❄️نفس واحدة تكفي❄️

72

🌍نفس واحدة تكفي🌍
-72-
كمال: كتخدم معاااك؟؟كيفاش حتا هيااا...؟؟
علي: اه..
كمال: ههههههههههه اوا مزيان دبا..مزيان باش بعدا غتكون عارفة خدمتك وظروفها..
نازلي: علاه مالها كون مكنتش خدامة معاه..
كمال :الا مكنتيش خدامة معاه غادوزي من التجربة تاع تقة..ويقدر تغولي كولشي ويقدر تستريه..ويلا سترتيه..مع الوقت مغتستحمليش خدمتو..نتوما عارفين ظروف خدمتكوم..
علي : عرفنا عرفنا الواليد..دبا ملي سبق وحضيتيني تاني..امتا غنمشيو نخطبوها..
نازلي: يرجع بابا بعداا
علي: امتا راجع.
نازلي: اقدر غدا واقدر نهار لي بعدو ..ويقدر اليوم..بابا مكيعلمش ..اقدر فاي لحظة يبان..
الام: اااااا شرفااااا شتكوم تتبلانيو..انا اش بنت ليكوم..
نازلي: سميتك بعدا امادام..
الام: سميتي أسماء.
نازلي: مادام اسماء..سميتك حتا هي زوينة
أسماء :شكرا ابنتي..تانتي زوينة..
نازلي دورات وجها: عارفة..
علي تيشوفيها كيفاش تتلعب يواليديه..: نوضي تهزيي نوضييي..الواليدة ..الواليد ..غنتعشا عندكوم وندويو فداكشي..
ناضت نازلي تتبتاسم ليهوم..هما عجباتهوم شخصيتها..
خرجوا ركبوا ومشاو ..
علي: ناري نتي عافياااااا
نازلي: اوا هانتا خرج الطرح سااالم..
علي: سمعي المفيد دبا..غيجي باباك..وغنديرو خطبة وعقد..ومن بعد نديرو العرس ..ولا منديروهش لي عجبك
نازلي: اييه زيد زيد..شي حاجة خرا؟؟
علي:مالك
نازلي: سمع غنديرو خطوبة غيحضرو فيها غير القراب..والعرس غنديروه مع بوراك وزينب..وتماك غنديرو احبيبي العقد..سمعتي ازين..
علي سكت تيفكر..لقا بلي بوراك غال داك النهار بلي العرس ورا شهر..
علي: تماام..
نازلي : اوا دبا تافقنااا..
مشاو للمقر..
######بعد أسبوع..
أسبوع رجع فيه بابات نازلي لي صارحاتو بالموضوع وتاهوا فرح..
اسبوع عرضوا فيه على صحابهوم ..آيشا خالد عمر بوراك محمد زينب نور ايدا حكيم فوزي والقائد وطبعا زهرة وراجلها..حيت زهرة فمتابة امها..
اسبوع داز حتا فالخدمة كولشي داز على المحكمة وتحكمو ودخلو للحبس..وهاكا تحبسات العصابة الكبيرة تاع الاختطاف والاغتصاب والمتاجرة فالاعضاء..وحتا المانيا شدات المجرمين تاعها..
اسبوع دوزاتو نازلي في سماع الهدرة من عند زهرة لي شداتها هاد سيمانة..باش تشبعها نصائح..

وجاء يوم الخطوبة..
بابات زينب غالس مع بابات نازلي بالكوستيمات..ومعاهوم محمد بالقميجة ودجين..اما زهرة بكسوة حد ركبة فالغرونة والشعر مجموع..
زهرة: اوا هانتوما الله يرضي عليكوم بلا شوهة..
نازلي:غير ميجيش بوراك بسروال توب قصير غنكونو بيخير..
زينب:😂😂😂 اهياتا لهلا يحييك راجلي هاداك.
نازلي: وحيت راجلك تخايلتو فديك الوضعية وجاني الضحك..
زهرة:صافي سكتوني..نازلي كون بدلتي هاد الحالة
كانت نازلي لابسة كسوة بيضة مزوقة بوريداو زرقين..كولها فرفارات ومجموعة من اليدين..ودايرة شي 7 تاع السناسل ودايرة عقيق فيديها..ولابسا صندالة طالون زرقة..
نازلي:مالها حالتي..ياك جبدت كسوة كحلة غلتي لاا..اوا راه هادشي لي عنديي..
زهرة: هادي ماشي تاع الخطوبة..
نازلي: ااااه عطغولي بغيتيني نلبس البيجامة ياااك..ونهبط عندهوم ونهبط راسي زتما حشمانة..
زهرة:😑😑😑😑😑 ديري لي عجبك..
تدق الباب مشا محمد حل ..لقا القائد والدراري كاملييين..لي معروضين..دخلوا للصالون لي كان مغربي 100% وبقاو تيهدرو..وايدا غالسة حدا عمر لي تيهدر وهي غاعما بالها معاه..
عمر: هيهو..
ايدا: نعام..
عمر: مسمعتي تاحاجا..
ايدا: لا كنت ساهية..اشنو غلتي...
عمر: فاش منتي ساهيا..
ايدا: والو غير فالصالون وفالاجواء تاع الخطوبة..
عمر: اييه وامتا تانا نجي نخطب..
ايدا: كدوي بصح..
عمر: طبعااا.
ايدا : ههههههه