وصال جايز في نظر كتير اوفر ...انا شخصيا بتراضي ابسط من كده وكلنا أو أغلبنا بنرضي بكلمه حلوة ووعد أنه مش هيتكرر واهي الحياه ماشيه وبتمشي بس هل هي اوفر
بالعكس وصال شايفه الموضوع ابسط من البساطه واحد زائد واحد يساوي اتنين ومعندهاش تالت ...هي شخصيتها كده وهي أول واحده جايز تتعب واللي زيها في الدنيا بيتعبوا عشان مش بيكون عندهم ال flexibly أو المرونه بتاعه غيرهم مش عيب ومنقدرش نتهمها أنها غلط واحده ومش بتعرف تتجاوز عن الغلط حقها
اه بيحاول يصالحها ويراضيها بس هي حاسه انها هتكون خسرت نفسها ومبادئها اللي كبرت عليها لو تجاوزت عن كل الأخطاء دي
حقها يا نااااس والله مش عشان هي مش مرنه نقول اوفر بالعكس واكتر واحد فاهمها هو هادي والدليل أنه مزهقش ولا اخد الموضوع كرامه ولو حصل شويه وبينسي ....ده الحب اللي بكتب عنه أن اللي بيحبك يكون حافظك وفاهمك اكتر من نفسك هو عارف ان قسوتها دي مش مقصوده بس ده طبعها اللي مش هتقدر تغيره واللي هو حبها عشانه ....الحب اللي بينهم دائما فيه مستحيل صعبه وده اللي محببه فيها ....هي اكتر واحده بتتعب واكتر واحده هتدفع فاتوره صعوبه طبعها وكل لحظه قلبها بيقولها نفسي اعيش بس تعمل ايه في عقلها ... مش اوفر مش اوفر وزيها كتير
فكرتني بمسلسل فات الميعاد باختلاف الأحداث بس في حلقه صعب عليا البطل لما قعد يتحايل عليها وقولت بيني وبين نفسي ما خلاص ...بس مش يمكن ما خلاص دي اللي بتودينا في داهيه وكل مره غلطه في حقنا تنتهي بمخلاص وترجع تاني تتكرر
ومش هقول أن وصال خايفه هادي يكرر غلطه في حقها بس هي عبرت عن وجهه نظرها بأنها هتكون خانت نفسها لو قالت ما خلاص ....مستنيه رايكم ومناقشتكم
