🌍نفس واحدة تكفي🌍
-25-
9:00 🌞🌞
نازلي تتجبد فوق السداري حتا ترمات من فوقو..جات مفرشة فالأرض ..تتحك فعينيها وتتحاول تفكر اش وصلها لهنا..لقات ساكها والسوارت وتيلي محطوطين فوق الطبلة ..
نازلي: 😨😨😨علي لي وصلني..ناري هزنييي(هي تتهدر مع راسها ..وتسول وتجاوب راسها..تهز تيلي وقفزات معااه)
نازلي:ألو..
عمر:افييينك ازمر من غبيل وانا تنتسنى..
نازلي:نتا قدام دار..
عمر: اه..
نازلي:هاني جايا..
طلعات تتجري ضرب درجة وتنقز جوج..دخلات لبيتها طارت هزات ديماكيون..مسحات وجها ومشات غسلاتو ورجعات لبسات سبور حيت عشية عندها التداريب تاني..وهزات ساكها وطاارت فالدروج..تلاقات مع باباها..
نازلي: بابا صباح الخير..هاني مشيت..
الأب:بلاتي فطري وسيري..
نازلي:لالا ..تعطلت أصلا..يلاه باي..
خرجات تتجري ركبات ..
نازلي:سموحات..راه بحرا فقت..
عمر: باينة..ههههههه
نازلي:راه عييت..فين بينا نمشيو..
عمر :للسبيطار
نازلي: اه اك
تحركو و ديريكت السبيطار..دخلو من الباب لوراني..ولقاو ديجا آيسا وخالد وعلي تماك..
نازلي:صباح الخيير..
الكل :صباح الخير .
آيشا :تعطلتو اصاحبي..
نازلي:انا لي عطلتو..مفقتش بكري
خالد: اااه..يلاه تفرقو..
نازلي: انا غنهبط لكافتيريا نجيب قهوة..شكون بغا..
عمر وعلي:انا..
نازلي:تمام..كل واحد مشا لقنت..وغلس..
هبطات نازلي لكافيتيريا..شدات نوبة باش طلب قهاوي..ثار انتباهها واحد كان غالس تيخنزر فيها..راجل كبيير وعينيه رماديين..كيشوف فيهااا هي حيدات عينيها وهو لاا..نظراتو خلعوها..كان فيهوم بحال كره كبييير بحال تاع شي واحد محلف عليك..دورات وجهها..وهزات القهاوي ومشات وهي حاضيا جنابها..
طلعات مضهشرة..عطات قهوة ل علي و وحدة لعمر وهزات تاعها وبعدات وغلسات قريبة لغرفة الدراري وبقات تتشرب وتشوف فالكاميرات..ولي دخلات كتبقى تشوفها اش غدير..وتتيطبقى حاضيا..كان نهار عادي حتا وصلات 6
جا خالد جمعهوم : يلاه صاف سلات المناوبة تاعنا.. زيدو نمشيو ناكلوا..انا راه نزيد شوية ناكل شي واحد فيكوم..
تحركو وتشتتو فطوموبيلات وديريكت لواحد المطعم قريب للصبيطار..طلبو ماكلتهوم وكلاو وهما كيهدرو وعلي كيعاود ليهوم على سيلين خطيبتو..ولخرين كيسمعو ليه..
علي:انا هملتها بزاف..هي عارفة ظروف الخدمة ولكن واخا هاكاك ولكن مكنشوفوش بعضياتنا بزاف فهمتي..
عمر :واخا هاكاك راه الخدمة هي لولة..ويلا شفتي راسك متقدرش تعطيها وقتها تفارقو حسن متبقاش مجرجرها..
علي: منقدرش.. 4سنين نضربها كولها فزيرو..
عمر:اوا ليباليك..
علي:دبا معندنا والو ياك..
خالد:عندنا التدريب تاع نازلي..
علي: ماشي شي حاجة دونك انا مغنمشيش معاكوم..
كولشي دور وجهو عند نازلي: لي كانت تتاكل بالصمت وتتشوف فطبسيلها حتا سمعات هدرتو وهزات راسها..دورات لسانها ففمها..ورجعات هبطات راسها ..
آيشا: احم احم..اوا صاف ..وعلاش مغتمشيش معانا عندك شي حاجة..
علي: اش تنعاود من الصباح غندوز هاد ليلة مع سيلين ...
عمر: اييييه اسيدي..اوا بصحة..
كملو ماكلتهوم ..وناضو..نازلي مشافت فتاواحد وهزات تيلي بحال بغات تجاوب شي واحد..
نازلي: اه...صافي هاني جايا...اكي باي..
نازلي:انا غنمشي زينب عندها شي حاجة طارئة خاصني نمشي..
شدات طاكسي وركبات ومشات..وكولهوم حالين فمهوم فيها...
عمر: واااااااااااااع..ميمكنش...واش نتاا اصاحبي المفعول تيعطي دغيا غير من هدرتك..
علي:راه غلتليك راه مكايناش شي بنت تغول عليها ماشي مهمة ومايبقاش فيها الحال..
عمر: ناري دغيا تقلبات..
علي:اه اه تقلقات يلاه طلع 1000 ليرة
عمر: مكتنساااش..
جبد عمر بزطامو ..وخالد وآيشا تيضحكو..
خالد: يلاه تحركو غدامي..انا تشهيت..
قاطعاتو آيشا:تغول شي حاجة نطلع معاك سبرديلتي..المطعم كليتي غاع لي فيه وزايدها بالتشهية..
خالد: راه الجوع😡
بقاو مناغرين ..ركبوا فطوموبيلات وتحركو للمقر..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
