❄️نفس واحدة تكفي❄️

14

🌍نفس واحدة تكفي🌍
-14-
نازلي مدات يديها وبتاسمات ليه ..دار علي التحية و حل الباب خرجات نازلي وتبعها و خرجو من نفس الطريق مناش دخلوا حتا وصلو لسانسور و صونا ليها تيلي ..كانت زينب..
نازلي(بالدارجة) زينو..
زينب: فيينك..جيت عندك غبيلة ملقيتكش..
نازلي:كنت خارجة..نتي فينك..
زينب: أنا رجعت للدار ..كنت بغيت نبات عندك ساعا ملقيتكش..
نازلي: ياك عندك سوارت كون دخلتي وتسنيتيني فدار..
زينب: صافي معليش..نتي فينك..
نازلي:أنا باقا فالزنقة..
زينب : اليوم يقتلك عمو أحمد..
نازلي: علمتو بلي غنتعطل..المهم تلاحي تال من بعد ونهدروا..ميمكنش نبقى جابدا تيلي فالزنقة.
زينب:اوكي بيزو..
قطعات وردات التيلي لجيبها..وبقات تتشوف فعلي لي سابقها شوي..ومكيدويش..
نازلي: بسست ..
دار عندها علي و وجهو فيه ؟؟
نازلي (بالدارجة)سميتك علي؟
علي: اه
نازلي: حتا نتا مغربي تركي..
علي:اه
نازلي: نتا لي مع كليكتك جبتوني داك النهار لهنا..
علي: اه
نازلي عصبها بديك اه كل مرة..وجراتو من دراعو:اويلي مالك على اه اه اه..هدر مقاد ولا سكت حسن😡
علي: نتي إلا مرتاحة وفيك لي يهدر ويجمع ..أنا لا ..معنديش لا المرال لا جهد باش نجاوب..ودبا زيدي باش نوصلك ونرجع لخدمتي..
نازلي خنزرات فيه و مشات معاه..وهي تتشوف بلي وحلات راسها ..كيفاش غتقدر تعايش معاهوم وهما هاكا جديين بزاف..ومحاملينش يدويو..وهي لي كانت تتبقى تهدر مع زينب حتا تتبغي تخرج ليهوم الهدرة من الجناب..وصلها للدار..وهبطات بعدما لاحتليه بسلامة وتحرك هو ومشا وهي مشات للدار..لقات الضو شاعل..عرفات باباها فايق..دخلات
نازلي: بابا..
الأب: هاني..على السلامة..
نازلي:ياك غلتليك سير نعس
الأب: نعس ونتي فالزنقة..
نازلي جلسات حدا رجليه: بابا مكندير تاحاجا ماشي تالهيه..غدا غيجي عندك واحد الراجل يشرح ليك كولشييي يلاه بونوي أنا فايقة غدا مع 7 يلاه سير تنعس وخوي راسك من كولشي..
ناضت وطلعات لبيتها ..هزات بيجامتها وخرجات دوشات حيت مغيكونش عندها الوقت باش دوش غدا..خرجات لابسا بيجامتها دارت طاقية تاع الفوطة لشعرها ..ومشات لبلاكارها جبدات سروال دجين سليم و بودي صوفي فشيبي و جاكيط كحلة بالقب وجبدات كونفيرس تاع دجين ومشات تخشات فناموسيتها وهاد المرة تضحك وفرحانة ..القصص كاملين والروايات ليقرات تحققووا ..وتتفكر هاد ليلة والجو القتالي لي كان..تفكرات دوك لي سلخات مساكن..بتاسمات بإحراج..وفجأة تجمعات الابتسامة ملي تفكرات..داك المتكبر لي دار بلاصة فدماغها..واخا لا هو طايقها لا هي طايقاه..حسات بيه محاملهاش..ولا الأصح مباغيهاش معاهوم فالفريق ..ولكن واخا هاكاك جذب انتباهها..وكيف لا ..كمية من الرجولة مع كمية من القوة مع كمية من الشخصية القوية والكاريزما العالية..كيفاش مايجذبهاش..بتاسمات وتخشات فالكوفر لي ونعسات..
6:00🔊🔊🔊
ريفيي كيصوني..ضرباتو نازلي بيديها تيلي حتا طفا..وناضت تتجبد..ولكن ملي تفكرات بلي اليوم غيبداو فتوجاد الوراق..باش تنضم ليهوم..وغتولي استخبراتية..توغدات ومشات غسلات وجها وسنانها ..وهبطات قادات فطور خفيف ..فطرات..وطلعات لبيتها لبسات ومشطات شعرها لي بقا فازغ..هزات تيلي و ليكيت وسوارت تاع الدار..دارت القب وهبطات وغلسات فالدريجات لي قدام الباب ولي كيطلو على الشارع لي كان كيصفر..شكون الحمق لي غيخرج نهار الحد مع 7تصباح..دارت ليكيت وبقات تتسنى..حتا وقفات قدامها رونج تاع علي..وقفات ومشات ركبات..
نازلي:صباح الخير..
علي:صباح الخير(كنكراااااااااه ديك صباح النور..غتبقاو تتقراو غير صباح الخير😂😂😂)
دارت صمطة وتحرك علي..بلا حتا كلمة خرا..
نازلي: فإينا صبيطار كاينين دوك لي ضربت البارح..خاصني نمشي نعتاذر منهوم..
علي:فالمستشفى الكبير..
نازلي: صافي حتا نسالي ونمشي..
علي:ليوم لحد مغيخليوكش دخلي ممنوعين الزيارات..
نازلي:اااه ..اوكي حتا لغدا..
علي: ولا عرفتي ..ندوزو..عندهوم هوما لولين ..نجيبو نيت عمر و خالد و آيشا..
نازلي:واخا..
علي : قلب الطريق وسيفط ميساج القائد بلي غيتعطلو فسبيطار..
نازلي دارت ليكيت وتكات حتا وصلو لصبيطار وهبطو..ومشا علي حداها حتا طلعوا ودخلوا بلا ميهدر معاهوم الأمن..
نازلي تعجبات يلاه غاليها بلي ممنوع يدخلوا: بسست ..كيفاش خلاونا ندخلوا بلا ميهدرو معاك ..
علي: واقيلة راه عارفيني وعارفيني لاش خدام😏😏#تتمة
نازلي:اااااه اوكي..
علي: سميتي علي ماشي بسست..
نازلي: بحال بحال..😏😏
مشا علي قدامها وهو داير يديه فجياب السروال ..والبروتكان كحل كيلمع..والفوق تيشورت والقميجة من الفوق محلولة وعاد تجاكيت ..والشعر طويل طايح على عينيه..وملامحو مكمشة منزعج من نازلي ..وهي فهمات داكشي..تيعاملها بحالا شافرااه..واخا كتعامل هي معاه بلباقة ومبغاش ضسر عليه وضحك معاه..ولكن بجوابو الناقص وملامحو كيبين بلي منزعج منها..ولكن لي باقي مصبرها هو أنه ممكن يكون هذاك كاراكتيرو وهو هكاك كيتعامل..قاطع تفكيرها خالد لي حط يدو على كتفها..
خالد:سلااام نازلي ياك..
نازلي بابتسامة: اه نازلي..
خالد:أنا خالد ( بصوت غليض)قائد الفريق
آيشا: بزعطااا بحالا تتدير دور القائد نيت
نازلي: هههههههه متشرفين(تصافحات هي وياه)
آيشا: أنا آيشا الصعيرة تاع الفريق🤦🏻‍♀️
نازلي: متشرفين🤣
عمر: وأنا عمر😅
نازلي:متشرفين
خالد: وهادا خلاص راه علي..راك غتكونوا تعارفتو..
نازلي: شافت فيه اه تعارفنا..
كانو دراري كاملين لابسين بحال بحال من غير آيشا لي كانتسروال وصبادري وتيشورت وتجاكيت..لباسخا تاع ديما..
علي: هاهيا شومبر تاعهوم سيري إلا بغيتي تجوفيهوم..
نازلي: اوكي..سمحوليا..
دخلات لشومبر لي كانت حداهوم وردات الباب..ومشات مع كولوار..حتا سمعات الهدرة فالبيت لي فيه جوج أسرة..ناعسين فيه حكيم و رمزي..
نازلي: هانييييي جيييت نكمل لي بديت..
حكيم:منين هبطتي أنا معاك بالله والشرع..وليداتي في عار الله..
رمزي:بسم الله الرحمان الرحيم..سيري سيري(دار جيهة تاع الحيط)
نازلي: 🤣🤣🤣متخافوش جيت غير نطل عليكوم ونعتذر..أنا مكانتش نيتي نديرليكوم هاكا..ولكن كان خاصني ندافع على راسي..المهم راكوم عارفين سمحوليااا..
حكيم: هههههه هانيا عارفين ..تاحنا راه كنا معولين باش طرا لينا شي حاجة ولكن ماشي لهاد الدرجة😭
رمزي: مكاين حتا مشكيل..االوليا غتنضمي لينا..مرحبا بيييك معانا..والفريق تاع خالد راه أحسن فريق فالمقر كاملو غتستافدين منهوم بزاااف..أنا شخصيا كنفرح ملي كنخدم معاهوم
نازلي: ههههههه شكرا بزاف..بغيت نسولكوم على البنت لي كانت معاكوم تاهيا كيولاات..
حكيم: رجعات لدارها منبعد ما داواو ليها الجروح..البارح أنا كنتجع وهي تتزيد ضرب فيا من ورا ماشافت وجها..كان كلو زرق🤣
نازلي: مسكينة..المهم نخليكوم ترتاحو..حتالمنبعد ونجي نسول فيكوم تاني..
رمزي : شكرا على الزيارة..
بتسمات وخرجات جهة الكولوار وهي فرحانة طلعوليها المورال ببشاشتهوم..حطات يديها على البوانيي تاع البيت حتا سمعات هدرتو وحبسات..
عمر: دبا جيني المفيد..غادي دخل معانا..
علي: بفففف اه..
آيشا: صراحة أنا عجباتني..جاتني ضريفة والله وعلم..
علي: سكتي سكتي اشمن ضريفة..متكبرة ومسمومة ..كراكتيرها ماشي بحالنا..هي باردة..تقدر تخونا فأي لحظة ..أنا والله إلا كنشم فيعا ريحة تاع الغضر..أن بصح قوية و ذكية و لكن أهم حاجة عندنا حنا هي نكونو خوت ..نموتو على ود بعضياتنا نضحيييو على بعضياتنا..ماشي نديرو خدمتنا ونفوتوا..المهم أنا محملتهاش..ونتمنى طرا شي حاجة تبعدها علينا..
عمر:ماشي لديك الدرجة ..هي بصح فعينيها غامضة ولكن بشوشة..كضحك وتهدر عادي..
خالد:تانا عجباتني والله..غتنفعنا بزااف..
علي : الحاصول أنا محاملهاش..أنا بصح مكنحقدش ومكنكرهش بنادم ونتوما عارفين ولكن هادي ..فغغفففففف راه متسرطاتش ليا..حاسا براسها..ومنافقة..فعينيها كاين النفاق😡😡😡..وأصلا برهوشة..21 عام أش غادي تزمر معانا...فففففف ..مفهمتش حتا القائد لاش مصر يدخلها معانا ..يدخل الزمر مع شي فريق آخر..
على هاد الكلمات خرجات نازلي بوجه باهت..خالي من التعابير..وقفوا كاملين تيشوفوا وهما خايفين يكونوا سمعو الهدرة..علي هبط راسو كيلعب برجليه..
آيشا:احم ..ياكما احم باقين مقلقين منك..
نازلي كتشوف فرجلين علي ولسانها تيتحك مع سنانها..باغا تبكي وحابساها..:لاا..نقدرو نمشيو للمقر..
تحركات قدامهوم وخلاتهوم وراها كيوشوشوا..
آيشا: سمعات كولشيي..بففففف مفيكوم لي يسكت حتا نكونوا بوحدنا..🤦🏻‍♀️😑
نازلي زادت قدامهوم وبدات تتبكي ..وهما تيشوفوا غير كتافها تيتهزوا بالتنخصيص..ويديها فوجهها..
خالد:تتبكي واقيلة ..😢نارييي..
علي: فففففف انا اش غيعرفني بلي راه تتسمع
آيشا: ففففف سكت ديك ساعا..
مشات آيشا تتجري..حتا وصلات حداها وعنقاتها من كتفها بلا مادوي..
عمر: مدرتي فيها ميصلاح دبا..فخبارك بلي ضلمتيها..
علي: وباش عرفتي نتا بلي ضلمتها
عمر:كون كان داكشي لي غلتيها بصح..كون خرجات سمعاتك خل ودنيك..ولكن هي ماشافت فيك غاع..
علي: ماعرت أنا غلت لي بان لياا..
خالد: عقل غييير عقل دبا توريك اليام كيدايرا..اهئ اهئ ضل..اهئ اهئ..متيها ..
علي:واش هادا غيبدا يبكي تاني..
خرجو من صبيطار وآيشا شيرات لدراري بيديها بلي غتمشي فطاكسي وفهموها..
ركبات هي ونازلي لي حلات الشرجم وخشات وجها..عمرها كان تيتصحابليها بلي شيواحد غياخد عليها نظرة خايبة..تجرحها تال هاد الدرجة..واخا تاهيا معجبهاش كراكتيرو ..دارت عذر أنها باقي معرفاتوش..عكسو هو لي كرهها حقد عليها..آيشا مدواتش معاها..وقف طاكسي حدا الميترو..وهبطوا ولقات حتا دراري جايين..تحركوا دخلوا
#يتبع😢😢