احسان وكلامها لهادي ....هل فعلا هي مظلومه شايفه مناقشات كتير في الموضوع ده طيب تعالوا نكمل نقاش ..... لا احسان مش مظلومه ولا ضحيه خالص والكلام اللي قالته لهادي كمان مجرد لعب علي الاوتار هو اه يحس بيه ولكن هي مش حاساه وبس بتقوله عشان تكسب تعاطفه زي ما بتعمل مع حميده ....نرجع من الاول وقبل ما نقول هادي ظالم أو مظلوم .....هادي وضحت أنه عامل مراته الأولي كويس لدرجه ابوها لغايه دلوقتي مقدر أن بنته عاشت مبسوطه معاه وبيعامله كويس هادي محبهاش ومعرفش يحبها بس عاملها كويس وقبل ما اكمل خلوني اشرح مشاعر هادي وقتها أو تحديدا بعد وصال ما خرجت من حياته وقولوا ليا حد فينا عاش نفس الاحساس ولا لا ...عارفين احساس انك تكمل وتعيش بس عشان اليوم يعدي وخلاص احساس فقدان الشغف بأي حاجه مجرد بتعدي يومك بأقل قدر من المشاكل والجدل مفيش حاجه لا بقيت تحبها ولا تكرهها اهو عايش وخلاص انا عن نفسي حسيت الاحساس ده وتقريبا بنسبه كبيره بقت دي الحياه بعدي يومي وعشان كده حاولت اوصل أن دي بقيت مشاعر هادي لا بقي يحب ولا يكره ولا يجادل وده هيوصلنا لفهم حاجات كتير بس خلونا نرجع لحياته مع مراته الأولي عاملها كويس بس محبهاش ولا كرهها عادي قالك كانت عشرتها طيبه طيب بما أنه عايش ومش عايش بقي فكر يتحرر من حاله الثبات ففكر شروق زي وصال بس كويس أنه محبهاش عشان ميتصدمش من أفعالها اللي كان يد كبيره لاحسان فيها ورجع لحاله الثبات اللي كان فيها وإحسان كملت أفعالها ...احسان المظلومه هه ...احسان اللي شروق استأمنتها وخلتها اختها واقرب واحده ليها وشاركت معاها اسرارها ومشيت بشورتها افتكروا عملت فيها ايه ومين فينا معاشش تجربه مشابهه مع اقرب صاحبه له ....احسان سبكتها صح وخلت هادي يشوف أنها مش عاوزاه ولا عاوزة تخلف منه وبرضه لو نرجع لمعاملته معاها كان بيعاملها كويس ومكانش بيخلي حميده تضايقهها وكان بيدافع عنها تمام طيب احسان بقي لما اتجوزها برضه كان بيعاملها كويس مش بيحبها ولا هي طلبت منه حب بالعكس كان نفع واستنفع وهو كان فاهم ومكبر هتقولوا يعني ازاي كان فاهم ومكبر هقولكوا حاله الثبات اللي هو بيعدي يومه وخلاص مش فارقه معاه هو بيدفع بمزاجه وهي مريحاه مش بتتخانق زي شروق مع أمه والحق حصل ايه يعني كانت شاطره وفي منها ستات كتير بتاخد عنين جوزها بالكهن وحالهم ماشي اوك طيب يعني اهو كان بيعاملها كويس مكانش جاي عليها وكانت عايشه واكله شاربه لابسه دهب وزي الفل هل مرتاحه لا كانت نفسها تسقط نشوي وكانت بتكرهها جدا وفضلت تحرب وتكمل اعمال وسحر زي ما عملت في صاحبتها هادي عرف اه قولتوا كبر الموضوع عشان وصال بس هو المفروض منه يعمل ايه لما يلاقيها بالرغم من أنه كان بيديها بمزاجه إلا أنها بتسرق وتروح للأعمال ولما يعرف بحقارتها مع شروق ولو تفتكروا لما عرف باللي شروق عملته مع مروة مقبلش وقرف منها ومن تصرفاتها هادي كان عايش معاهم رد فعل معندوش شغف يبدأ بس لما بيضطر كان بيرد علي أفعالهم وبالتالي احسان مش ضحيه حتي ابوها ماهو في زيها كتير وهي غدرت بابوها وقالت كان عاوز يسقطها واهي رجعت وربنا سترها معاها بس هل بطلت لا برضه حقد وسواد وماسكه في طفل بس عشان طماعه مع انها كان ممكن تستعطف هادي وتخليه يأمن ليها عيشه كويسه لما تسقط الطفل المسكين بس هي طماعه وعاوزة كل حاجه ومش فارق معاها وعاوزة تاذي ابن نشوي عشان تحرق قلبها
الخلاصه أن احسان غداره وحقوده مش ضحيه ابدا وعمر ما كانت الظروف سبب اننا نكون شياطين زيها وربنا بعت ليها فرص كتير بس هي كانت بتشتغل الفرص دي غلط
أما دنيا فهي الوش التاني لاحسان برضه عندها كل حاجه بس مش حابه الخير لغيرها يعني لما اختها تتجوز هل ده كان هياخد منها حته اكيد لا بس زي ناس كتير في حياتنا مش بيحبوا الخير لبعض حتي لو الخير ده مش رايح لهم
الخلاصه أن بلاش نتخدع بالكلمات الرنانه عن الضحيه والظلم قبل ما نشوف من كل النواحي ونقيم مين ظالم ومين مظلوم وقبل ما نرمي علي شماعه الظروف نفتكر أن في نفس الظروف دي ناس كتير وان ربنا بيخيرنا بين الخير والشر واحنا نختار
احسان مش ضحيه كل واحد اختار بنفسه
مستنيه رايكم ومناقشتكم .....الفصل حسب عدد المشاهدات انا شايفه أنهم كتير بس الفوتس موصلتش للنص ....مش هحدد عدد بس قبل ما انزل فصل جديد هستني عدد الفوتس يوصل لنصف عدد المشاهدات اعتقد دي حاجه بسيطه وسهله ..دمتم سالمين
