو..هي لي تتعيط ليه غير علي ولا شي معيورة..ولا غلس بلهلى يطريه ليه..
نازلي: لالا نوووض ..ارا ليا ساكي بعدا..
ناض بلا ميهدر ..جاب ساكها وهي ناضت تغعدات بشوية..وحلات ساكها وجبدات مدكرة وقلم وحطاتهوم قدامو..ولاحت ساكها ورجعات تكات..
علي:مال هادي..
نازلي: غنكتبو فيها القوانين لي خاصنا نحتارمو..وغنكتبو العقوبة وغنسنيو بجوج..وغتبقا عندي وصافي باش نحتارموهوم ونبقاو غاديين مزيان..
علي ضحك باستهزاء:😏😏 هاكي جمعي هادشي ونوضي لداركوم..
نازلي:ودبا مالك..مموالفاش دوي هاكااا..واش درتليك شي حاجة..
علي:لا انا مباغيش ندوي معاك..علاش..هاكاك حيت بغيت..
نازلي خنزرات فيه:شوووف انا الا غلطت نطلب سماحة ولكن باش يتقلق بنادم مني بلا سباب..ومن غبيل ونتا تتجري عليا وانا تندير راسي متنسمعش..واش هاكا كنتي عايش مع خطيبتك..باز ليها ربع سنين وهي صابرة حغلها تفارق معاك...انا صبري طوييل ..ونشد ليك خاطرك ولكن الا عيقتي راه نضرب فكولشي ونديرك بحالا عمرك كنتي تمام..وبغيتيني نمشي هاهيا غادا ولكن متجيج تهدر معايا مرا خرااا..ماشي باش نرد الصرف ولكن حيت ميمكنش نكملو خيت معندناش تفكير متكامل ..يلاه الله يعاونك..
بدات تتجبد باش تنوض حيت يديها خاصها تبقا فيكس..تكركبات من الكنابي لارض..وكالات بيديها الصحيحة ووقفات ..دارت بغات تهز التجاكيت تفكرات بلي تاعو وهي دير بناقص وبقات بدوني هزات المذكرة وستيلو وخشاتهوم ف ساكها وبقات مضاربة معاه يتسد ..تحت نضاراتو هو لي تيشوف وتيفكر ..تحنات مدابزة مع السبرديلة ..هو ناض مشا ساد الباب بساروت ودار الساروت فجيبو وطلع لبيتو لي كانو دروج تاع الخشب صغار كيطلعو للفوق لي فيه جوج بيوتة دخل للواحد..هي ضورات عينيها تتخنزر شافتو طلع..
نازلي:هاد الخرا ..تفووو..كاموني لاما خرجتي عينيك..ميزيرش😒😒
هبط علي مبدل كيدردغ فالدروج لابس تريكو كوم سخون وسروال سورفيت وتقاشر وبانطوفة تاع الدار..
علي:نوضي بدلي..غنقاد العشا ونغلسو نهدرو..
نازلي خنزرات فيه ولاحت السبرديلة والساك وبدات تسرح فالحوايج..
علي: اري نلبس ليك التريكو..ودبري راسك مع السروال..
علي لبس ليها داك التريكو سخون وواسع فوق دوني ومشا وخلاها هي دورات وجها حتا دخل للكوزينة..هبطات السروال وهي غالسة ونتراتو..ولبسات لاخور وطلعاتو بيد وحدة ولبسات تقاشرها وهزات السبرديلة حطاتها بعيدة..وبعدات ساكها وحطات سروالها وجاكيطة فالطرف ونشرات رجليها فوق الطبلة وبدات تتمسيجا هي وزينب وتتعاود ليها..حتا دخل هاز جوج طباسل فيهوم سباكيتي بلاصوص وجوج فراشط وحط قدامها وقدامو ..وهبطات تتاكل بلامتشوف فيه حتا حبس ودار مرفقو على ركابيه ..
علي:كاراكتيري صعييب ..كنبغي شي حوايج يكونو وشي حوايج لا..واخا يجيوك نتي عادي انا لا..تنتعصب دغيا..ومنقدرش نتحكم فراسي..سيلين مكنتش كنبغيها ..كان إعجاب ولا حب غاااع ولكن برد..كاين المرات لي متندويوش سيمانا وعادي تاواحد ما هاموو..مسميين مخطوبين وصافي..واخا هاكا كنت تنتفكرها ومكانلقاش الوقت..ولكن نتي حاجة خرا نتي نقدر نخلي الخدمة وكولشي باش نبقى معاك..قلبي تيخرج ملي تطرا شي حاجة ليك..كنحبس راسي نمد يدي ملي تتعصبيني ..وملي تنتعصب تنحاول نبرد واخا متنقدرش..حيت تنبغيك..حسيت نهار غلبناااها بالفرق..شي حاجة فنهاري ناقصة..ناقصاه نتي..مبقيتش باقي قادر نكمل حياتي بوحدي..باغيك تبقاي ديما معايا حيت بصح نتي ضرورية لياااا..تبقاي ديالييي..تعنقيني غير انا ..تبوسيني غير انا..تهدري معايا بزاف غير انا..تضحكي ليا غير انا..فهمتي..
نازلي لي كانت تتاكل وتتسنط..حطات فرشيتها ورجعات تكات لور تتشوف فعينيه..
نازلي: وانا نفهم..غرتي من محمد..تمام..نهار كانت متكية على كتفك آيشا..ولا فاش تتعلق ليك فكتفك..تتشوف فوجهي لغيرة؟؟ لاااا وبزاف تاع لاااا..حيت تتعتابرها ختك..تمام..تتشوف فخالد ملامح الغيرة منك..عاوتاني لااا..ادن تانا محمد خويا الكبير لي معنديش ..مربيين ملي كنا صغار..وديما كان تيشوفني ختو صغيرة..حتا من خطيبتو تتشوفنا هكاك وعمرها غارت مني..صافييي ..علي انا معمري بغيت ولكن ملي بغيت بغيتك نتااا بمعنى لي فقلبي هو نتا وتواحد من غيرك..نتا بوحدك..ونزيدك تعاملت هاكاك غبيلة حيت مشفتوش عامين غير تيلي وصاف لي بيناتنا..داكشي باش ..ومكاينش لاش تغير منو ولا من غيروووو..انا تنغير من نور ولكن واش عمري غلتليك شي حاجة..غلتي بفمك مكاتحاشيهاش ليها وتانا آمنت بالله...
#يتبع