❄️نفس واحدة تكفي❄️

85

🌍نفس واحدة تكفي🌍
-85-
داز شهر على ديك ليلة..رجعات فيها نازلي هازا ميكة تاع المحار بعدما قنعوها بلي البربوش بحالو بحال المحار..وملي كلات المحار عجباتها الحموضة لي فيه وهي تولي كيلات منو..رجعو للخدمة..لي ولات كتيرة ..نازلي تتبقى فالمقر ولا الادارة ...وحتا القائد عاطيها من دبا حتا دير 6 أشهر وتحبس حتا تولد وترجع تاني..علاقتها مع علي ولات ديما الاعصاب والغوات ..علي كيحاول يصبر ويضحك معاها..ولكن هي ديما شاعلة..وشحال من ليلة تتجري عليه من لبيت..كيحاول يدير ليها خاطرها واخا هو تيبقى بلا خاطر ..ولات تتشد معاه الضد وتتفقصو..وشي مرات تيجيها الحنان عليه ..تيكون غالس حتى تتلاح عليه بالبوسان وتبدا طلب السماحة..ونهار مشاو عند الطبيبة شرحات ليه بلي داكشي عاديي..
اليوم تندهوم اجتماع..مجموع على الطبلة..هي جامعة شعرها لي طوال ومخلاهاش علي تقطعو..لابسة سروال سليم وتيشورت سماطي وجاكيت وكونفيرس..مكحلة عينيها ودايرا غلوس..وغالسة بجدية..كيفما البقية قدامها علي..
القائد: الخلية الارهابية تاع القنابل الحية راه تتكبر..(القنابل الحية ..هي انسان متطوع كيديرو ليه قنبلة وتيلبسوها ليه على شكل جيلي..وهو تيتحرك حتال لبلاصة لي خاصو يفرغع وتيفرغعها..وتيتفرغع طبعا حتا هو معاها) وخاصنا نتحركو..لقينا معلومات تتغول بلي شي ناس كيجيو كولا نهار لواحد الدار كاينة فحي مهجور..وتماك تيكونو غير الشماكرية ..هادشي باش غنكلف عمر وخالد باش يمشيو يكتاشفو البلاصة ويتأكدو..غيكونو معاكون ناس خرين من فرق خرين..اما بخصوص حلمي وحسن(البوص) راه دازوا على المحكمة وتنقلو للسجن..البوص لاوال راه تحت المراقبة..مراقب من طرف رجاالنا..حيت كاينين خونة فالحراس تالسجن ..واقدر غدا ولا بعدو ..غيخرج القرار تاع المحكمة باش نخرجوه نديرو معاها تحقيق..نازلي آيشا غتكلفو..البراة المعلومة غتوصل غدا من اسطنبول..نبغيكوم دغوها ليه بغيتو يغول كولشي بحال البلبل..باش نقدرو نلقاو راس الخيط قبل منصدقو فشي مصيبة..اما علي و بوراك نتوما غتكون خدمتكوم مع حكيم و فوزي باش تخرجو ضواسا تاع بزاف تاع السميات دكرهوم حلمي ..خاصنا نتعرفو عليهوم..الا مكاين حتا تدخل امكن ليكوم تفضلو..
خرجو كاملين وكل واحد مشا لخدمتو..وملي وصل ليل ..تشتتو لديورهوم تيتسناو غدا لي غيكون بداية تاع فصل جديد فخدمتهوم..
دخلات نازلي ديريكت للبيت حيدات السبرديلة وتلاحت نعسات..علي خلاها..طلع تاهوا بدل وبدل ليها وتخشا حداها..يلاه باغي ينعس وهي تفيق هي ..
نازلي: بغيت شوا..
علي: نتي راه ولفتيه كل ليلة..
نازلي: راه تيعجبني..
علي:نازلي حبيبتي ..حنا فين كنا ..فالخدمة..انا راسي بغا يتفرغع..خاصني نعس وحتا نتي ..حيت عندك نهار عامر غدا..هاباش تانتي غتنعسي..اصلا بحرا كليتي ويلا زدتي الشوا غادي تردي كولشي..هاباش غادي تنعسي وغدا الصباح نديك نفطرو برا فاي بلاصة عجباتك والغدا نسيفط لي يجيبليك شوا..تمام
نازلي عطاتو بالظهر ونعسات ..بلا متجاوبو بلا والو وتاهو نعس..
7:00 تاع الصباح..
ناضو دوشوا ولبسو وخرجو يفطرو..ومن تماك للمقر..
بعد الاجتماع الصباحي..تشتتو لخداميهوم..عمر وخالد هزو سيكانهوم وسلاحهوم والرصاص ولبسو جيليات من تحت الكابيشونات.
وتحركوا فلوطو وحدة خرا للوجهة ..
آيشا ونازلي مشاو للادارة بعدما علموهوم بلي جابو البوص..هزو لبرا والعمارة تاعها ومشاو..وخلاو علي وبوراك والدراري غارقين وسط الوراق..
دخلو لبنات حطو سلاحهوم ودخلو للغرفة كان البوص دايخ وراسو مدلي..دارت ليه نازلي البرا وغلسات هي وآيشا تيتسناوه يفيق..
دازو دقائق..حتا بدا تيحرك راسو وتيضحك..
البوص: هههههه انا لي غلتليهوم قتلوها هههههههه حرقت قلب باها هههه كيما خرق قلبي ههههههههه قتلتها كيما قتل حبيبتي هههههههه..
#توقعاااااتكن..اش غيكون داير هاد البوص؟؟
❌❌البراة راه بالصح كدار فالماكلة ولي تيدغها كيولي بحالا سكران تيبدا يغول كولشي وميقدرش يحبس راسو..طبعا هي غاااليا وممتوفراااش بزااااف باش يدغوها لكولشي..كتدغ فقط لدوك المجرمين لي راااافضين يعتارفوا..وكيكون الاعتراف ضروري وصاف❌❌
#يتبع