يعمل العمله بتاعته واهي وصال بلعت وقالت بتعلمني درس و تعمل عمله تانيه مع عملها ونقول ماشي اهو بيضغط عليها وبيكشف عمها قدامها واهي البت معلش هتشرب واحد عصير وتبلع العملتين دول إنما بقي تيجي جنب شغلها 🫣🫣 تفتكروا وصال ممكن تبلع ؟!
بلاش تفتكروا اصلا هادي بيفكر في ايه ؟!
الضغط بيجيب نتيجه عكسيه ودياب فهم كده عقبالك يا هادي
عموما هنشوف الفصل اللي جاي ...!
كتير جدا بلاقي التعليقات ...انا لو مكانها عمري ما اوافق وازاي بهيه ترضي وكان لو بيحبها ميتجوزش تأتي والمفروض يكون في بطل تاني ومش لازم كل بطل يكون هو ده ومينفعش وصال تتجوز هادي وهو اتجوز
وهكذا
طيب امال انا بكتب ليه يا حبايبي عشان طبعا انتوا متعملوش زي وصال ولا بهيه ولا احسان ولا وسيله ولا غيرهم ....لو كانت بهيه مرضتش دياب يتجوز غيرها واتعالجت فين المشكله اللي هطرحها واللي بطرحها عليكم عشان نتعلم من التجربه
لو وصال مرضتش بهادي أو وسيله رضيت بعمر هنتعلم منين
لازم اطرح مشكله ونعيش تفاصيلها عشان نستفيد ومنعملش زيهم ومش معني اني بطرح موضوع اني موافقه عليه لا طبعا المهم المعالجه في الاخر ..... معالجه زي ما ماس حفرت في الصخر لغايه ما وصلت لبر أمان مع جاسر وواحده زي مي اتغيرت وناس تانيه اتعاقبت ...... هو مش ممكن واحده فينا للحظه ايمانها يضعف وتفكر في موضوع السحر والدجل خصوصا من انتشاره جدا ...لازم اركز علي حاجه زي دي ....هو مش ممكن واحده مننا تفتح قلبها وحياتها زياده عن اللزوم لصاحبه تستغلها ...اوووووه كتير وياما اتلسعنا من الحوار ده .... هو مفيش واحده فينا حبت اوي الصورة بتاعه الحب الاول والقديم وجريت في السكه دي من غير تفكير وندمت بعد كده
طبعا زي ما بقول دائما كلنا في النصيحه شاطرين بس في الواقع لا ....سهل اوي نرسم بساط سعاده ونقول وصال تقابل حد جديد وهادي يتربي بس تفتكرروا بالبساطه دي .... هتفضل زي هادي بالضبط حاسه ان في حاجه ناقصه لغايه ما تعيش معاه وتعرف فعلا إذا كانت اختارت صح او غلط .... دياب يقول زي ماهو عاوز ولكن في الاخر اتجوز ....الكلام سهل بس الفعل الصعب
دنيا في ناس هتشوفها مظلومه جايز زي ما في ناس هنشوف شروق أو احسان كده والواقع أن كل واحد منهم ظلمه جهله وسوء تربيته .... مستنيه رايكم و توقعاتكم
وشكرا لكل الحلوين اللي نزلوا ريفيوهات ❤️❤️ هجهز ليكم مكافاه
دمتم سالمين
