Fantasy Realm Online

Chapter 28 - Suspicions

Kaizer's POV

Matapos nang laban ay agad na kong lumapit kay Fae tapos ay dumiretso na kami sa sikretong lagusan na sinasabi ni Orkoz

Alam kong manghihinala sila Kevin sa nasaksihan nila kanina pero may counter measure na ako doon, yung ginawa kong pagpatay kay Orkoz ay kasama sa aking plano para naman mabawasan ang paghihinala nila

"Dark pwede ko bang malaman kung bakit nagbago ang anyo mo kanina nung kinalaban mo si Taro at Grollo?" tanong sa akin ni Fae, napansin kong nangangatog ang mga kamay niya kaya naman hinawakan ko ito

"Saka na ko magpapaliwanag Fae, sa ngayon ang importante ay mailigtas natin ang mga kasamahan mo" nakangiti kong sagot sa kanya

Nang marating namin ang sikretong lagusan na sinasabi ni Orkoz inihanda ko na ang sarili ko, hindi imposibleng mayroong mga patibong na nakatago dito sa loob nang lagusan

Nang pasukin namin ang lagusan ay bumungad sa amin ang isang napakalaking pasilyo, walang ilaw sa loob kaya naman napakadilim

Habang naglalakad kami ay nararamdaman kong lalong humihigpit ang pagkakahawak ni Fae sa kamay ko

"Ayos ka lang ba?"

"A-ayos lang ako medyo kinakabahan lang, wala kasi akong makita dito eh, masyadong madilim yung kwarto" sagot niya sa akin

"Wag kang mag-alala, kung mayroon mang kalaban na nandidito sa loob nang pasilyo ay sisiguraduhin kong hindi ka niya mahahawakan" pagre-reassure ko sa kanya

Mukhang effective naman dahil nabawasan ang pangangatog nang kamay niya

Nang marating nmain ang dulo nang pasilyo ay bumungad sa amin ang isang napakalaking pinto, ayos siguradong nasa loob na nang malaking pintuan na ito ang mga kasama ni Fae

Pagkabukas ko nang pinto ay sumalubong sa amin ang iilang mga orc na nagbabantay sa mga kulungan, sa loob nang kulungan ay kitang kita ko ang kaawa awang kalagayan nang mga elves

"Mga kala..." hindi na natuloy nang isang orc ang sasabihin niya dahil ginilitan ko na ang leeg niya

Pagkalipas lang nang ilang Segundo ay nakatihaya na sa sahig ang lahat nang mga orc na nagbabantay sa mga kulungan

Lumapit na ko sa mga kulungan at inisa isa kong sirain ang mga kandado nito, nang mabuksan ko na ang lahat nang kulungan ay namayani ang malakas na iyakan sa buong paligid

Ramdam na ramdam ko ang kasiyahan nilang lahat

"Ama!" napatingin ako kay Fae nang marinig ko siyang sumigaw, nang makita ko siya ay nakita kong yakap yakap niya ang isang lalaking elf na kamukhang kamukha niya

Hinayaan ko muna silang lahat na magsaya sa loob nang silid habang ako naman ay dumiretso sa madilim na pasilyo na dinaanan namin kanina ni Fae

"Gramps alam kong nandito ka" malakas na sigaw ko

"Haha sabi na nga ba at mararamdaman mo ang presensya ko" nakangiting sabi sa akin ni Gramps habang naglalakad papalapit sa akin

"Nga pala Gramps, nasa akin pa din pala yung kakayahan kong magtransform bakit hindi mo sinabi sa akin?"

"Mas magandang ikaw na ang tumuklas nang ganyang mga bagay Dark, hindi sa lahat nang oras ay kailangan kong sabihin sa iyo ang iyong mga kakayahan" paliwanag niya sa akin

Well may point naman si gramps sa sinabi niya, nagulat lang din talaga ako nang malaman kong nasa akin pa pala ang Demonic form kong ito

Nung laban kasi ganito ang nangyari...