❄️نفس واحدة تكفي❄️

34

🌍نفس واحدة تكفي🌍
-34-
تبعوها الدراري للغرفة العناية المركزة..دخلوها وسدوا الباب بقات معاها الممرضة تتقاد ليها يديها..وتقاد ليها السيروم ..والدراري غالسين برا باقين بجيلي وسلاحهوم وراهوم ..حتا دخل القائد..وقفوا كاملين داروا التحية..
القائد: واش بصح تضرباات..
علي: اه تضربات فكتفها..ولكن حيدو الرصاصة ودبا تنتسناوها تفيق..
القائد:حالتها مزيانة؟
عمر:اه مكاين حتا خطر على حياتها..غير كانت محتاجة دم ولكن عطاها بوراك..
القائد: اه تمام ..انا غنعيط لباباها.
خرج القائد وهو تيدوز نمرة تاع بابات نازلي..
الأب: الو
القائد:ألو سلام سي أحمد..معاك القائد تاع نازلي..
الأب: اه نعام ياكما طرات شي حاجة لنازلي..؟؟؟
القائد: لالا غير سخفات واقلة ماكلاتش وجبناها لسبيطار شوي وتفيق داكشي باش بغيتك تجي تكون معاها ملي تفيق..
الأب: واخا واخا هاني جاي..
رجع القائد عند الدراري لي كانوا قدام بيت نازلي..
القائد : كيفاش طرا ..
خالد:حنا نظفنا لبلاصة لي مات مات ولي هرب شدوه ..وتحبسات العملية لي دارو والدراري حركو الكاميو..وتكلفو بالدراري لي فيهوم وكولشي داز هو هاداك ..
عمر: ولكن باش نتأكدو..طلبت من علي يشوف واحد جهةخاوية لا يدون شي واحد مخبي..ونازلي غلتليها بقاي حدا الباخرة..وأنا مشيت مع آيشا لجهة خرا حتا سمعنا السلاح ورجعنا لقيناها طايحة
علي: انا مشفتهاش حتا حسيت شي واحد دفعني بجهد ملي درت لقيتها هي ..معرفتش حتا طاحت لارض وكتفها مضروب..
خالد: اه قبل ..غالتليا شوف جهة تاع الساعة 9 وصاف..
القائد:بففففف هادشي و وصيتكوم عينيكوم عليها..هادي اول خرجة ليها وتعطبات
بقاو تيهدرو حتا دخل سي أحمد
الأب: سي اتيش..ملي بنتي سخفات علاش غالوليا راه فالعناية..
القائد:صراحة هي تضربات برصاصة و
الاب فشل جاب الله كان حداه خالد شدو غلسو فكرسي ..
الاب:هي لي عندي..ياكما طرات ليها شي حاجة..
علي: متخافش هي راه مضروبة غير فكتفها وصاف وشوية تفيق من البنج ودخل شوفها..
بقاو غالسين تيتسناو..دازت ساعة و جاو ممرضات دخلو عندها..بقاو مدة ودخل الطبيب..وخرج
#يتبع