🌍نفس واحدة تكفي🌍
-4-
وصلات هبطات هازا تيلي و السوارت مغطية نصف راسها بالقب و نصف لاخر تيضرب فيه نسيم المساء لي خلاه يتنفخ و يتبوكلا حيت كان فازغ..دخلات وكيف ديما الصداع وبنادم كتير غلسات فالكراسا لي حدا الكونطوار وطلبات عصير بدون كحول حيدات الكويرة وهزات كاسها وبدات تدور عينيها تتشوف شكون حاضيها ..
طبلة زجاجية دايرين بيها ليفوتوي غالسين 3دراري بلباس شبابي تاع مالين الفلوس😒و بنت هازا رجليها فوق الطبلة ومتكية على واحد من الدراري لي شادا هي وياه الجماعة..بينما اونفاص ليهوم غالسين جوج لخرين دايرين رجل على رجل وكيهدرو فخدمتهوم ومهمتهوم الجديدة..
.....:(بالتركية)خالد(الدري لي غالس حداه)ديك ختنا لي متكية لهيه من صباح وهي تتشوف شوفات فشي شكل..
خالد:مولات الكابيشون الكحل؟
.....:اه..دخلات فيا شك..عنداك تكون..
خالد :والا عاوتاني ا علي..متغولهاش..مفياش تاني لي يبدا يتحارب وفلخر يصدق مواطن عادي وحنا مكبرين الموضوع.
علي:لا هادي عندها شي بلان..متأكد شوفاتها تاع شي واحد لي عارف كولشي..شوفاتها قاسحين..ياك ا عمر
عمر:تانا لاحظتها عينيها محيداتهومش علينا ملي دخلات..الا كانت وحدة منهوم فراه علنوا الحرب لي غيخرجو خاسرين منها اصلا..
البنت:(بالدارجة)لالا زيدو برحو مزال باش حتا ها القوم لي ضاير بينا يعرفكوم..واش تيتسحابكوم غالسين بوحدكوم..راه الا كانت هاد ختنا منهوم راه فعايلها يجبدوها غير طمرو
عمر:آيشا عندها الحق..غلبوها دارجة حسن و ختنا نخليو عينينا عليها الا كانت شي حاجة راه نعلموهوم و لي جانا فالاوامر غادي نطبقوه...
فهاد الاثناء نازلي لي كانت حاضية ليبس تاعهوم لي قدرات تفهم هير شي كلمات عرفات منهوم بلي تواركة..يلاه بغات تغلب عينيها لقنت اخر وهي تشوف بلي البنت لي معاهوم كتهدر بالدارجة بقوة الصدمة والفرحة دارت شافت فيهوم شوفة تاع وااااو حتا نتوما بحالي..كانت غتنوض تسولهوم..حيت قليل فاش تلقا شباب مغاربة فتركيا حاكا مجموعين..
دخلات زينب لي كانت تاهيا لابسا بحالها
زينب: ويلي مالك مصدومة
نازلي:مغاديش تيقي..
زينب:اشنو طرا فغيابي
نازلي: هانتي ضوري نغوليك..(ضارو جهة المشروبات لي مستفة فالحيط)غضوري بلاما تعيقيي ياك غتلقاي كليكة فيها 3دراري وبنت ..تاهوما مغاربة ..
زينب: هاااه باش عرفتي
نازلي:من ليبس تاعهوم..
زينب:بلاتي نضور نشوف
نازلي تتحسب ليها باش ضور. 1 2 3 دارت زينب ضورة تاع التران ..شافتهوم مزيان حتا شافو فيها و عرفوها شافت فيهوم ودارت عند نازلي..
زينب:جاوني زوينين على انهوم يكونو مغاربة ..خصوصا مول الكحل..حتا مول الحمر زوين..وحتا مول تريكو خزي لي مطلع شعرو الفوق بوغوس
ضربات نازلي على جبهتها :درتيليهوم سكانير..
زينب هزات كتافها ورجعات دارت مي ضورات وجها مبقاتش شافت فيهوم باش ما يتسحابهومش بلي تزعطات فيهوم زعما واخا هي دارت فيهوم الشوفة تاع بحالا غالت ليهوم فكمارتهوم نتوما زوينين😂😂..دارت حتا نازلي..ورجعات لنظراتها..وهي كتحس براسها بوليسية كتحاول تقرا نظرات المجرمين..وهي عايشة الدور على الآخر..ومخنزرات زادو أكدوا شكوك ديك الرباعة..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
