(Complete)လျို့ဝှက်သောကြင်ယာတော် (Secret Wife) Normal. Oc..Zgi & Uni

25.သူရောပြန်မွေးဖွားလာတယ် သူေရာျပန္ေမြးဖြားလာတယ္

"ဒီတော့ မင်းလေးက လျန်းလျန်းပေါ့ ဝိုး တကယ်ကြီးလား ကိုယ်တော်မယုံနိုင်သေးဘူး မင်းပျောက်သွားတာနှစ်တွေအရမ်းကြာနေပြီ တကယ်ကြီးကို ယူရီရဲ့လီဖေးဖြစ်နေခဲ့တာကိုး ရှာလို့မတွေ့တာမဆန်းတော့ပါဘူး ကိုယ်တော်ကအဝေးတွေမှာလိုက်ရှာနေခဲ့တာပဲ ဟားဟားဟား မင်းနဖူးကပန်းနက်ကလေးကိုမြင်မှ ကိုယ်တော်သတိပြုမိတယ် ဒီတခါတော့မင်းလေးပုန်းရှောင်နေလို့မရတော့ဘူးနော် ဘယ်လိုပဲပုန်းရှောင်နေပါစေ ဘယ်လိုပဲရုပ်ဖျက်ထားပါစေ ဒီတခါတော့ကိုယ်တော်မြင်ကွင်းထဲမှာအမြဲရှိနေတော့မှာမို့"

အပြာဝတ်ကောင်လေးက လီဖေးရဲ့နဖူးပေါ်ဝဲကျနေတဲ့ဆံပင်လေးတွေကိုသပ်ရင်း စကားတွေပြောနေတယ် သူဘယ်သူလဲ ဘာလုပ်ချင်တာလဲဆိုတာဘုရားမှပဲသိလိမ့်မယ် အပြာဝတ်ကောင်လေး အခန်းထဲမှာလှည့်ပတ်ကြည့်ရင်းနဲ့ စကားကိုဆက်ပြောလိုက်တယ်

"ဒီတော့မင်းလေးချစ်တဲ့သူကိုတော့ပိုင်ဆိုင်နိုင်ခဲ့ပြီပေါ့ဟုတ်လား ဒါပေမဲ့ကိုယ်တော်လက်ထဲကလွတ်သွားပြီလို့တော့မထင်လိုက်နဲ့ဦးနော် ဘာကြောင့်လဲဆိုတာမင်းလေးအသိဆုံးဖြစ်မှာပဲ အရင်တခါကလိုမင်းကိုဆုံးရှုံးမခံနိုင်ဘူး ကိုယ်တော်ဘေးမာပဲမင်းလေးနေရမယ်
ခုတော့မင်းလေးအေးဆေးနေလိုက်ဦး မင်းကိုကိုယ်တော်မိဘုရားဖြစ်လာအောင်ကိုယ်တော်စီစဉ်ပြီးရင် မင်းလေးကိုယ့်မိဘုရားအဖြစ်နဲ့အသက်ရှင်သရွှေ့နေရ‌ေစမယ် ဟားဟားဟား"

အပြာဝတ်ကောင်လေးပြောတာကိုဘယ်သူမှမကြားကြဘူး ဒီအခန်းထဲကောင်လေးတယောက်ရောက်နေမှန်းလဲဘယ်သူမှမသိကြဘူး ဘာဖြစ်လို့လဲဆိုတော့ အပြာဝတ်ကောင်လေးကဒီအခန်းထဲစဝင်လာထဲကအသံလုံအကာအရံဖန်တီးထားလို့ပါ
ဒီတော့အောက်ကနေအပေါ်ကိုတက်လာတဲ့လီယူရီလဲအေးအေးဆေးဆေးပဲဖြစ်နေခဲ့တယ်

ကုတင်ပေါ်ကဝိုလျန်းကတော့ မျက်တောင်ရှည်တွေကိုပိတ်ကာ အနားယူနေဆဲပဲ ဒါပေမဲ့သူမစိတ်ထဲမှာတော့မီးခဲတက်နင်းထားလိုစွေ့စွေ့ခုန်နေပြီ ဒါပေမဲ့ သူမ လှုပ်လို့မရဘူး အပြာဝတ်ကောင်လေးနားကထွက်လာတဲ့ဖိအားက သူမကိုတောင်မလှုပ်နိုင်လောက်အောင်ဖြစ်စေတယ် တောင်ကြီးတလုံးပိနေတဲ့အတိုင်းပဲ
သူမဘယ်လောက်ပဲရုန်းကန်နေပါစေ လှုပ်လို့မရဘူး