❄️نفس واحدة تكفي❄️

95

⚠️قريبا النهاية⚠️
🌍نفس واحدة تكفي🌍
-95-
ركب علي لور بين دراعو نفس..قطعة منو ..حياه الله يشوفها..شي مرات تيتفكر لي طرا ..بزاف تاع الأحدات دازو بالزربة..خلاوه يتلف ما يفكرش غاع فداكشي..القدام نازلي لي صايغة مخرجةيديها من الشرجم..وراسها مرفوع تاهيا ممتيقاش بلي غيرجعو مجموعين لدارهوم..يتجمعو عاوتاني..باركات طوموبيل ودارت خدات نفس مكمشة فملايتها وتدور عويناتها..هما الحاجة الوحيدة لي كبيرة فيها ..دارت هزات الساك فكتفها ومدورة درعانها على نفس..وعلي وراها تيتمشي بشوية..تيتنفس الهواء براحة..كولشي رجع كيف كان..وربما حسن..تيشوف حب حياتو قدامو هازة طرف منو بين يديها..طلعو للفوق ودخلو لاحت نازلي كيف العادة كولشي فالعتبة وطلعات لبيتها..حفيانة..حطات نفس فوق ناموسية وحيدات حوايجها ولبسات بيجامة..طلع علي لقاها تتلبس مشا غلس حدا نفس..لي بحرا تتكتاشف بعينيها..نازلي جمعات حوايجها وجات حيدات لعلي جاكيطو..قادات ليه الوسايد..وتكاتو..وحطات من فوقو نفس وهو فرحان بيها..وأخيرا فحضنها..وهي فحضنو..نازلي دارت تلاحت فبلاصتها..جرات الكوفر لي ونعسات..
دازو ياام وشهورة..وعالي برا ليه الجرح..وحيد الغراز..ولا تيتحرك عادي واخا تيتقسح بعد المرات مي تيصبر..
اليوم رجعات نازلي من الخدمة..ولقات علي محيح مع نفس..تتبدا تغنغن(هاد المصطلح خاص ببابا..كيقصد بيه التهرنين🐸 وأنا حبيتو واستعملتو واخا معرفت اش تيعني😂)وعلي تيهدر مخربق زعما راه فاهمها وتايجاوبها..وهي عاجبها الحال ..دخلات عليهوم للبيت..ومشات تنقات علي وباستو..وهزات نفس تتبوس فيها حتا بكاتها وحطاتها لباها..
علي: كيدوزتي نهارك..انا تيبانليا نتقاعد ..عجباتني راحة..
نازلي: نتا باقي مدرتي حتا 5سنين صحيحة وباغي تقاعد..بااااز..الخدمة مزيرة..انا دغدغت..وآيشا كل مرا تجي تبدا تهرنن..على خالد..مسكين تيتعصب ويصبر راسو..ويسكت..مافهمتش هي نافراه وتبدا تنبش فيه..
علي: فخباري راه دازت عندي الصباح..راه تاهيا جاها الوحم معوق..
نازلي: فخبارك تنفكر نحمل تاني..نتابعهوم ونتهنى..نصبر واخا صعيبة الشهورة لولة مي نصبر..
علي: اهياااتا😒😒 مكتشربيش الكينا..
نازلي: طبعا لا..معرفتهاش حتا كيدايرة..علااش؟؟..انا باغة نحمل تاني ونتهنا ..
علي: اييه والخدمة..غيجريو علينا الزغببية..
نازلي:ههههههههه علاش..متخافش نخدم عليك..راك عارفني مهندسة ديكور مهمة😂😊
علي:داكشي لي مصبرني لهبالك..
نازلي:😁😁انا غنعس شوية راه عييت..غدا غترجع حتا نتا..
علي: واييه..يلاه سيري..نعسي..نبغي نخرج غنفيقك ..تحضي بنتك..انا راه ودني تيصفرو بغواتها وتهرنينها..
نازلي: هههههههه
#يتبع#تتمة
-95-
20:00 تاع ليل..نازلي منشورة على كرشها فوق الناموسية..طلع علي لقا هاكاك..وحط نفس حداها وهو يبعد..
نفس باليها السكات وبدات تدور فعينيها وهي تجمع البكية وهي تغوت..وهي تنقز نازلي لقاتها حداها وبدات تترمش..لقات علي واقف تيضحك..
نازلي: حرام عليك اصاحبي..كون ضربت دبا بيدي فاش بينا نوليو..
علي: من غبيلة وانا تنعيطونتي ميتة..سيفطها ليك ههههههههه..
نازلي هزات عنقاتها وعطاتها ترضع وهي تسكت..
نازلي: الفارة..توحشتي ماما..ادوي ..توحستيني..تانا توحشتك..
نفس تتشوف بعينيها فعلي وتترضع..غير سالات وهي تبدا تتجبد عند علي..
علي بدا تيضحك..: كاحالتيها..بنت باباها هادي..مبقاتش باغاك😂😂
نازلي: ويليييي..والله الا تتجبد ..يا زغبي ولفاتك..
علي: حبيبتي هادي..وتتنبغيك الفنوون..
نازلي جمعات وجها وبدات تتخنزر..
علي: نتي راه هي الحب..نتي راه كولشي..واش اتغيري منها..
نازلي: هادشي لاش باغا نحمل نولد شي ولد..وديك الساعة ربح بيها
علي: بااقي الحاال على الحمل..غتكرفسي تاني..
نازلي: لااا نتابعهوم ونغلس نكبرهوم بجوج ونرجع نخدم عادي ديك الساعة..
علي: مااعرت والله..المهم أنا غنخرج نتلاقا مع عمر وخالد وبوراك..
نازلي: فين؟؟
علي: ماعرت غندوز للمقر ..ونمشيو..
نازلي:تمام..غول للخالد يسيفط آيشا..ويجي تاهوا يبات هنا الى بغا..
علي : تمام..يلاه نوضي تاكلي..وردي للبال للحبيبة تاعي..
نازلي: تمام..رد البال تانتا لراسك..وغير بشوي فالطريق..
علي هز راسو تيسمع للتوصيات..بدل حوايجو بدجين مشرغ وكابيشون..
علي: يلاه هانا مشيت(هبط باسها وباس نفس)الا تعطلت نعسي ..
نازلي : تمام..
مشا علي وهبطات هي للتحت حطات نفس فرولاكس وبقات مجمعة معاها حتا كلات وجمعات الدار وطلعات هازاها تاني..
نازلي: اوا دبا نمشيو نشوفو..ياك ابيبتي..
نفس غير تتشوف فهاد الحماق لي منيتهوم مجمعين معاها..
هزات نازلي ساكها ودخلات للحمام تاع بيتها..
بقات مدة حتا خرجات هازا لاباراي تاع كاشف الحمل..وتتشوفيها وتتسنى النتيجة..بقات هاكاك غالسة حدا نفس تتلعب فصباعها حتا غوتات..
نازلي هزات نفس تدووور بيهاااا وتتغوت..حتا تخلعات نفس وبدات تتبكي عاد حطاتها نازلي تضحك..
سمعات صونيت هبطات تتجري..حلات لقاتها آيشا..وجها صفر وتحت عينيها زرق..هازا ساكها ولابسة دجين وتيشورت واسع قصير تتبان كرشها منفوخة من تحتو قربات تدخل لشهرها السادس..
نازلي: شوشو..دخلي دخلي..مالكي تاني نوضتيها نتي وخالد..
آيشا دخلات طلعات ديريكت مهدراتش..
نازلي ضحكات وهي باقا تحت تأتير الفرحة وتتسنى غدا باش تمشي للطبيبة تأكد..
طلعات ورا آيشا لفاتها غالسة فوق ناموسية..
آيشا: اهياتا نتي واش لي جا عند تتصتادفيه فبيت نعاس..مكاينش لي مدخلش لبيتك..
نازلي هزات كتافها: تانتي بيت نعاس بحالو بحال صالون بحال الطواليط..المهيم هو الاستضافة..عاوديليا مالك ..شكون جابك..
آيشا: جابني علي..تخاصمت أنا وخالد نوضنا وجرني علي جابني عندك..خرجت بلا جاكيت😭😭خالد تيخوني..
🛑🛑🛑🛑
*نازلي تصدمات ودارت يديها على فمها❌
*نازلي نفاجرات بالضحك ✔
🛑🛑🛑🛑
نازلي دارت خخخخخ..وهي تنفاجر بالضحك..
نازلي: بلاتي خالد راجلك..تيخونك..شوفي نهدروا بوااااقعية ومتقلقيش..دبا اه هو همة وشان ..تتشوفي الوقفة والتغديرة والوجه والوسامة واللباس تغولي هنا نبات..ولكن راه بمجرد ما يحل فمو..داكشي كاملو تيتبخر..راه عندو حزقة فراسو ماشي حتا خرية..راه والله متدور حتا فراسو..واش منيتك..راه واخا عاطي العين..وتشوفو شي وحدة وتجي عندو باش تغريه..شتي غير غيحل فمو غتختافي ديك السيدة..حيت كمية الغباء والسداجة عندو اووووووفر..راه نتي تتغولي شي حاجة مستحيييلة والله..مزال تغوليليا شي واحد خر نغول اقدر غرو الشيطان الى داك الدب تاعك راه مستحيل..غير تهناي منين جبتي هاد الهدرة..
آيشا: شميت فيه ريحة تاع البارفان تاع مراا
نازلي:هههههههه غير شكيتي على والو غير تهناي..سمعي نغوليك الجديد..
آيشا هزات نفس تتلعب معاها.: اشنو..
نازلي: انا حاملة..
آيشا حلات عينيها وتصدمات..
نازلي تتسناها تجاوب..ولكن آيشا تبلوكات..
آيشا: واش من نيتك..البنت باقي عندها 3 أشهر ونتي حاملة..علي فخبارو؟؟مغيبغيش اصاحبتي..
نازلي:ابغي ولا ميبغيش..انا بغيت نتابعهوم ونتا هنا علا الله يكون دري باش نتهنااا
آيشا: نتي مسطية بحرا تكافاي مع نفس ونتي زايدة بواحد آخر..
نازلي: نازلي ولفات باها فهاد شهورة لي غلس فيهوم..مكتفيقش بليل..قلييل..الحمد الله متتمرضش بزااف..وحتا البكا متتبكييش بزااف..بمعنى مناسبة باش نعاود نحمل باش نشد 4أشهر تانا..ونكبرها بيدما دير ديك 8 أشهر تولي تتاكل ونفطمها وديك الساعة نبدا نخليها لخالتي زهرة ..اصلا هي موصياني غير يرجع علي للخدمة نبدا ندوزها ليها..تردليها البال..المهم انا حاملة..الى غوت ولا غال شي حاجة غنخليه حتا يسالي..ونخلوا..راه غيرضى بالأمر الواقع...اري بعدا داك تيست نغبرو ..غدا غتمشي معايا بعدا للطبيبة..
آيشا: امري لله..الله يدوز هاد ليلة على خير..
نازلي: دراري غالبا غيتعطلو ..نوجد شي حاجة ناكلوها ونغلسو نتفرجو..
آيشا: مشاو للكلوب..غيتعطلو..
نازلي: اااه..اوا نقاد البوبكورن ونجي..عينيك على نفس ..تمام؟؟
آيشا:كوني هانيا..
هبطات نازلي تتقاد فالغلية فرحاانة..
#يتبع