مساء الفل عاملين ايه .... وحشتوني
كلمتين كده في السريع ...في العادي بكون هاديه ومش برد بس مؤخرا في تعليقين رديت عليهم ورديت بسخافه بصراحه لاني استسخفت التعليق
انا بكتب هوايه وانتوا بتقروا هوايه محدش فينا ملزم تجاه التاني غير بلطف متبادل مينفعش الاقي حد بيقولي انتي بتنزلي حلقات ليه غير بساط السعاده ولا واحده تقولي التزمي
في تعليقات لطفيه برد عليها وتعليقات بتجاهلها وتعليقات حسب المود كده رديت عليها زي ما قولت بسخافه لاني بصراحه مش بشتغل عند حد ولا مضطره ابرر ...انا الحلقه لما نزلتها كنت ناويه انزل حلقه واحده وبعدين حصلت ظروف وقفتها وفقدت شغف كتابتها وسالتو عنها كتير وبعدين رجعلي الشغف كتبت ونزلت حتي من غير مراجعه أو إعلان أو غلاف ونوهت اني هكلمهم وبغدين اظبطهم الاقي بقي غلاسه سوري يعني بس استحملوني ...غلاسه وانتي بتنزلي دي ليه واحنا اتلخبطنا معاكم اتلخبطوا بس هل الكل اتلخبط لا الناس الجديده اللي مش متبعاني ولكن المتابعين معايا عارفين وبيردوا كمان يابنات بجد والله نسبه كبيره من فقداني الشعف احساس اني مديونيه بتبريرات دائما ومجبره لدرجه اني بقيت اكره ضغط يوم الخميس وأوقات كتير مش بيكون عندي جديد وللامانه اخر فصل بساط السعاده مش عاجبني ولا دي الأحداث اللي انا مرتبه ليها بس مضطره انزل عشان التزمت معاكم بكلمه يا بنات انا وانتوا طول الوقت مضغوطين ومضطرين مش كمان في كيك التلبفون والكتابه هكون مجبره وملزمه ياريت نراعي حدود اللطف بيننا طيب انتوا عارفين إني مش بنزل في معرض الكتاب عشان فكره الالتزام بتخنقني لاني ملتزمه في حياتي اصلا بحاجات كتير كمان مش مضطره التزم في هوايه زمان كنت بنزل كل يوم فصل وبخلص الروايات اسرع من كده لان مكنتش ببقي مضغوطه بجد ايه الغلاسه دي طيب لو انا مكانكم متابعه روايه أو مسلسل وحصل ومنزلش عادي اشوف غيره مش اكلف نفسي انزل تعليق احاكم بيه اللي قدامي لا وكمان بقي ناخد احلي رد هو انتي مش بتقولي عاوزة لايك وتعليقات يبقي ايه في ايه يا بنات هو لايك ايه ولا تعليق ايه اللي هتذلوني بيه ما بلاش خالص منه
اللي عاوزة أقوله أن في الاخر انا أو غيري مفيش اكتر مننا ده الروايات بقت كتير وبتنزل كل يوم يعني موقفتش عليا اللي عاوز يتابعني ويسيب اثر لطيف يتفضل واللي مش عاوز براحته انا مش بجبر حد ابدا إنما حد يعلق تعليق غتت مش مضطره ولو من باب اللياقه اقبله انا حره ارد واقول انتوا مالكم انزل حلقه انزل فصل بساط السعاده انزل روايه جديده براحتي وانتوا براحتكم تتابعوا أو لا إنما فاكرين بتذل مثلا خالص بالعكس وكمان كلمه احنا نسينا الأحداث ما تنسوا اعمل ايه ما احنا بننسي نفسنا وسط دوامه الحياه بجد انا فعلا ندمانه ومش هكرر تاني موضوع تنزيل روايه بتتكتب زي ما انتوا بتقولوا احنا مش هنتايع روايه قيد الكتابه براحتكم وانا كمان مش هعمل كده وبجد شكرا لكل البنات اللطيفه فعلا اللي بحبهم ومجرد أننا ندخل نتكلم ونعلق ونتناقش متعه حتي لو مفيش فصل وانا مكتفيه بيهم عشان بيرسموا البهجه دائما محدش بيجبر حد ولا علي متابعه أو غيره ولو في حد شايف اني مش ملتزمه يتابع كاتب ملتزم القراءه بتكون هدوء وصمت مش خناقه داخلين فيها وخلاص وتعليقات رنانه زي لقيت حد كاتب ليه الكاتبه مطلعه البطله ضغيفه مذلوله مهانه نعم مين دي هل انا طلعت وصال كده ولا حتي اي بطله مؤخرا سيبكم من اول الروايات لأنها كانت مفيهاش نضج انا بتكلم عن الآخر ورد ورقتها كانت قويه مش شرط تطلع البطله بتنخانق لا قوتها في تحملها ماس مش لازم الست القويه تكون كده كول الوقت حبيبت اوريكم اننا كستات كتير بيكون جوانا ضعف عشان متحسيش انك لوحدك يا ست يا اللي بميه راجل ماهو البطله اللي عندها خدامه موجوده في كل الروايات بس انا حبيت اطلع بطله شبه اغلب الستات بتشتغل وبتتعب في بيتها حتي فكره الاوفر في مظاهر الثراء اللي نغرقه الروايات بقيت ابعد عنها عشان تحسوا أن الابطال شبهنا وفكر محدود أن مشكله ماس تتحل بشغاله طيب وصال مهانه ومذلوله لا طيب فين العبره لو مكنتش اطرح مشكله ونشوف سوا الحل يعني ازاي وصال هتطلع من ضغط جدها والمجتمع وسيله ضعيفه لا حبيت اطلع ليكم البنوته اللي حبت ولغت عقلها وصلت لايه وازاي خرجت من المشكله بحاول انوع وده قدر الإمكان اللي بحس بيه وبوصفه وانا بكتب عن ماس بكتب عن يومي يوميات صحابي ونفس الكلام اللي بنفضفض فيه مع بعض حبيت اقولكم اننا كتير مش لوحدك كلمت مضغوطين بطريقه أو أخري
حتي مشاهد الحب وغيره بقيت اقلل منها عشان اسيب حاجه لطيفه تقدروا تقروها سواء بنات أو زوجات مش لازم مشاهد اوفر وسامحوني في القديم لاني انا نفسي مش بحب ارجع له واعيده
كان فيه روايه زمان قريتها وتقريبا كانت الوحيده ومازالت معلقه معايا بالاثر اللي سابته جوايا اللي هو لما خلصتها قولت تحفه حبيت واستمتعت مع أن مكانش فيها أي مشهد معين
الخلاصه اني بعبر عن هويتي وشخصيتي وليكم مطلق الحريه في تقبله أو رفضه ومناقشته بلطف انا طولت عليكم معلش بدأت بخناقه بس انتوا حبايبي وقولت افضفض
زي ما اتفقنا هانت فاضل حلقتين في حكايات القيد الذهبي هتنزل واحده منهم قريب جدا أن شاء الله وكمان بساط السعاده بس اتقلوا تاخدوا فضل حلو واحداث حلوة زي ما انا مرتباها واللي بيقول فيه اقتباسات يعني الفصل مكتوب لا حبايبي دي بتكون رؤوس عناوين للمشاهد وانا بكملها لاني لو الفصل جاهز ينزله علي طول حتي من غير مراجعه بدليل الأخطاء الاملائيه 🫣
اه أنا مرتبه الأحداث بس سردها بياخد وقت هتصدقوني لو قولت أن مشهد المستشفي ده لوحده اخد مني الاسبوعين تفكير وترتيب واعاده وحسبت أنه تقيل وغتت وماصدقت خلصته عشان اطلع من حته اللهفه والعياط واخليها نوعا ما واقعيه في عتاب بينهم
انا رغايه اوي ....دمتم سالمين
