Poems - Tula (Book 1) Published by: Ukiyoto

"Damgo Lang Diay"

(Visayan Version)

Abi nimo wa gyud ko magtuo
Wala ko nagdahum nga ikaw ang nakit-an naku
Nag uban daw ta sa usa ka baryo
Unya nag dungan daw tang duha padulong sa inyo.

Samtang nag lakaw daw ta sa dalan
Kalit lang ga kubo-kubo akong dughan
Wa ko kabalo unsay hinungdan
Apan malipayon daw ko nga kitang duha nagkauban.

Pagka nindot nalang gyud sa imong dagway
Halos silang tanan mag tan-aw naglaway
Ginahandum ka nila sa kanunay
Kay ikaw ra gyud ang nag hatag ug kalipay.

Ang imong kaanyag sama sa mga bituon
Ikaw ang naga sidlak-sidlak sa kagabhion
Walay laing diwata nga langitnon
Ay nalang gyud pagka nindot palandungon

Ug sa dihang wala naku damha
Sa tunga'ng gabie kalit lang ko naka mata
Hapit na diay ko maka ihi sa kama
Bantog ra ang akong pantog nanggahi na.

Murag gi dunggab ang akong kasing-kasing
Ni dungaw ko'g bintawa ug nanampiling
Unya kalit lang kug gibati'g kalaay
Giatay! Ang tanan damgo lang man diay.

- November 19, 2017