زي ما بنتكلم أن احسان مش ضحيه ولا دنيا طيب هادي ودياب ضحايا ولا مذنبين دي عن نفسي مقدرش احكم فيها بس نتناقش لأنها حسب كل شخص ونفسيته وتفسيره للأمور وعيشه لموقف مشابهه أو خبرته في الحياه ....بس مثلا هل هادي اناني مفتكرش تهمه بعيده كل البعد عنه هل مش بيحب وصال بالرغم من أنه ظلمها لما حبي عنها الحقيقه لا عن نفسي مش شايفه كده هو بيحبها جدا طيب ازاي بيحبها وبيكذب عليها ومش هقول مبرر أنه خايف يخسرها بس لا هادي قدام حبه لوصال شخص تاني ضعيف مش هو بيحاول يسعدها مش بس عشان يكون له رصيد هو متاكد أنه مش هيفرق معاها لما تعرف هادي بيحب يسعدها بيحب الخير ليها افتكروا اول ما عرف انها دخلت كليه الطب كان مبسوط ولا فكر أنه أقل منها ولا فكر يحبطها كان بيدفعها لقدام لما أنها شافته معاها مسمعش كلامها وحب ياكد حبه ليها واحترامه لشكلها قدام مامتها خاف عليها وحتي لما شك أنها متجوزه برضه بعت ليها الفلوس ايام مرض والدها وقال للبواب يقول إن الفلوس من طرف والدتها وبعد تماما لغايه ما عرف من مهجه انهاا مش متجوزه طيب ده اذاها في شغلها مكانش فاهم أن الموضوع له أبعاد كده فاكرها هتخاف وتسيب الشغل مش ببرر له كذبه عليها بالعكس هو ظلم نفسه قبل ما يظلمها لانه عايش بتأنيب الضمير مش كلنا بنتصرف صح لما نتحط في ظرف معين زي دياب بيحب بهيه طيب بيحبها منين واتحوز عليها برضه زي هادي اتصرف غلط وغلطه جرت التانيه ....كلنا بننصح صح بس لما نتحط في موقف جايز اوي نتصرف غلط ونحاول نصلح غلط بغلط اكبر كان يفرق لو كل واحد منهم حط نفسه مكان الطرف التاني ويشوف رد فعله أو هيتوجع ولا لا ...لو دياب حط نفسه مكان بهيه مكانش جرحها واتحوز بس هو اكتفي بأنها قالت بلسانها راضيه وموافقه وهادي لو حط نفسه مكان وصال كان عرف أن كبرياءها هيمنعها تعدي كل الكذب ده وأنه لو كان اعترف من الاول مكانش كبرياءها هيدخل في الموضوع وجايز حبه يشفع ...هو اتجوز غيرها عشان حس أن كبرياءه انجرح لما مرضتش تتجوزه وهي للاسف حاليا لما تعرف حتي لو قلبها حن كبرياءها هيمنعها تعدي وتسامح ....النفس البشريه معقده جدا وصعب نتوقع ردات فعلنا في كل موقف زي ما مثلا حد يضايقك ويعتذر جايز تسامح واكيد هتسامح عكس ما يقف يبجح استحاله تسامح ....وصال فكره المغدورة والمغفله هتوجعها اكتر من اي حاجه تانيه ...مستنيه رايكم ومتنسوش الفوتس لما يوصل لنصف المشاهدات الفصل الجديه هينزل أن شاء الله
وفي اقتباس هينزل كمان دمتم سالمين
فرحوني مين راح معرض الكتاب وايه الروايات اللي عجبتكم هناك
