Nagliliyab ang pag-ibig
Alay sayo aking irog
Pakinggan ang bawat pintig
Hanggang makamit ang tugatog.
Nag-aapoy sa tuwa
Ang puso kong umiinit
Nais ko'y tangayin ka
At kaluluwa'y dalhin sa langit.
Di kayang pigilan
Buhusan man ng tubig
Ang init sa 'king katawan
Lalong naninigas ang mga bisig.
Sabay tayong lumipad
Sa likod ng alapaap
Sa ulap na ating pugad
Bumuo tayo ng pangarap.
Nais na damhin
Ang init ng 'yong katawan
Pilit mang angkinin
Ang apoy na nagliliyab sa kagandahan.
Iisa ang init ng ating mga puso
Hiling nya'y dapat sundin
Pakinggan ang pintig ng pulso
Apoy ng pag-ibig ay panatilihin.
- February 14, 2018 3:23PM
BINABASA MO ANG
Poems - Tula (Book 1) Published by: Ukiyoto
PoesíaMga tulang nabuo sa aking malawak na imahenasyon at kaisipan! 😂
