Fantasy Realm Online

Chapter 29 - Im Back Arcadia!

Kaizer's POV

"Huy Kaizer gising na!" napabalikwas ako nang bangon dahil sa pagyugyog sa akin ni Izumi, nang ikutin ko nang tingin ang buong classroom ay kitang kita ko ang mga kaklase ko pati na din si maam na nakatingin sa akin

Dahil sa hiya at pagkagulat ay bahagya ko na lang na naiyuko ang ulo ko bilang paghingi nang tawad

Ilang saglit pa ay nagsimula nang magdiscuss si maam, kinuha ko na din ang notebook ko at nagsimula na kong magtakedown nang mga notes

Habang nagsusulat ako ay napapansin kong parang hindi mapakali si Rhaine, tatanungin ko na sana siya kung anong problema niya nang maalala kong hindi ko nga pala dapat na gawin yon

Dahil doon ay kinalabit ko na lang si Izumi gamit ang ballpen ko tapos ay tinuro ko si Rhaine, mukhang nagets niya naman ang gusto kong iparating dahil tumango siya

"Rhaine ayos ka lang?" tanong ni Izumi kay Rhaine habang ako naman ay diretsong nakatingin lang sa harap at nakikinig

"A-ahh o-oo ayos lang ako, medyo masama lang yung pakiramdam ko" sagot ni Rhaine, bahagya ko ding tiningnan si Rhaine gamit ang peripheral vision ko

Napansin kong may kakaiba sa kanya ngayon dahil parang nanghihina siya, iba din ang itsura nang mukha niya para bang pagod na pagod siya

Napansin ko ding pinagpapawisan siya nang matindi kahit naman naka aircon ang classroom, namumula din ang mukha niya

Oh shit! Hindi kaya may lagnat tong babaeng to?!

Acting on my instinct iniharap ko sa akin si Rhaine tapos ay inilapit ko ang noo ko sa noo niya, nagulat si Rhaine dahil sa ginawa ko pero hindi ko siya pinansin at sa halip ay pinagtuunan ko nang pansin ang temperatura niya

Napakainit ni Rhaine at napakataas din nang lagnat niya, hindi na ko nagpaligoy-ligoy pa at agad na kong tumayo sa upuan ko

"Ma'am excuse, dadalhin ko lang po si Rhaine sa clinic mataas po yung lagnat eh" dahil sa sinabi ko ay napunta sa amin ang buong atensyon nang buong classroom, tumango naman sa akin si maam bilang pagpayag

Hinawakan ko ang braso ni Rhaine at dahan dahan ko siyang itinayo,noong una ay ayaw niya pang pumayag pero nung makita niyang seryoso ako ay wala na siyang nagawa

"Huwag ka nang maarte dadalhin kita sa clinic, masyadong mataas ang lagnat mo" seryosong sabi ko sa kanya

Pagkatayo niya ay nakaalalay ako sa kanya sa paglalakad pero mukhang hindi niya kaya dahil muntik na siyang matumba nung unang hakbang pa lang

Wala na kong nagawa at binuhat ko na lang siya in bridal style, hindi magandang pagurin ang may sakit dahil baka mas lalo lang tumaas ang lagnat niya

Dahil sa ginawa ko ay bigla na lang naghiyawan ang mga kaklase ko pero hindi ko sila pinansin, parang mga ewan lang nakita na nilang may sakit yung tao eh bibigyan pa nang malisya yung ginawa ko

Pagdating namin sa clinic ay agad kaming inasikaso nang nurse, nang mainom na ni Rhaine ang gamot niya ay aalis na sana ako nang bigla niyang hawakan ang kamay ko

Napatingin ako sa kanya dahil sa ginawa niya, hindi ko alam kung dahil ba sa sakit niya o nagbublush siya dahil sobrang pula nang mukha niya ngayon

"P-Please h-huwag m-mo k-kong iwan" kahit na hirap sa pagsasalita ay pinilit niya pa ding tapusin ang sasabhin niya, tinitigan ko si Rhaine, napansin kong seryoso siya sa sinabi niya kaya naman wala na kong nagawa at muli na lang akong umupo sa upuan sa tabi nang higaan niya