❄️نفس واحدة تكفي❄️

20

🌍نفس واحدة تكفي🌍
-20-

آيشا : يلاه زيدو نتحركو خلاص..
نازلي:رجلي مقاداش نتمشى عليهوم..
عمر: أنا كتر منك
خالد ناض هز نازلي..وهي كولها عوجة وتتغوت..
خالد: شكون غيوصلها..
عمر:أنا أنا ..عندي شي هدرة معاها..
آيشا: تمام ..
عمر ناض بزز ..مشا ركب باش يوصل نازلي لي جابليها خالد ساكها وجاكيتها..تحركو كاملين..وتفرقوا ملي دخلو للمدينة ..عمر غادي مقصر مع نازلي..
نازلي:يا دوي خلاص فاش بغيتيني..
عمر: بغيت نهدر ليك على علي..
نازلي: شوفي أنا نسيت هدرتو ..ولكن ميمكنش نتعامل مع واحد محاملنيش أصلا..
عمر: راه عاديييي كل واحد تياخذ نظرة أولية ..(عمر هضر باختصار الى العلاقة لي جامعة عمر و آيشا وخالد وعلي ..وبلي ماكانوش باغين عضو جديد ف فريقهوم..ولكن ملي عرفوها بدلوا فكرتهوم كاملين حتى علي)..سمعي نغوليك آخر حاجة..شتي علي هو أظرف وأحن واحد فالغروب..واخا يباليك كيما بغا يبان..راه خطيبتو تتدير الغلط شحال من مرا ويغوت عليها ومدورش24ساعة ويرجع يصالحها..وتانتي رجع يصالحك..غير دوزيها..عرفتي شنو مسحيها فيا..ياك غنكونو نشاالله ف فريق وااحد ..اذن خاصنا نكونو مصالحين..ماشي شي مخاصم مع شي..
نازلي سكتات شحال عاد نطقات:تمام ..تمام على وجهك..
عمر ضحك:ههههههه اوا دبا دويتي..يلاه هبطي..
نازلي توادعات وهبطات عند زينب لي هازا حتا هي ساك وواقفة قدام دارها بعدما سيفطات ليها ميساج باش تهبط..
زينب: على السلامة.. 7 هادي..
نازلي: زيدي تال الدار وندويو..
زينب ركبات باش تصوغ و نازلي لي بردوا عليها عضامها وبداو تيعطيوها الصداع..ركبات ومشاو للدار
نازلي: بااااباااا
الأب: جيتي ياالعجاجة..مابقيت تنشوفك غاع..
نازلي: بحرا متهنا من صداعي..جبت زينب معايا..تبات عنديي..
الأب: مرحبا ازويزو..تجمعتو تاني..هي مكاين نعاس تاني..
نازلي:انا بعدا عضامي ضاااااريينيي..الا كانت هي غتسهر ماعرت ...انا كنقلب هير فين نعس..
زينب:زيدي زيدي أشمن نعاس..هههه
طلعو كيهضرو..
نازلي:انا غنمشي ندوش..نتي بدلي حوايجك
زينب: اوكي سيري سيري ..تنتسناك باش نسمع..
نازلي مشات تتعرج وكل رجل فين غادة وكتافها تيفيبريو..دخلات تحت رشاشة سخووونة وبدات كطرطق عظامها ..باش تصبح عل أقل غدا لباس ماشي بحال اليوم ..دوشات بالخف وخرجات ملوية فبينوارها..دخلات لقات زينب متكية فناموسية..
زينب: بصحة..
نازلي : الله يعطيك الصحة..
لبسات بيجامتها..وتلاحت حدا زينب..
زينب تغعدات: يلاه يلااااااه عاوديي..
نازلي تغعدات تاهيا وبدات تتعاود بالتفاصيل المملة لي تيعجبوا زينب لي حالة عينيها..
زينب: اوا صافي رجعي تانتي دوي عادييي..
نازلي: عارفاني مكنهزش فبالي..
زينب: شوفيي غتعاملي عااااادي ..متجمعيش وضحكي معاه..وفنفس الا سولك على الخدمة جاوبي عااادي..
نازلي: داكشي لي كاين..يلاه دبا ملي سمعتي كولشي ..تلاحي تنعسي غدا راه فايقا بكري..وا نعسي ..
نعسو وهما تيتسناو غدا..
🌞🌞 8:00 تاع الصباح..حطات نازلي زينب قدام الشركة وتوجهات للمقر..باش تبدا خدمتها..وهي تطلب باش العشية تتعطل ..مافيها لي يسوس عظامها تاني..
🌍دااااز أسبووووووع🌍
داز بنفس الروتين ..صباح كدوز المقر..ودوز من بعد للسبيطار تاهيا مع الكليكا..بعدما خبرها بالعصابة وعطاها تقرييير كامل..وولات تاهيا تتشد معاهوم بيرمانونص..بعدما ولاو قلبوا الحرفة حيت دارو احتمال يكون واحد من العصابة تيدخل للسبيطار وتيشوف واش كاين لي كايحضيو ولالا..لهذا آيشا وخالد دارو الدور تاع الممرضين..وعمر مريض عندو شومبر تاعو لي منها كيحضي الكاميرات وعلي ونازلي زعما من عائلة تاع عمر وتيبقاو معاه..وطبعا بيناتهوم السماعات ..لي كيتواصلو بيهوم بيناتهوم..علاقة تاع نازلي بدات تتقوى مع الكليكا...معدااا علي..لي ولات تتدوي معاه غير فالخدمة..حاجا خرا لا..وتاهوا فهمها ولا تاهوا تيتفادى يتلاقى معاها..وحتا ملي تيبقى هو وياها قدام شومبر لي جات فمكان استراتيجي..قريبة للبلاصة فين كاينين الدراري الصغار..تبديبقاو كل واحد هاز تيلي حاضي الكاميرات ولا تيضوروا وتواحد متيهضر لاخور..وفالعشية كتجي الفرقة لي تتشد بلاصتهوم ..تيخرجو عمر ويدخلو واحد آخر..وتيخرجو من الباب لوراني..والوجهة المعسكر..يبداو تاني..نازلي ولاو مفاصلها وعضلاتها كيتأقلموا مع التداريب..وزينب تتشوفعا مرة مرة ولكن تيلي ديما بيناتهوم..هاككا داز الأسبوع عند نازلي..
🌞🌞10 تاع الصباح نازلي شادا بلاصتها قدام شومبر..وقدامها علي واقف...
#يتبع
😈😈😈😈