❄️نفس واحدة تكفي❄️

30

🌍نفس واحدة تكفي🌍
-30-
داز أسبوع على الخرجة لي خرجات مع علي..
سيمانة دازت مميزة عند كولشي..ناقص فيها الضحك والنشاط والألوان..كولشي أثر فيه المزاج الجديد تاع نازلي..التغير المفاجئ ديالها..بعدات على كولشي باش تبعد على علي..حيت الا بعدات عليه بوحدي غتجي مفروشة..علي لي شحال من مرا حاول يهضر معاها تتجاوبو بكلمة وتخليه..دار احتمال تكون لي غيغل لي بدلو ليها المزاج وخلاها على راحتها..مبقاتش كتدرب معاهوم ولات تتمشي غير للحصص تاع السلاح..لي ولات تدوز فيهوم أغلب الوقت..وفظرف أسبوع ولات تتقن الضربات وتتحدد بعينسها وتجيبخا هي هاديك...آيشا شحال من مرة حاولات تقرب ليها وتهدر معاها..ولكن واااالو.. تتسالي معاها الهدرة بالزربة وتخرج..مهدراتش مع زينب هاد الأسبوع ديما طافيا تيلي تتجاوب غير باباها ..أسبوع داز ممل..
🌞🌞🌞 صباح جديد..
كولهوم مجموعين فالغرفة تاع المقر..
القائد: جمعتكوم هاظ الصباح باش نغوليكوم بلي سليم أخيرا هضر..
عمر:وايلي..وأخيييرا..
القائد: بوراك بقا معاه حتا هضر..والحمدالله هضر فالوقت المناسب..
خالد:كيفاش زعما..
القائد: سليم عطانا واحد التاريخ فيه غياخدو بزاااف تاع الدراري ويديوهوم لألمانيا باش يستاغلوهوم ويبيعو أعضاءهوم..
خالد:غيمشيو فطريق البحر؟؟
القائد:طبعااا..
علي:التاريخ شنو هو؟؟
القائد : 23/4
عمر:هاد لاربعاء ..اذن خاصنا نوجدو راسنا..
القائد:غتخرجو نتوما والفريق 3 و 4 وطبعا غيكونو البوليس..والقوات الخاصة..والاسعاف على ود الا طرات شي حاجة الله يستر..
خالد:تمام..
القائد:ونازلي غتخرج معاكوم..عطاونا الرخصة باش تخرج تاهيا وتولي عندها الأحقية باش تهز السلاح..
آيشا:اووه واخيرا..
نازلي بتاسمات ورجعات لتخنزيرتها..
القائد: صافي هادشي لي كاين ..بوراك غيعطيكوم ديطاي ملي تجمعوا نتوما والفرق لخرين ..
وقفوا وداروا التحية وخرجوا..علي كان غادي يدوي مع نازلي..ساعة صونا ليها تيلي ومشات بعدات جاوبات..
نازلي:الو
زينب:انا كتجاوبيني بالو..
نازلي: زينب ..راسي ضارني وانا فالخدمة ...واش باغا شي حاجة؟؟
زينب:😨😢 نعااام..سمحيليا اختي على ديرونجمون باي ..
قطعات زينب وهي نبرتها تاع شي واحد باغي يبكيي..اما نازلي غلسات لأرض شادة راسها..محملاش راسها عمرها غوتات على صاحبتها ونهار غوتات كان بسباب مزاجها لي غيرو واحد بحرا شهراين باش عرفاتو..وعرفات بلي زينب غيبقا فيها الحال..
وقف تفكيرها صوت بوراك لي عيطليها على ود الاجتماع..دخلات هي لخرة لقات الفرق كاملين غالسين ..مشات غلسات وهي مرفوعة شي تسمعو وشي لا..
بوراك: صاف هادشي لي كاين وهاد الوراقي راه غتلقاو فيهوم كولشييي بالتفصيل ...يمكن ليكوم تفضلو..
وقف كولشي باش يخرجو..وجا علي عند نازلي لي تتجمع الوراقي وتتفكر..
علي: نازلي بغيت ندوي معاك..
نازلي: متفرعش ليا كريي الله يرحم بااك..
علي:🤨🤨🤨..ولاش تتخسري فالهدرة..
نازلي غوتات بجهد حتا دار كولشي تيشوفيها: نخسر الهدرة ونفوت..اوا دوور قود فيحالتك ومتفرعش ليا كريييي..
كولشي تيشوف فيها..طبعا تواحد مفهم من غير عمر وآيشا وخالد..لخرين مفهموش ولكن عرلوها سبات غير من ملامحها ونبرة صوتها..
علي محملش راسو تسبو قدام كولشي وتهز صوتها عليه وهو أصلا كان معصب وغوت تاهوا: نقصي صوتك وهدري بأدب ولا غتندمي..
الدراري عرفوها غيقلبوها صباط ودخلوا..
عمر: نعلو شيطان كولشي تيشوف فيكوم..نازلي نتي مولات العقل
قاطعاتو: تلاح تقود نتا وياه..الله ينعل الزامل بوكوم كاملين وبو لي وصلني لطريقكوم..قلاوي كيداير..ميبداش شي قواد فيكوم يحكم فيا ويغوليا ديري ولا سكتي..
نازلي جعرات ولات غير تدوي وتسب ..حتا سكتاتها تصرفيقة خلات فمها يتجرح وينزل منو دم..كولشي شهق ودار يدو مصدوم من التصرفيقة..
علي: هادي باش المرة جاية تعرفي اش تتغولي قبل ما تسبي..تتسبي فواليدينا ..معرفتي لي ميت من لي حي..وجيتيني بنت اما كون ضربتليك داك الفم لي حالة هنا علينا ونهبطك تجمعي سنانك ديك ساع..#تتمة
خرج علي معصب ..محس براسو امتا هز يدو عليها ..تبعو عمر تيجري..بوراك لي مفهم حتا كلمة من غير انهوم معصبين من بعضيتهوم والتسرفيقة..مشا شدها وغلسها وهي مصدومة كيفاش حتا هز يدو عليها..علي لي كان كيديرليها بحال البنيتة الصغيرة..متوقعاتش اضربها..غلسات وبدات تتبكي بعدما خرج بوراك كولشي ..وبقا غير هو وياها..ما دواااش خلاها تتبكي على خاطرها حتا سكتات بوحدها..
بوراك: باغا تدوي ولا تعاودي ليا!!
نازلي:بغيت نمشي للدار..
بوراك: واخا سيري..الا كانت شي حاجة غنصونيليك..
نازلي: شكرا..وسمحليا على الصداع لي درت..
بوراك: نستي ..سيري رتاحي..مبغيتش نهار لاربعاء هاد نازلي ...بغيت لخرة..
بتاسمات ليه نازلي وخرجات نازلي وجها حمر ومنفوخ..والتسرفيقة مطراسية فوجهها..خرجات من طريق الباركينغ وتتزرب بغات امتا تخرج من هنا وتمشي للدار..خرجات للباركينغ..لقات علي غالس فوق طوموبيلتو وخالد وعمر وآيشا دايرين بيه وكيهدرو ..خرجات جهة طوموبيلتها..ومداتهاش فيهوم ولا فتعياطهوم ..ركبات وكسيرات..حتا خرجات من الباركينغ..
عمر: بففففف..مدرتي فيها ميصلاح ..هي معصبة ..خليها ديك ساع وخرج ..لاش صرفقتيها..
علي: كون مسباتش فلخر كنت غنمشي ونخليها..اصلا محسيتش امتا ضربتها...ومسمعتيها اصلا تتخسر فالهدرة وتتسب فواليدينا..
خالد: واخا هكاك..حنا كاملين عارفين عندها شي مشكل خلاها معصبة..
آيشا: صرااحة كان عليك تكبر عقلك وتخليها وتمشي ماشي ضربها..معرفناش اش لي خلاها تولي هكاك..
عمر: بلاتي بلاتي..دبا خليونا منها..عاودلينا نتا مالك..
علي دور وجهو: مماليش..
عمر: عاود بلا منبدا نسب تانا..
علي:...
فلاش باك🔙🔙
خرج علي فلعشية ومشا عند سيلين لدارها بعدما عيطات ليه باش يجي ضروري وصل عندها ودخل..
علي: حبيبتييي
سيلين: علي انا فصالون..
علي عنقها من لور..توحشتك بزاااااف..
سيلين مبادلاتوش العناق ..حدها بتاسمات..
علي غلس وتسرح :هاني فاش غندويو..
سيلين: احم احم..خاصنا نتفارقو..
علي تجمع وغلس مقاد: كيفاش..
سيلين: بغيت نتفارقو..نفسخو الخطوبة..(حيدات الخاتم) وهاهوا خاتمك..
علي مصدوم: بلاتي ولكن علاش..
سيلين: نتا ظروف خدمتك مزيرة..وانا ميمكنش نبقا معاك هاكا..تانا بغيت راجل لي يبقا معايا ديما..
علي: ياك ديما معاك..ياك كتعيطي ليا تنجي..واخا نكون غارق فالخدمة ..تنجي عندك نتي لولة ..ياك لي طلبتيها تنحضرها ليييك..ياك لي بغيتها هي لي كتكون..اش تبدل دبا..ياك 4سنين ونتي عارفة ظروف خدمتي..اش تبدل دبا..
سيلين: ماعرت المهم مبقيتش باغاك..عادي ..مبقيتش تنبغيك..مبقاتش شي حاجة تتجرني ليك..
علي:ايييه مزيان...
سيلين : اصلا تعرفت على شخص جديد..وباش منبقاش معاكوم بجوج ونتسمى تنخونك..اللهم نتفارقوا..
علي غيرسمع هدرتها وهو يجعر..وبدا تيغوت ويسب..
سيلين: صاااافي سكت..خرااااج برا ولا نعيط الأمن..
علي: صدقتي ****** خسارة لي درت على قبلك..
خرج علي راسو تيفووور..وتيقلب غير معامن..
#عدنا🔚🔚
علي: هادا ماكان..داكشي لاش منت معصب..صراحة جات قدامي نازلي وبردت فيها أعصابي...
#يتبع