🌍نفس واحدة تكفي🌍
-54-
حلات نازلي لوطو تاعها...
نازلي:غتمشيو معايا
عمر:انا مجبتش تاعي ..جيت مع خالد لي طرغني..زنتا ا علي فينها تاعك..
علي:خليتها حدا الدار..فاش هبطنا غلت نجيو فتاع نازلي..
نازلي:صاف يلاه..
ركبات وركب عمر ونور لي مرة تخنزر مرة تضحك..لور
علي:هبطي ..غنصوغ انا نتي يديك مضروبة
نازلي:غير طلع..انا قادرة نصوغ..
طلع علي لي مبغاش يدابز معاها تاني وبالاخص نور كاينة..
ديمارات..وتتناوب يديها ليمنة بين الفيتيس والفولون..واليد ليسرة لي مضروبة كتحركها بزز باش تشد التوازن بالفولون..خرجات وكسيرات..ديريكت للاحداتيات لي دخل ليها عالي ف gps تلوطو..بقاو ساكتيين..
عمر: نازلي
نازلي: نعام
عمر: غبيلة فاش كنتي فالسبيطار..شفتي الطبيبة لي دواتك..وخيطات ليك
نازلي: لاا كنت سخفانة محسيت بوالو..علاه مالها..
عمر: واااالو..غيير سولت..
نازلي: 🤣🤣🤣🤣 عجباتك ازغبي غير غاار..
عمر: لااااا غير سولت واش شفتيها..
عمر كيدوي حتا صونا تيلي تاع نازلي ..
نازلي: سسس دوز المكالمة ودير المكبر..
علي دوز لابيل وخدم المكبر..
نازلي (بالتركية)الو بابا12 تاع ليل ونتا باقي فايق..مالك؟؟
الاب: تعطلتي بزااف..
نازلي: بابا غلتليك متسنانيش..انا سايغا دبا عندي خدمة برا تاع اسطنبول..معرفتش امتا غنرجع..متخرعش عليا معايا الدراري..
الاب: اه تمام ردي البال لراسك..وردي البال ليديك..ولاش سايغا ونتي معوقة وزايداها بصوغان..
نازلي: عارفني تنصوغ مزيان ..اذن معندك مناش تخاف..دبا نتا طاير ليك النعاس وباغي تقلب معامن تجمع.
الأب: لاا ضونا ليا غبيلة سي مصطفى( اب زينب) وغاليا واحد الخبر غيعجبك..
نازلي:ليي هوااا..
الاب: خوك محمد جاااا..
نازلي: فخباري صوناليا غاليا انا فاسطنبول..
الاب: كنت باغي نفرحك..ساعا صدقات فخبارك
نازلي: راه فراااااحت بزاف حيت رجاع.
الاب: وايييه كامليين..يلاه (الدارجة) تلااااحي فحالك
نازلي: تلااااح
قطعو وبدلت تتبتاسم..
عمر: واش نتي وباباك كتهدرو هاكا..
نازلي: واش باليييك🤣🤣 هاكا حنا مضاسرين..راه هو لي كبرت معاه هو ماما وبابا وكولشي..داكشي باش قريبة ليه بزاف وكنهدرو هاكا..
عمر: الله يخليه ليك
نازلي:اميين..هادي هيا الفيلا..هبطو..
هبطو كاملين ..وسدات لوطو..ووقفات حدا علي لي شافها حداه وقادليها القب..ودفعها من خصرها باش تمشي قداموو....كانت فيلا كبييييرة..وحداها كانوا جوج طوموبيلات تاع البوليس..دخلو وقفهوم بوليسي وراوه لي كارت ودخلو ...جردة كببيييييرة وممر طويل حتال باب الفيلا..لي كان محلول..دخلو لقاو بطاقات صفرين مشتتين فالارض والشرطة العلمية كيضورو تماك ..
علي :سلام..حنا جينا من مقر الاستخبارات..
الشرطي:مرحبا..ديجا علمونا..تفضلو..
دخلو بدا البوليسي كيعاود ليهوم لي لقاو..عطاوهوم ليغات داروهوم..
نازلي تسلتات وطلعات للفوق..كا باقي دروج آخر للطابق لاخر..بدات تضور عينيها لقات بزااااف تاع البيوت..وهي تمشي لول..لقاتو خاوي..تاني ..كان مفرش بيت نعاس فالبيض..والتالت هاكاك..الرابع حلاتو ولقاتو كولو مرون ونقاطي تاع الدم والشرجم مهرس وحلول..طلات ملقات تواحد..دخلات الحمام هاكا..قلبا ومكان تواحد..طلات من الشرجم ولقاتو كيطل على الجردة لورانية وخرجات هبطات تتجري..
نازلي: طلعتو للفوق؟؟؟
ااشرطي:لااا عندنا بلي خاصنا نقلبو الطابق لي تقتلات فيه المرا لي هو هادا وصاف..
عمر:علااه..مالك صفرة..
نازلي : كاين واحد البيت فيه الدم وفيه الشرجم مهرس..والبيت مرون..
الشرطي : انا بيت ؟؟
نازلي:الرابع من ليمن..الطابق الاول..انا غنمشي للجردة لورانية نشوف البلاصة لي هبط منها داك لي نقز واش فيها شي حاجة..واش هومول الدم..
الشرطي : تمام..
علي:غنمشي معاك..
مشات تتجري بشوية لتماك ...وعلي وراها..وصلات لجردة لور لقات واحد غالس فوق الصور وهي ترجع ووقفات علي..وبدات تتسنط..
......: كاين البوليس غير الطابق السفلي..مطلعوش للفوق..الكامرة مبلوكية..ادن غندخلو غنقتلوهوم ونطلعو نمسحو داكشي ونمشيو..
.......: تمام..ولكن الا حصلنا..
.....: مغنحصلوش متنساش لخرين راه جايين تاهما..ادن راه الا مقتلناهومش حنا راه غيقتلونا لخرين..يلاه غول لخرين يهبطو باش ندخلو مجموعين..
نازلي تتسمع وتفكر..: علي اش غنديرو...
علي:محتاجة شي تفكير ..عنتسناوهوم يهبطو ونبداو هاكي ديري الوضع الصامت باش نبداو..
نازلي: خاصنا نعلمو لخرين..
علي: سيري غوليها ليهوم..
نازلي: منقدرش نخليك..
علي:اوا غلسي هنا..نديرو شوي تاع الاكشن..
نازلي ابتاسمات بشر وبقاو حاضيين هادوك..
#يتبع
VOUS LISEZ
❄️نفس واحدة تكفي❄️
Action👊🏻قصة كااااااملة👊🏻 🔥تجمعووووووووا جا الجدييد🔥 رواية جديييييدة مميزة خالية من الملل ديما الجديد حتا يضركوم راسكوم🌸 🌍نفس واحدة تكفي🌍Bir nefes yeterlı🌍 رواية بوليسية🔫 خليط ومزيج بين الغموض و التشويق⚡..الجرائم🗡..الحقائق✨..الرمانسية الخفيفة و...
