❄️نفس واحدة تكفي❄️

16

🌍نفس واحدة تكفي🌍
-16-
مطعم تيطل على البحر..غالسين كاملين..كل واحد قدامو طبقو ومجمعين وتيضحكو..نازلي تضحك مع خالد لي توالماات معاه وتاهوا جابليه الله وحدة هبيلة بحالو ..تدير ليه الخاطر ..وتسمع ليه ولتخربيقات تاعو..بقاو كيعاودو ذكريات طفولتهوم..وآيشا كتعاود على مغامراتها مع عمر..وعلي تاهوا تيضحك ويهضر مرا مرا..وتأكد بلي خدا نظرة خاااطئة على نازلي..هاد الأخيييرة لي مهزاتش العين فيه..مشافتووووش..بحالا مكاين غاع..قاطع هدرتهوم وضحكهوم..تيلي تاع نازلي..كان باباها..
نازلي ناضت: سمحوليا..
ناضت تتجري جهة تاع الباب
نازلي:بابا..
الأب: نازلي فينك ابنتي..
نازلي: كنتغدا مع شي ناس.
الاب: جا عندي واحد الراجل..وعلمني بكولشي..واش نتي مرتاحة..
نازلي شداتها البكية بنبرة صوتو..بحال إلا تيغوليه متقبليييش أنا مساخييش بيييك..: مرتاحة ابابا..هادا حلمي ملي كنت صغيرة..تحت ناموسيتي عامر بكترمن 150 رواية بوليسية..بابا حبيبي أنا مغاداش نموت ..أنا راه دخلت لعالم جديد..عالم كنت من ديما باغا ندخل ليه..
الأب: صافي ملي غلتي هاكا..ندعي معاك ربي يسرليك ويبعد عليك أي شر..حتا ترجعي وندويو..
نازلي:واخا بابا باي باي..
قطعات معاه وبقات تتشوف شحال وتتفكر فباباها..حتا رتاحت..وهي ضور لقات علي داير يديه فجيابو..قفزات حيت خلعها..ويلاه بغات تفوتو وترجع لطبلة..وقفاتها هدرتو..
علي: ممكن جوج دقايق من وقتك
نازلي فكرات تزيد وتخليه..ولكن فكرات توقف وبطيبتها غادي تكون غلباتو:وي
علي: ممممم احم احم..سمحيليا على هضرتي الصباح..انا كنت..
نازلي قاطعاتو: انا نسيت الهدرة تصباح..مكنهزش فبالي أصلا..غير هو نبغي نغوليك الفرق بيني وبينك..أنا حسيت بيك من البارح محاملنيش..وجيتيني متكبر..وبزااف ..محملتش كراكتيرك..ولكن مغلتها لحد..حتا من راسي غلتليه بلي ممكن باقي معرفتوش كيداير..منظلموش..عكسك نتا..لي غلتيها نيشان وكون غير غلتي شي حاجة كاينة..كولها غير هدرة خاوية وصافي..ولكن هانية..(تحركات باش تمشي للطبلة ورجعات عندو) وكون هانيا..عمري نوصلك ولا نأديك ولا نحاشيها ليك أصلا ..دبا ودايراك بحالا مكاينش غاع..(ضربات فيه ودخلات )
علي بقا مصدوم مسح وجهو بيديه وبقا واقف شوية وتبعها..هي لي عمرها توقعات شي نهار تخاصم مع شي واحد..من ديما هي مسالمة..رجعات للطبلة تضحك بحالا مطرا والو..دغياا نسات هدرتها هي وياه..علي رجع باغي يتفرغع..حس بتأنيب الضمييير وبلي جرحهاا..
بوراك: يلاه تهزو قدامي للسبيطار..
آيشا : واش نازلي غدير تحاليل
بوراك: اه..
تحركو بعدما خلصو..والوجهة المستشفى الكبير..وصلو ودخلو الفريق مشاو تشتتوا باش يشدو البيرمانونص تانيي..اما بوراك مشا عند طبيب تماك وراه لا كارت وهو دار اتصالات ..وجات ممرضة داتهوم معاها لبلاصة تاع التحاليل..
بوراك: نازلي نتي سيري أنا غنتسناك هنا..
نازلي:تمام..
دخلاتها الممرضة غلساتها فوق كرسي..
الممرضة: ممكن تحيدي تجاكيط تهزي الكم..
حيدات نازلي بابتسامة الجاكيط و هزات البودي من يديها تال المرفق..ومداتها ليها..دارتليها لاستيك الفوق وخشات البرا وعمرات جوج قارورات صغار تزاج..
الممرضة:الى حسيتي بالسخفة غوليهاليا..غنعيط لطبيب يجي يفحصك..
(المهم حتا كتبت عاد رويت بلي التحاليل كيدارو قبل الماكلة..مي هانية .🤣🤣🤣🤣)
جا طبيب نعسها فوق البياص و قلبها كاااملة من القلب لباقي لأعضاء لعينين لودنين..كولشي المهم..فحص كلي..عمر الورقة لي غيعطيوها لبوراك.. جابت الممرضة ألة باش تيعبرو السكر وألة باش تيعبرو الضغط..عبرات وقيدات..
قادات حوايجها..وهزات تجاكيتها فيديها..وخرجات هي والممرضة عند بوراك
الممرضة:رجعوا فالعشية غتلقاو التحاليل موجودين
بوراك:تمام شكرا
خرجات نازلي مع بوراك والوجهة المقر
(مغنديش مع الطبيب والصبيطارات..دونك غييير رضاو على هادشوي تالمعلومات لي عندي😂😂)بعد دقائق🕒🕒 كانت 15:00
نازلي غالسة فغرفة شبه مظلمة مربوطة بعرام تسلوكة.مربوطين بجهاز كشف الكذب ..وقدامها رجل أربعيني ..بكومبلي وتيشوف فعينين نازلي..كيحاول يوترها ..باش ملي تبغي تكدب تبدا تاتفتف..أما نازلي مفرشة فالكرسي معلا بالهاااش..
الرجل: بدينا
نازلي: بدينا..
بدا رجل كيسول نازلي.أسئلة عامة وحتى شخصية..أسئلة تيستافزها فيهوم ..كتعصب ولكن بالزربة كترجع لابتسامتها..مجاوبات بحتا سؤال بالكدوب..بعد ساعة..حيدليها السلوكة من جبهتها ويديها..
الرجل: تشرفت بمعرفتك..
نازلي : حتا أنا..
الرجل قيد التقرير ودار ملاحظاتو..لي كانو ايجابيين..وعطاه لبوراك لي كان برا ..وزادو فالملف تاع نازلي..
بوراك:دبا بقا لينا القَسَم..وغيخصنا نمشيو عند السيد مراد..شوفي واخا يجيك عصبي وماشي بشوش وتيخنزر..ولكن راه ضريف..
نازلي:هههههههههه واخا
مشاو حتا وصلو لكولوار في الصمت هو سيد المكان..دقوا لباب ودخلو..مكتب أسود فيه كرسي تاع الجلد غالس فيه راجل أربعيني مكشر..فوق راسو كادر فيه صورة تاع أتاتورك..وبزاف الطبلوات حزينين وغالب فيهوم السواد..
مراد:هادي هي لي غلتي ليا
بوراك:اه.
مراد:صاف خرج نتا برا
خرج بوراك وهو حابس ضحكة
مراد:سميتك؟؟
نازلي:نازلي
مراد:وقفي
مراد جبد مصحف متوسط منقوش وشكلو زوييين..حطو قدامها
مراد:حطي يديك ليمن فوقو
حطات يديها وبدا كيغول القسم وهي كتردد وراه حتا سلات هزات المصحف باستو وعطاتو ليه..
كل دولة عندها نص تاع القسم خاص بيها..فيه بلي غنقسم باش نحمي بلادي..وعمري نخونها ..وعمري نديرليها الأذى..وبحال هاكا..من بعد جبد ليها ورقة حطها قدامها وحط ليها ستيلو وديك الباليط باش تيطبعو..باش تبصم بيها....هزات نازلي الورقة لي كانت مكتوبة بالتركية تتقرى فيها..
كان مكتوبة فيها:
أنا الموقعة أقسم بأن أصون وأحمي هذا البلد..وأن أبعد كل أذى عنه حتا لو كانثمنه حياتي..وأن أضحي بروحي من أجل وطني وأن لا أخون بلدي ولا أسرب أي معلومات سرية
وأوافق على كل العقوبات المطبقة في حالة خنت قسمي
(معنديييييش مع الانشاء أصلا عمرني كنت استخباراتية باش نغوليكوم أش كاين فالورقة🤣🤣)
سنات بزربة نازلي..وبصمات وعطاتها لمراد..لي ناض طبع الورقة فآلة الطباعة لي حداه ..عيط لبوراك عطاه الأصلية واحتافظ مراد بالنسخة..ودعوه وخرجو..ودييريكت لمكان آخر عامر ببنادم وكولشي خدام ..عامر بالحواسب وشي آلات خرين..وكولشي خدام..تواحد متيشوف فحد..
بوراك:سلام عليكم..
جاوبوه: عليكم سلام
بوراك:ديمير..هادي نازلي ..هاهوا ملفها..خود البصمات وشيفرة تالعين والمعلومات من هنا وغدا نلقى لاكارت تاعها موجودة..ونلقاها داخلا فسيستيم .نازلي هاني برا..(حط الملف وخرج)
ديمير:تفضلي..هانتي هاد الآلة غتاخدليك البصمات..ملي نغوليك حطي يديك فالشاشة حطيها..حطيها
حطات نازلي يديهافالشاشة وبدا تيدوز خط خضر عليهوم حتا طلعات عند ديمير فالبيسي بلي تسجلو بصماتها..
ديمير:أجي معايا..قابلي وجهك مع هاد الشاشة..قابلات وجها مع آلة وحدة خرا حتا تسمعات بيب..بمعنى تقبلات شيفرة..
هز ديمير الملف..فيريفيا المعلومات الضرورية..
ديمير : صافي غدا لاكارت تاعك تكون موجودة..مرحبا بيك معانا..
نازلي: شكراا😊😊
خرجات عند بوراك
نازلي: صافي ساليت
بوراك : تمام دبا 18:00 ..اجي معايا المكتب باش نشرح ليك شي حوايج..
نازلي: تمام
مشات معاه..دخلو المكتب غلسوا
بوراك: أول حاجة أي واحد كبر منك فالغراد..خاصك توقفيليه باستقامة ملي يدخل ولا يدوز من حداك..تانيا: اي حاجة وأي معلومة هنا فالمقر مخاصهاش تخرج ..زعما حتا باباك مخصوش يعرف..ماشي باباك غيفضحنا ولكن للحيطان آذان..المكان تالمقر مخاص يعرفو تواحد...ملي تكوني جاية ردي البال لجنابك لايكون وراك شي واحد..تالتا لاكارت ديما فالجيب ماشي فالصاك..
بقا بوراك كيهدر ويشرح..ويحطها فحالات ويعطيها الحلول لي خاصها دير..وصلات 20:00 ومشات عند القائد خدات الاستقالة تاعها..وودعات القائد وخرجات مع بوراك لي وصلها للدار ورجع هو للمستشفى باش يجيب الشهادة الطبية لي تتبين أنها خالية من أي مرض ..
رجعات نازلي للدار وهي عيانة..13 ساعة وهي تتجارا..لقات باها موجد الغوتي..غلسات معاه شرحاتليه باختصار وتاهوا تفهمها..طلعات لبيتها بدلات وعمرات ساعة..ونعسااااات😴😴
#يتبع
هانتوما زيدكوم هادااا❤❤