❄️نفس واحدة تكفي❄️

104 و الأخيرة❤️

⚠النهاية⚠️
🌍نفس واحدة تكفي🌍
-104-
رجع عمر هاز سيدي فيدو..خشاه فديفيدي تاع وربطو مع التلفازة ودار بوز..
عمر: دازت 20 عام..المفروض دوز غيير 18 عام ونديرو..ولكن انا نسيتو..مكنتش غنساه كون طرا لي فالفيديو ولكن نسيتو ملي داز داكشيي.

فهمو علي علاش تيدوي..وعلي متكي تيشوفيه فجنبو نازلي وجنب لاخور نفس وحداها علي لي حداه يغكور لي مخشية فآيشا تتلعب ليها فشعرها وتيشوفو فعمر..
عمر:المهم غنبداو تواحد منسمع صوتو..سمعتي اخنيفيستي..فيك نعاس ا بابا..
ريما: اه..
هزها علي وغلس حدا ايدا وبرك على تيليكوموند وبدا الفيديو وكولشي تصدم ودارو شافو فعلي..كان علي فالسبيطار وتتبان نازلي متكية على رجليه..وبدا الفيديو وكولشي تيشوف مصدوم..

"نفس..نفس بنتي..فاش غتكوني تتفرجي دبا..غتكوني كملتي 18 عام عيد ميلاد سعيد..عقبا ل100 عام..كبرتي يا الفنيكيشة تاع باباها..غتكوني طبعا بنت زوينة وغزالة..للأسف مكتابش نشوف وجهك..معرفتش شحال بقاليا باش نموت..ويقدر منموتش..ولكن..ولكن كنحس بقلبي دقاتو تيضعافو..نتمنى تكوني..جامعة بين الجمال تاع ماماك..والعصبية تاعي..والضرافة والحنان تاع عمك عمر.. والهبال تاع عمك خالد..والجدية تاع عمتك آيشا..وحتا الذكاء تاع عمك بوراك..ولكن متكونيش بحالو فاش تيتكلخ..هههههههه..تمنيت نكون معاك..نحضر معاك لاول نهار فالمدرسة ولأخر نهار فالتخرج تاع الثانوية..نحضر معاك فاش تبغي تزوجي..اه بالمناسبة..هادا لي غيتزوج بالأميرة تاعي نبغي كولهوم يعرفوه..يجبدو ليه كولشي حتا من الطواليط اشمن ساعة تينوض ليه بليل..ههههههههههه..غير تنضحك..نبغي تعيشي فرحانة..واخا غنكون غايب ولكن غنكون ديما حداك..وديما معاك..فبالك..وفدماغك..كنبغيييك بزاااف ابنتي..ونتمنى تانتي تبغيني..نبغيك تبقاي فرحانة..مكينش لا بكا لا حزن..نوصيك تانتي على ماماك ..تهلاي فيهاا..غتكون شرفات ديك ساعة.هههههههههه غتكون زيانت..هههههههه..تهلاو فبعضياتكوم..كنبغيييك..و..كنبغيك بزاف..واخا مغنكونش حاضر غيكونو هما ضايرين بيك..نتمنى يوفرو ليك الحنان لي ناقصك مني..واخا عارفهوم غيديروك فعينيهوم..نتمنى تكوني نجحتي بنقطة عالية..نتمنى تختاري المجال لي باغا باش تكملي فييه..عيشي حياتك متسوقي لتواحد..كوني فرحانة لراسك..ديري لي غاليك راسك..وعيشي شبابك..مضيعي حتا لحظة..باش ملي تبغي تموتي متندميش بحالي على الفرص واللحظات لي ضيعت فوالوو..عارفكوم دبا غتكونو مجموعين تتفرجو..تانا توحشتكوم كاااملييين..تنشكركوم حيت باقي فبالكوم وحيت مهليين فنفس..نفسيي..الكتكوتة تاعيي ...تنبغيكوم💕💕"

تسالا الفيديو..كاين لي تفكر دوك اللحظات وبدا تيبكي كاين لي ابتاسم ..وكاين لي باقي مصدوم..
نفس: بلاتي بلاتي هادشي مافخباريش امتا هادشي..وكيفاش طرا..واش كنتي غتموت..وعلاش كنتي تتوصي غير عليا فين كانت يغمور..
يلاه بغاو يهضرو وهي تنطق يغمور: شحال هادا..20 عام لي دازت على داك النهار..بابا كانت تضرب برصاصة لقلبو ..ونزف بزاااف..وكانت حالتو خطيرة..بمعنى شبه مستحيل يرجع..ديك ساع ماما كانت حاملة بيك وكانت عندها 7 أشهر..المهم بابا دوز يوماين فالانعاش وهو يتزاد عليه الحال ومات..جات خالتي ايدا حيت لي دارت العملية وتكلفات بكولشي..ولقات بلي بصح القلب وقف..تماك ماما ملي سمعات بلي قلبو وقف طاحت وهو يجيها لوجع..هزوها داوها تولد..خالتي ايدا بقات مدابزة مع بابا باش يفيق..هي واقيلة غير بالصدمة ولكن نفعاات وبدات تضرب بالجهاز تنبض ..حتا رضات النبض..ورجع ..ولكن بقا مدة فالانعاش عاد خرجوه..نتي تزاديتي فالوقت لي بابا مات ورجع..
نفس دارت يديها على فمها وعينيها دامعين..: بصح ا بابا هادشي..
علي: اه بصح ..هادشي لي طرااا..وهاني معاكوم انا نسيييت الفيديو..غلت صافي ملي رجعت غيكون لاحو عمر..ساعة باقي مخبيه..
نازلي مصغرة عينيها مصدومة..
عمر: باقي مخبيه..
خالد: هادشي مفخباريش ..تتخبيو..
آيشا: هانتا تتشوف..انا لي شحال جدبت وبكيت..فيهوم بجووووج تواحد محاشاها ليا..
علي: راه نتي حساسة ..ماشي بحال عمر ..كيما كان الحال قلبو قاسح ماشي بحالكوم بجوج كلمة جوج تبكيو..
كاان: كيفاش تضربتي اعمي برصاصة ؟؟ زعما تتكونو دايرين جيلي وميمكنش تضرب تماك الى كنت بجيلي نقزات يغمور ..تدوي بهدوء وبرود..: كانو فمهمة..وسالاوها وهوما تيتوادعو مع البوليس..باش يرجعو بعدما حيدو كاملين جيليات..خرج واحد وهو يتيري فعمتي آيشا كانت حاملة بعلي ديك ساع..وجا بابا غطا عليه وهي تجي فيه..وصافي..
نازلي: واش نتي انا باقي مستوعبت لولة تتزيديني التانية نتي منين عرفتي هادسي كاملو..
يغمور ضارت شافت فعلي لي كان متبع معاها..: هادو واقيييلة نساو بلي انا استخباراتية😂😂 ..التبرغيغة لولة جبتها من عند عمي حكيم..وجدي و جدة..داكشي بالفن عاودوليا ونساو..والتبرغيغة التانية..عمي خالد هو لي غاليا اش طرا..وتاهيا ما دا ماجاب..
نازلي: ملي غلتي حكيم وخالد..فهمت البلان..هادو اه يخويوليك المزيويدة وينساو..الكل تيضحك..رجعات تكات يغمور على آيشا..وهما تيهضرو ويضحكو..حتا نعسات ..
آيشا حسات بالتقل عرفاتها نعسات: علي هزها طلعها لبيت البنات..راه نعسات..
ناض علي من حدا نفس لي كانو تيتعاودو ويضحكو على شي حاجة فتيلي..هزها وطلع بيها وهي مرخية حالا فمها..حطها تبعاتهوم نفس باش تبدل ليها حوايجها..
حطها علي فبلاصتها ولاح عليها ايزار..دخلات نفس..
نفس: ماعرت واش نبدل ليها ولالا..يغمور..يغموووور واش نبدل ليك ولا مرتاحفهادشي لي لابسة؟؟؟
يغمور: لا..بغيت نعس طفيو ضو..
علي: صافي يلاه خليها تنعس ...الا ناضت غتنوض كااافرة تهرس علينا شي باب تاني..
نفس : يلاه..سدو عليها الباب ناضت سورتات الباب وسدات البالكون بالساروت ورجعاات نعسات..باش تواحد ميبرزطها..وحتا جوج فليفلات ميوصلوهاش..
الصغار والشباب تشتتو..وبقاو الكبار..تاهما زادو شوية ناضو تعشاو ..ومن بعد تشتتو ..
علي: نازلي نمشيو نغلسو حدا البحر؟؟
نازلي: يلاه..
مساو تيتمشاو هبطو للرملة وضو تات الجردة ضارب فيهوم..حتا غلسو قراب البحر..نسيم بارد تيضر فيهوم وهوما تيشوفو قدامهوم..
علي:دازت 20 عام على زواجنا تقريبا..
نازلي: اه تقريبا
علي: دغيا داازت
نازلي: وي ..علاش مغلتيلياش كنتي داير فيديو عند عمر
علي: انا من ورا ما خرجت منها سااالم ..نسيييت كوولشي..ونسيتو حتا هو
نازلي عنقاتو بالجنب: تفكرت كولشي بحالا طرا البارح..تانبغييييك بزاف نهار على نهار وعام على عام حبي بيك كيكبر..كنت غنبقا حزينة حياتي كاملة كون مشيتي..ولكن الحمد الله ربي حفظك وخلاك معانا وهانتا دبا رازقك بأجمل بناات..
عنقها علي: حتا انا تنبغيييك..كنبغيك كتر ما تصوري..بناتي راه بحال عيني..وحدة فيهوم تنسيك فلخرة..صدماتني الخنفوسة تيغمور..السيدة فخبارها كولشي ومطمراااا..ولكن انا عرفتها غتغفل..راه تدير التنوييم المسيخيطة..
يغمور من لور: تتهضرو عليا..
دارو بجوج لقاو نفس ويغمور لابسين جواكطهوم ومبتاسمين لهوم..
علي: جيتو..اجيو اجيو..
جاوغلسو قدامهوم ..نفس فحضن نازلي ويغمور فحضن علي..
علي: شكون كان يغول نكبرو بهاد السرعة ونشوفكوم قدامي..
نفس: اوا راه الوقت تيدوز..وكل مرة كنبدا نشكر فيها الله حيت عطاكوم ليااا..لييينا زعما..
يغمور: انا مكنغول والو..ولكن نتوماا هما لفونوووون تالعالم..
تعانقو كاملين وهما تيضحكووو..
شافت نازلي فعلي بحب..وهما بين أحضانهوم بناتهوم ..ثمرة حبهووم

🌍🌍🌍🌍🌍النهاااااااية🌍🌍🌍🌍🌍
__________________________________________

تنشكر غااااع البنااات لي شاركوني بإعجاباتهوم..تعاااليقهووم.. رسااائلهووم..آرائهووم وانتقااداتهوم..🙏🏻🙏🏻💕..
شكرا على متبعتكوم ليااا❤..
شكرا لأي وحدة تسناااتني خصوصا في مدة لغبرت فيها..
شكرااااا ليكوووم كااااملييين..
كانبغيييكوم بزاااااف بزاااااف بزااااااف❤❤❤
توقعاتي القصة مكانتش هاكا كانت اتكون نهاية حزينة نوعا ما..كانت غتكون النهاية بموت علي..ساعة ملي شفت بزاف تالبنات متقبلوش..رجعت بدلت أفكااااااريي كااااملييين..واخا كانت صعيييبة ولكن معلييش..درت النهاية سعيدة..لي نتمنااوها تكون نهايتنااا كااااملييين❤❤..القصة مليييييئة بالطاقة الايجااابية..وأنا كنكتب ..كنضحك مع أحداتها..كنبكي مع أحداتها.. ونستمتع بييهااا.. نخرج كووولشييي من قلبييي..باش يوصل للقلب❤❤❤
دمتن سااالمات ..نتلاااقاو فقصة ثااااااانية😍😍😍
أحبكن❤❤❤