(Complete)လျို့ဝှက်သောကြင်ယာတော် (Secret Wife) Normal. Oc..Zgi & Uni

75.ပင့်ကူပန်းရရှိခြင်း

လျို့ဝှက်သောကြင်ယာတော်

အပိုင်း(75)ပင့်ကူပန်းရရှိခြင်း

အကြီးအကဲများတယောက်နှင့်တယောက် မျက်စပစ်ပြလိုက်ကြကာ အချိုသာဆုံးပြုံးထားလိုက်ကြတယ်

သူမသာ ဆက်ခံသူဖြစ်လာခဲ့ရင် ဂိုဏ်းထဲမှာသူမရဲ့အဆင့်အတန်းကအရမ်းမြင့်သွားတော့မှာ ဒီအချိန်မှာကပ်ထားမှသူတို့ရဲ့နေရာကလဲတည်မြဲနိုင်မှာလေ

စုစုကပြုံးလိုက်ပြီး

"ကျွန်မနာမည်က ဟွာဝိုလျန်းပါအကြီးအကဲတို့ ဒါက လီယူရီ ဖန်းလီအင်ပါယာ မင်းကြီးလီရှိုးယာရဲ့အကိုတော် လီယူရိပါ ကျွန်မကသူရဲ့မိဘုရားဖြစ်ပြီးတော့ သူရဲ့ကလေးကိုလွယ်ထားရပါတယ်

ကလေးလေးရဲ့အ‌ေခြေအနေစိုးရိမ်ရလို့ပင့်ကူပန်းကိုအရေးတကြီးလိုအပ်နေပါတယ် အကြီးအကဲတို့ထဲမှာပင့်ကူပန်းများပါခဲ့ရင် ရောင်းပါ ဒါမှမဟုတ် ဘယ်နေရာမှာသွားဝယ်ရမလဲဆိုတာပြောပြရင်လဲဖြစ်ပါတယ် "

အကြီးအကဲများအားလုံး လီယူရီကိုသေချာကြီးစိုက်ကြည့်နေကြတယ်လေ ဒီကောင်လေးမှာမယုံနိုင်စရာ‌ေနာက်ခံအင်အားရှိနေလိမ့်မယ်လို့ လုံးဝကိုမထင်ရတာ ပြိုင်ပွဲမှာပြိုင်နေတုန်းကလဲ မာနမကြီးတတ်တဲ့အေးဆေးနေတတ်သူလို့ပဲထင်ခဲ့ရပြီး အင်ပါယာတခုကမင်းကြီးရဲ့အကိုတော်တဲ့လား

ဝိုလျန်းက သူမရဲ့မျက်နှာကရုပ်ပြောင်းထားတာကိုအစွမ်းနဲ့ဖယ်လိုက်ပြီး အကြီးအကဲများအားလုံးကိုလှည့်ကြည့်လိုက်ပါတယ်

ဒါပေမဲ့ အကြီးအကဲတွေရဲ့ပုံစံကိုတွေ့လိုက်တော့ ဘာမှားနေတာလဲလို့တွေးမိလိုက်တယ် သရေတွေကျပြီးမျက်လုံးပြူးနေတဲ့သူတွေက အကြီးအကဲတွေမှဟုတ်ရဲ့လား သိုင်းကျင့်ကြံထားတဲ့သူတွေဆိုရင် စိတ်ဓာတ်ကခိုင်မာနေရမှာလေ အခုလိုပုံစံတွေကဘာလဲ

"အဟမ်း"

လီယူရီရဲ့ချောင်းဟန့်မူ့ကြောင့် အကြီးအကဲများအသိပြန်ဝင်လာပြီး ရှက်သွားကြကာ မျက်နှာလေးတေွနီရဲသွားကြပါတော့တယ်

ဝိုလျန်းကစိတ်တိုသွားပေမဲ့ ပင့်ကူပန်းရဖို့လိုတာကြောင့် အချိုသာဆုံးပြုံးလိုက်တယ်